ລິ້ງ ສຳຫລັບເຂົ້າຫາ

ວັນອັງຄານ, ໒໑ ພຶດສະພາ ໒໐໒໔

ທ່ານ Trump ແລະ ທ່ານນາງ Clinton ກັບ ຄືນສູ່ການໂຄສະນາຫາສຽງ ຫຼັງຈາກການ ໂຕ້ວາທີ


ຜູ້ລົງແຂ່ງຂັນເອົາຕຳແໜ່ງປະທານາທິບໍດີ ຈາກພັກຣີພັບບລີກັນ ທ່ານ Donald Trump ກ່າວໃນການຊຸມນຸມໂຄສະນາຫາສຽງ. 27 ກັນຍາ, 2016.
ຜູ້ລົງແຂ່ງຂັນເອົາຕຳແໜ່ງປະທານາທິບໍດີ ຈາກພັກຣີພັບບລີກັນ ທ່ານ Donald Trump ກ່າວໃນການຊຸມນຸມໂຄສະນາຫາສຽງ. 27 ກັນຍາ, 2016.

ດ້ວຍວັນເລືອກຕັ້ງນັບຈາກນີ້ຍັງເຫຼືອອີກ 6 ສັບປະດາ, ບັນດາຜູ້ລົງແຂ່ງຂັນເອົາຕຳແໜ່ງ ປະທານາທິບໍດີ ສະຫະລັດ ທ່ານນາງ Hillary Clinton ແລະ ທ່ານ Donald Trump ໄດ້ ກັບຄືນໄປສູ່ການໂຄສະ ນາຫາສຽງຂອງຕົນໃນວັນອັງຄານວານນີ້ ແລະໄດ້ໃຫ້ການປະ ເມີນຜົນທີ່ສຳຄັນ ກ່ຽວກັບຜົນງານຂອງກັນ ແລະ ກັນໃນການໂຕ້ວາທີ ຄັ້ງທຳອິດຂອງ ພວກເພິ່ນ.

ນັກວິເຄາະອິດສະຫຼະຫຼາຍຄົນໄດ້ກ່າວວ່າ ທ່ານນາງ Clinton ໄດ້ຊະນະໃນການໂຕ້ວາທີ​ເມື່ອວັນຈັນທີ່ຜ່ານມາ ແລະ ສາມາດໄດ້ຮັບຄະແນນຫຼາຍຂຶ້ນໃນການຢັ່ງຫາງສຽງແຫ່ງ ຊາດ ທີ່ໄດ້ສະແດງໃຫ້ເຫັນທ່ານນາງມີສອງສາມ​ເປີ​ເຊັນນຳໜ້າທ່ານ Trump.

ໃນການກ່າວຕໍ່ບັນດາຜູ້ສະໜັບສະໜູນທີ່ລັດ North Carolina ທ່ານນາງ Clinton ໄດ້ ປະກາດວ່າ ຄູ່ແຂ່ງຂັນຂອງທ່ານນາງບໍ່​ສາມາດ​ໃຫ້ ການອະທິບາຍຢ່າງລາຍລະອຽດໃນ ລະຫວ່າງການໂຕ້ວາທີ.

ທ່ານນາງໄດ້ກ່າວວ່າ “ຂ້າພະເຈົ້າມີໂອກາດ ທີ່ຈະເວົ້າສອງສາມຢ່າງ ກ່ຽວກັບ ສິ່ງທີ່ຂ້າ ພະເຈົ້າຢາກເຮັດ ຖ້າຂ້າພະເຈົ້າໂຊກດີພໍທີ່ຈະຖືກເລືອກໃຫ້ເປັນປະທານາທິບໍດີ. ແລະ ທ່ານຮູ້ບໍ, ຂ້າພະເຈົ້າມີແນວຄິດແບບເກົ່າແນວນີ້ ທີ່ຖ້າຂ້າພະເຈົ້າຮ້ອງຂໍຄະແນນສຽງ ຂອງພວກທ່ານ, ຂ້າພະເຈົ້າຄວນບອກພວກທ່ານ ກ່ຽວກັບ ສິ່ງທີ່ຂ້າພະເຈົ້າຢາກເຮັດ.”

ທ່ານ Trump ໄດ້ກ່າວຫຼັງຈາກການໂຕ້ວາວ່າ ທ່ານໄດ້ຮັບໄຊຊະນະ, ແລະ ທີ່ການຊຸມ ນຸມໃນຕອນຄ່ຳຂອງວັນອັງຄານວານນີ້ທີ່ລັດ Florida ​ແມ່ນສະເໜີວ່າ ທ່ານສາມາດເຮັດ ໄດ້ດີຍິ່ງກວ່ານີ້.

ທ່ານໄດ້ກ່າວວ່າ “ສຳລັບເວລາ 90 ນາທີ, ຂ້າພະເຈົ້າໄດ້ເບິ່ງລາວຢ່າງລະມັດລະວັງ ແລະ ຂ້າພະເຈົ້າກໍຍັງໄດ້ອົດໃຈເອົາໄວ້. ຂ້າພະເຈົ້າບໍ່ຢາກເຮັດຫຍັງເພື່ອເຮັດໃຫ້ລາວ ອັບອາຍຂາຍໜ້າ.”

ຜູ້ລົງແຂ່ງຂັນທັງສອງທ່ານ ຈະໂຕ້ວາທີກັນອີກສອງຄັ້ງ ກ່ອນການລົງຄະແນນສຽງໃນວັນ ທີ 8 ພະຈິກ, ການໂຕ້ວາທີຄັ້ງຕໍ່ໄປນັ້ນຈະເປັນວັນທີ 9 ຕຸລາທີ່ຈະມາເຖິງນີ້.

ອ່ານຂ່າວນີ້ຕື່ມເປັນພາສາອັງກິດ

US Presidential Politics
please wait

No media source currently available

0:00 0:01:18 0:00

Clinton Looks for Momentum Following First Debate with Trump
please wait

No media source currently available

0:00 0:02:51 0:00

XS
SM
MD
LG