ປະທານາທິບໍດີ ສະຫະລັດ ທ່ານ Barack Obama ໄດ້ “ຢືນ
ຢັນອີກຄັ້ງນຶ່ງ ເຖິງການສະໜັບສະໜູນຢ່າງແຂງຂັນ ຂອງສະ
ຫະລັດ” ຕໍ່ນາຍົກລັດຖະມົນຕີ ອີຣັກ ທ່ານ Haider al-Abadi
ແລະການບຸກໂຈມຕີຄັ້ງໃໝ່ ຂອງກຳລັງປະ ກອບອາວຸດເພື່ອ
ເຂົ້າຍຶດເອົາເມຶຶອງ Ramadi ຂອງອີຣັກ ຄືນຈາກພວກກະບົດ
ລັດອິສລາມ.
ຄຳປະກາດຂອງ ປະທານາທິບໍດີ ໄດ້ມີຂື້ນຢູ່ກອງປະຊຸມໃນ
ວັນອັງຄານວານນີ້ ກັບບັນດາທີ່ປຶກສາຄວາມໝັ້ນຄົງສູງສຸດ
ໃນການສົນທະນາຫາລືເຖິງສະຖານະການໃນອີຣັກ ຫລັງ
ຈາກເມືອງ Ramadi ໄດ້ຕົກຢູ່ໃນກຳມືຂອງພວກຫົວຮຸນແຮງ
ລັດອິສລາມ.
ກຸ່ມລັດອິສລາມ ຍຶດເອົາ ເມືອງ Ramadi ໃນອີຣັກ
ກ່ອນໜ້ານັ້ນ ໂຄສົກທຳນຽບຫ້າແຈ ພັນເອກ Steve Warren ກ່າວວ່່າ ຄວາມພະຍາຍາ
ມທີ່ຈະຕີເອົາເມືອງຫລວງຂອງແຂວງ Anbar ຄືນມານັ້ນ ໄດ້ກາຍມາເປັນບັນຫາທ້າທາຍ
ຫລາຍຂື້ນ ເວລາກຳລັງຮັກສາຄວາມປອດໄພອີຣັກ ປະຖິ້ມອຸປະກອນຕ່າງໆຢ່າງຫລວງ
ຫລາຍຂອງສະຫະລັດ ໃນຂະນະທີ່ເຂົາເຈົ້າພາກັນຫລົບໜີຈາກເມືອງ Ramadi ທ່າມກາງ
ການບຸກໂຈມຕີຂອງພວກນັກລົບ ລັດອິສລາມໃນວັນອາທິດແລ້ວນີ້.
ທ່ານ Warren ກ່່າວວ່າ ທະຫານອີຣັກ ໄດ້ປະຖິ້ມລົດທະຫານສະຫະລັດຫຼາຍສິບຄັນຮວມ
ທັງລົດຖັງ ລົດຫຸ້ມເກາະລຳລຽງພົນ ແລະປືນໃຫຍ່. ທ່ານກ່າວວ່າ ລົດຈຳນວນນຶ່ງຍັງປະຕິ
ບັດງານໄດ້ ແລະອີກຈຳນວນນຶ່ງບໍ່ໄດ້.
ການເຂົ້າຍຶດເອົາເມືອງ Ramadi ຂອງກຸ່ມລັດອິສລາມ ໄດ້ພາໃຫ້ມີການຕິຕຽນຢ່າງແຮງ
ຕໍ່ນະໂຍບາຍປະທານາທິບໍດີ Barack Obama ຢູ່ໃນບັນຫາຂັດແຍ້ງ ອີຣັກ ທີ່ຮວມທັງ
ການໂຈມຕີທາງອາກາດໃສ່ພວກກະບົດ ແຕ່ບໍ່ມີການສົ່ງກຳລັງ ທາງພາກພື້ນດິນຂອງ
ສະຫະລັດ ໄປຊ່ວຍເຫລືອອີຣັກ.
