ລິ້ງ ສຳຫລັບເຂົ້າຫາ

ວັນຈັນ, ໑໕ ກໍລະກົດ ໒໐໒໔

ສະ​ຫະ​ລັດ, ກາ​ຕ້າ ແລະ ອີ​ຈິບ ກຳ​ລັງ​ປະ​ເມີນ​ການ​ຕອບ​ຂໍ້​ສະ​ເໜີ​ຢຸດ​ຍິງ​ຂອງ​ກຸ່ມ ຮາ​ມາ​ສ


ລັດ​ຖະ​ມົນ​ຕີ​ກາ​ນ​ຕ່າງ​ປະ​ເທດ ສະ​ຫະ​ລັດ ທ່ານ ແອນ​ໂທ​ນີ ບ​ລິງ​ເຄັນ, ກ​າງ, ເຂົ້າ​ຮ່ວມກອງ​ປະ​ຊຸມ​ຮຽກ​ຮ້ອງ​ເພື່ອ​ດຳ​ເນີນ​ການ: ກ່ຽວ​ກັບ ການ​ຕອບ​ສະ​ໜອງ​ດ້ານ​ມະ​ນຸດ​ສະ​ທຳ​ອັນ​ຮີບ​ດ່ວນ​ສຳ​ລັບ​ເຂດ​ກາ​ຊາ, ຢູ່​ທະ​ເລ​ຕາຍ, ປະ​ເທດ ຈໍ​ແດນ, 11 ມິ​ຖຸ​ນາ 2024.
ລັດ​ຖະ​ມົນ​ຕີ​ກາ​ນ​ຕ່າງ​ປະ​ເທດ ສະ​ຫະ​ລັດ ທ່ານ ແອນ​ໂທ​ນີ ບ​ລິງ​ເຄັນ, ກ​າງ, ເຂົ້າ​ຮ່ວມກອງ​ປະ​ຊຸມ​ຮຽກ​ຮ້ອງ​ເພື່ອ​ດຳ​ເນີນ​ການ: ກ່ຽວ​ກັບ ການ​ຕອບ​ສະ​ໜອງ​ດ້ານ​ມະ​ນຸດ​ສະ​ທຳ​ອັນ​ຮີບ​ດ່ວນ​ສຳ​ລັບ​ເຂດ​ກາ​ຊາ, ຢູ່​ທະ​ເລ​ຕາຍ, ປະ​ເທດ ຈໍ​ແດນ, 11 ມິ​ຖຸ​ນາ 2024.

ລັດ​ຖະ​ມົນ​ຕີ​ການ​ຕ່າງ​ປະ​ເທດ ສະ​ຫະ​ລັດ ທ່ານ ແອນ​ໂທ​ນີ ບ​ລິງ​ເຄັນ ຈະ​ພົບ​ປະ​ກັບ​ນາ​ຍົກ​ລັດ​ຖະ​ມົນ​ຕີ ກາ​ຕ້າ ເຊກ ໂມ​ຮາ​ເມັດ ບິນ ອັບ​ດຸ​ລ​ຣາ​ມານ ອາ​ລ ທາ​ນີ ໃນ​ວັນ​ພຸດມື້ນີ້ ໃນ​ຂະ​ນະ​ທີ່ບັນ​ດາ​ເຈົ້າ​ໜ້າ​ທີ່ ສະ​ຫະ​ລັດ, ກາ​ຕ້າ ແລະ ອີ​ຈິບ ປະ​ເມີນ​ການ​ຕອບ​ສະ​ໜອງ​ຕໍ່​ຂໍ້​ສະ​ເໜີ​ຢຸດ​ຍິງຫຼາຍ​ຂັ້ນ​ຕອນ​ໃນ​ເຂດ ກາ​ຊາ ຂອງ​ກຸ່ມ​ຮາ​ມາ​ສ.

​ ທ່ານ ຈອນ ເຄີ​ບີ, ທີ່​ປຶກ​ສາ​ການ​ສື່​ສານດ້ານ​ຄວາມ​ໝັ້ນ​ຄົງ​ແຫ່​ງ​ຊາດ​ຂອງ​ທຳ​ນຽບ​ຂາວ, ໄດ້​ກ່າວ​ຕໍ່​ບັນ​ດາ​ນັກ​ຂ່າວ​ວ່າ ກຸ່ມ​ຮາມ​າ​ສ ໄດ້​ສົ່ງ​ຄຳ​ຕອບ​ຂ​ອງ​ພວກ​ເຂົາ​ໃຫ້ ກາ​ຕ້າ ແລະ ອີ​ຈິບ ໃນ​ວັນ​ອັງ​ຄານ​ວານນີ້, ແລະ ວ່າ​ ສະ​ຫະ​ລັດ ເດົາ​ວ່າ​ການ​ຕອບ​ດັ່ງ​ກ່າວ​ແມ່ນ​ມີ​ການ​ອະ​ນຸ​ມັດ​ຂອງ​ຜູ້​ນຳ​ສູງ​ສຸດ​ຂອງ​ກຸ່ມ ຮາ​ມາ​ສ ໃນ​ເຂດ ກາ​ຊາ, ທ່ານ ຢາ​ຢາ ຊິນ​ວາ.

ທ່ານ ເຄີ​ບີ ໄດ້​ປະ​ຕິ​ເສດ​ທີ່​ຈະ​ໃຫ້​ລາຍ​ລະ​ອຽດຫຼາຍ, ໂດຍ​ອ້າງວ່າ​ສ່ຽງ​ທີ່​ຈະຂັດ​ຂວາງ​ຂະ​ບວນ​ການ​ເຈ​ລະ​ຈາ.

ທ່ານ ເຄີ​ບີ ໄດ້​ກ່າວ​ວ່າ “ມັນ​ມີຫຼາຍ​ສິ່ງຫຼາຍ​ຢ່າງ​ຢູ່ນີ້, ມີ​ເດີມ​ພັນຫຼາຍ, ແລະ ມັນ​ບໍ່​ໄດ້​ຖືກ​ພິ​ຈາ​ລະ​ນາ​ວ່າ​ສຳ​ຄັນ​ໜ້ອຍ, ແທ້​ຈິງ​ແລ້ວ​, ສຳ​ຄັນ​ທີ່​ສຸດກໍ​ແມ່ນ​ຊີ​ວິດ​ຂອງ​ຕົວ​ປະ​ກັນ​ທີ່​ວ່ານີ້ ແລະ ຄອບ​ຄົວ​ຂອງ​ເຂົາ​ເຈົ້າ. ພວກ​ເຮົາ​ຕ້ອງ​ລະ​ມັດ​ລະ​ວັງຫຼາຍໆ ກ່ຽວ​ກັບ ສິ່ງ​ທີ່​ພວກ​ເຮົາ​ເວົ້າ ແລະ ວິ​ທີ​ທີ່​ພວກເຮົາ​ເວົ້າ.

ອີງ​ຕາມ​ກຸ່ມ​ຮາ​ມາ​ສ ແລະ ກຸ່ມ​ຫົວ​ຮຸນ​ແຮງ ອິ​ສ​ລາມ ຈີ​ຮາດ ທີ່​ນ້ອຍກວ່າ, ພວກ​ເຂົາ​ແມ່ນ​ພ້ອມ​ທີ່​ຈະ “ຮັບ​ມື​ໃນ​ແງ່ບວກ​ເພື່ອ​ບັນ​ລຸຂໍ້​ຕົກ​ລົງ,” ໂດຍ​ໃຫ້​ບູ​ລິ​ມະ​ສິດ​ໃນ​ການ “ຢຸ​ດ​ທັງໝົດ” ຕໍ່​ສົງ​ຄາມ.

ເຈົ້າ​ໜ້າ​ທີ່​ກຸ່ມ​ຮາ​ມາ​ສ​ຄົນ​ນຶ່ງ​ໄດ້​ກ່າວ​ວ່າ “ຄຳ​ຕອບ​ຂອງ ຮາມ​າ​ສ ໄດ້​ຢືນ​ຢັນ​ຄືນ​ຕໍ່​ຈຸດ​ຢືນ​ຂອງ​ກຸ່ມ​ທີ່​ວ່າ ​ຂໍ້​ຕົກ​ລົງ​ໃດໆ​ກໍ​ຕາມ​ ຈະຕ້ອງ​ສິ້ນ​ສຸດ​ການ​ຮຸກ​ຮານ​ຂອງ​ຊາວ ໄຊ​ອອນ​ ຕໍ່​ປະ​ຊາ​ຊົນ​ຂອງ​ພວກ​ເຮົາ, ນຳ​ເອົາ​ກອງ​ກຳ​ລັງ ອິ​ສ​ຣາ​ແອ​ລ ອອ​ກ​ໄປ, ສ້າງ​ສາ​ເຂດ​ກາ​ຊາ​ຄືນ ແລະ ບັນ​ລຸ​ຂໍ້​ຕົກ​ລົງ​ການ​ແລກ​ປ່ຽນ​ນັກ​ໂທດ​ທີ່​ຈິງ​ຈັງ.”

ອ່ານ​ຂ່າວນີ້​ຕື່ມ​ເປັນ​ພາ​ສາ​ອັງ​ກິດ

ຟໍຣັມສະແດງຄວາມຄິດເຫັນ

ສົດ ລາຍການວິທະຍຸ-ໂທລະພາບ ພາກພາສາລາວ

XS
SM
MD
LG