ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ສະຫະລັດ ສັ່ງຖອນ ພະນັກງານ ອອກຈາກ ສະຖານທູດ ທີ່ຊູແດນ ແລະຕູນີເຊຍ (ເບິ່ງວີດີໂອກ່ຽວຂ້ອງ)


ການປະທ້ວງສະຫະລັດບັ້ນນຶ່ງ ຢູ່ພາກຕາເວັນອອກກາງ
ການປະທ້ວງສະຫະລັດບັ້ນນຶ່ງ ຢູ່ພາກຕາເວັນອອກກາງ
ສະຫະລັດ ​ໄດ້​ອອກ​ຄໍາ​ສັ່ງ​ໃຫ້​ ບັນດາ​ເຈົ້າ​ໜ້າ​ທີ່​ແລະຄອບ​ຄົວ​
ຂອງ​ນັກ​ການ​ທູດ ຜູ້​ທີ່​ບໍ່​ມີໜ້າ​ທີ່ອັນ​ຈໍາ​ເປັນ​ທີ່​ສຸດນັ້ນ ​ໃຫ້​ພາ
ກັນ​ອອກ​ຈາກ​ສະຖານທູດ ທີ່ Sudan ​ແລະ Tunisia.

ກະຊວງ​ການ​ຕ່າງປະ​ເທດ ​ໄດ້​ອອກ​ຄໍາ​ສັ່ງດັ່ງກ່າວ​ໃນ​ວັນ​ເສົາ ວານ​ນີ້ ​ແລະ​ໄດ້​ເຕືອນ​ພົນລະ​ເມືອງອາ​ເມຣິກັນ ບໍ່​ໃຫ້​ເດີນທາງໄປຍັງ​ສອງ​ປະເທດນັ້ນ ​ເ​ພາະ​ເປັນ​ຫ່ວງ​ນໍາ​ການ​ກໍ່ຄວາມ​ຮຸນ​ແຮງ ຕ້ານອາ​ເມຣິກາ ​ເພິ່ມທະວີຂຶ້ນ​ນັ້ນ.

ຮູບ​ເງົາຕໍ່ຕ້ານ​ມຸສລິ​ມເລື້ອງ​ນື່ງທີ່​ສ້າງຢູ່​ໃນສະຫະລັດ ​ໄດ້​ກໍ່​ໃຫ້​ເກີດຄື້ນ​ຟອງ​ການ​ປະ​ທ້ວງ ​ແລະ​ຄວາມ​ຮຸນ​ແຮງ​ ໃນ​ອາທິດ​ແລ້ວ​ນີ້ ຢູ່​ທົ່ວພາກຕາ​ເວັນ​ອອກ​ກາງ ​ແລະ​ໃນ​ຂົງ​ເຂດ​ອື່ນໆ.

ຜູ້​ຊາຍ​ຄົນ​ນຶ່ງ ທີ່ຢູ່​ເບື້ອງ​ຫລັງ​ການ​ສ້າງ​ຮູບ​ເງົາ​ສ່ວນໂຕ ​ໄດ້​ຖືກເຈົ້າ​ໜ້າ​ທີ່​ເອົາ​ໂຕ​ໄປສອບປາກ​ຄໍາ ​ໃນ​ວັນ​ເສົາ​ ວານ​ນີ້ ​ ຢູ່ທີ່​ລັດຄາ​ລີ​ຟໍ​ເນຍ.

ຢູ່​ໃນບາງ​ປະ​ເທດມຸສລິ​ມ ຄວາມ​ສະຫງົບ​ໄດ້​ກັນ​ຄືນ​ມາແດ່​ແລ້ວໃນ​ວັນ​ເສົາວານ​ນີ້ ຫລັງ​ຈາກ​ໄດ້​ເກີດຄວາມ​ຮຸນ​ແຮງ​ ​ຂື້ນ​ໃນ​ວັນ​ອັງຄານຜ່ານ​ມາ ແລະເອກ​ອັກຄະ​ລັດຖະທູດສະຫະລັດ ປະ​ຈໍາລີເບຍ ທ່ານ Christopher Stevens ​ໄດ້​ຖືກ​ສັງຫານ ພ້ອມ​ກັບ​ຊາວ​ອາ​ເມຣິກັນ​ອີກ​ສາມ​ຄົນ. ມີພວກປະ​ທ້ວງ​ຫລາຍຄົນໄດ້​ເສຍ​ຊີວິດນັບ​ຕັ້ງ​ແຕ່​ນັ້ນ​ມາ.

ສາຂາ​ຂອງກຸ່ມ​ກໍ່ກາຍ​ຮ້າຍ al-Qaida ຢູ່ໃນປະ​ເທດ​ເຢ​ເມນ ​ໄດ້​ຮຽກຮ້ອງ​ໃຫ້​ມີການ​ກໍ່ຄວາມ​
ຮຸນ​ແຮງຕ້ານສະຖານທູດ​ອາ​ເມຣິກ​າຕື່ມ​ອີກ ຫລັງ​ຈາກ​ທີ່​ມີ​ການ​ປະ​ທ້ວງ​ຢ່າງ​ຮ້າຍ​ແຮງ ​ຕ້ານ​ຮູ​ບ​ເງົາ​ເລື້ອງ​ດັງ​ກ່າວ.

ເບີ່ງວີດີໂອ ກ່ຽວກັບປະຕິກິລິຍາ ຂອງຊາວອາເມຣິກັນ ມຸສລິມ ຕໍ່ການປະທ້ວງ ຢູ່ພາກຕາເວັນອອກກາງ:
Muslim-Americans React to Protests in Middle East
please wait

No media source currently available

0:00 0:01:41 0:00
ລິງໂດຍກົງ
XS
SM
MD
LG