ພວກນັກຮຽນທີ່ປ່ຽນເພດ ຕ້ອງໄດ້ຮັບອະນຸຍາດ ໃຫ້ໃຊ້ຫ້ອງນໍ້າທີ່ຖືກກັບເພດທີ່ ເຂົາເຈົ້າໄດ້ເລືອກ ຊຶ່ງລັດຖະບານທ່ານ Obama ຈະແຈ້ງໃຫ້ບັນດາໂຮງຮຽນ ຫລວງຢູ່ໃນເຂດຕ່າງໆຂອງສະຫະລັດ ໃນວັນສຸກມື້ນີ້.
ໜັງສືສະບັບນຶ່ງເຊັນໂດຍ ບັນດາຜູ້ນຳຂອງກະຊວງຍຸຕິທຳ ແລະ ກະຊວງສຶກສາທິການ ຈະໃຫ້ການແນະນຳແກ່ບັນດາຫົວໜ້າໂຮງຮຽນ ເພື່ອຄໍ້າປະກັນວ່າ ບໍ່ມີນັກຮຽນຄົນໃດໄດ້ຖືກຈຳແນກກີດກັນ.
ລັດຖະມົນຕີຍຸຕິທຳ ທ່ານນາງ Loretta Lynch ກ່າວຢູ່ໃນຖະແຫລງການ ທີ່ນຳອອກເຜີຍແຜ່ໃນແລງວັນພະຫັດວານນີ້ວ່າ ຈະມີຄຳສັ່ງ ທີ່ກຳລັງຖືກສົ່ງໄປຍັງໂຮງຮຽນໃນເຂດຕ່າງໆໃນວັນສຸກມື້ນີວ່າ “ບໍ່ມີບ່ອນໃດ ໃນໂຮງຮຽນຂອງພວກເຮົາ ທີ່ຈະປ່ອຍໃຫ້ມີການຈຳແນກ ກີດກັນ ບໍ່ວ່າຊະນິດໃດກໍຕາມຮວມທັງການຈຳແນກກີດກັນ ຕໍ່ບັນດານັກຮຽນທີ່ປ່ຽນເພດ ໃນພື້ນຖານເພດຂອງເຂົາເຈົ້າ."
ທ່ານນາງ Lynch ກ່າວວ່າ “ຄຳແນະນຳດັ່ງກ່າວນີ້ ແມ່ນໃຫ້ບັນດາຜູ້ບໍລິຫານ ນາຍຄູແລະພໍ່ແມ່ຜູ້ປົກຄອງ ໃຊ້ເປັນເຄຶ່ອງມື ທີ່ເຂົາເຈົ້າຕ້ອງການ ເພື່ອປົກປ້ອງ ບັນດານັກຮຽນປ່ຽນເພດຈາກການຖືກຮາວີລົບກວນ ແລະລະບຸໂຕ ແລະແກ້ໄຂນະໂຍບາຍໂຮງຮຽນທີ່ບໍ່ເປັນ ທຳ.
ໜັງສືສະບັບນີ້ຈະກ່າວວ່າ ບັນດາໂຮງຮຽນຫລວງ ມີຂໍ້ຜູກມັດທີ່ຈະເບິ່ງແຍງບັນດານັກ ຮຽນທີ່ປ່ຽນເພດຕາມເພດທີ່ເຂົາເຈົ້າເລືອກ ເຖິງແມ່ນວ່າຢູ່ໃນບັນທຶກການສຶກສາຂອງ ເຂົາເຈົ້າ ຫລືບັດປະຈຳຕົວສະແດງໃຫ້ເຫັນວ່າເປັນເພດທີ່ແຕກຕ່າງໄປນັ້ນ.
ຄຳສັ່ງນີ້ບໍ່ໄດ້ມີການບັງຄັບທາງກົດໝາຍ ແຕ່ບັນຈຸການຂົ່ມຂູ່ທີ່ບອກເປັນໄນວ່າ ບັນດາ ໂຮງຮຽນໃດບໍ່ປະຕິບັດຕາມການຕີຄວາມໝາຍຂອງລັດຖະບານໃນທາງກົດໝາຍແລ້ວ ອາດຈະປະເຊີນໜ້າກັບການຟ້ອງຮ້ອງ ຫລືສູນເສຍການຊ່ວຍເຫລືອ ຈາກລັດຖະບານ ກາງ.
ທ່ານນາງ Lynch ກ່າວວ່າ “ຄຳແນະນຳດັ່ງກ່າວນີ້ແມ່ນໃຫ້ບັນດາຜູ້ບໍລິຫານ ນາຍຄູແລະ ພໍ່ແມ່ຜູ້ປົກຄອງໃຊ້ເປັນເຄຶ່ອງມືທີ່ເຂົາເຈົ້າຕ້ອງການເພື່ອປົກປ້ອງບັນດານັກຮຽນປ່ຽນເພດ ຈາກການຖືກຮາວີລົບກວນ ແລະລະບຸໂຕ ແລະແກ້ໄຂ ນະໂຍບາຍໂຮງຮຽນທີ່ບໍ່ເປັນທຳ.
ໜັງສືສະບັບນີ້ຈະກ່າວວ່າ ບັນດາໂຮງຮຽນຫຼວງມີຂໍ້ຜູກມັດ ທີ່ຈະເບິ່ງແຍງບັນດານັກຮຽນ ທີ່ປ່ຽນເພດຕາມເພດທີ່ເຂົາເຈົ້າເລືອກ ເຖິງແມ່ນວ່າຢູ່ໃນບັນທຶກການສຶກສາຂອງເຂົາເຈົ້າ ຫລືບັດປະຈຳຕົວສະແດງໃຫ້ເຫັນວ່າເປັນເພດທີ່ແຕກຕ່າງໄປນັ້ນ.
ຄຳສັ່ງນີ້ບໍ່ໄດ້ມີການບັງຄັບທາງກົດໝາຍ ແຕ່ບັນຈຸການຂົ່ມຂູ່ທີ່ບອກເປັນໄນວ່າ ບັນດາໂຮງຮຽນໃດບໍ່ປະຕິບັດຕາມການຕີຄວາມໝາຍຂອງລັດຖະບານໃນທາງ ກົດໝາຍແລ້ວ ອາດຈະປະເຊີນໜ້າກັບການຟ້ອງຮ້ອງຫລືສູນເສຍການຊ່ວຍເຫຼືອຈາກລັດຖະບານກາງ.
