ປ.ໂອບາມາ ສະແດງ ຄວາມເຄົາລົບ ຕໍ່ມູນເຊື້ອ ຂອງມື້ລາງ ປ. Kennedy (ວີດີໂອ)

ປະທານາທິບໍດີ ບາຣັກ ​ໂອ​ບາ​ມາ ​ແຫ່ງ​ສະຫະລັດ ​ໄດ້​ໄປສະ
​ແດງ​ຄວາມ​ເຄົາລົບ​ຕໍ່ມໍລະດົກ​ຫຼືມູນ​ເຊື້ອຂອງ​ມື້​ລາງ​ປະທານາ
ທິບໍດີ John F. Kennedyເພື່ອ​ເປັນ​ຂີດ​ໝາຍ​ໃນ​ວັນ​ຄົບຮອບ
50 ປີ ​ແຫ່ງ​ການ​ລອບ​ສັງຫານທ່ານ.

ຜູ້​ທີ່​ຕິດຕາມ​ທ່ານ​ໂອ​ບາ​ມາ​ໄປໃນ​ວັນ​ພຸດ​ວານ​ນີ້ ກໍມີ​ອະດີດ​ປະ
ທານາທິບໍດີ ບີ​ລ ຄລິນ​ຕັນ ພ້ອມ​ດ້ວຍ​ທ່ານ​ນາງ Michelle
Obama ສະ​ຕີ​ໝາຍ​ເລກ​ນຶ່ງ ​ແລະ​ທ່ານ​ນາງ Hillary Clinton
ອະດີດ​ລັດ​ຖະມຸນຕີ​ການ​ຕ່າງປະ​ເທດ​ສະຫະລັດ ​ໃນ​ການ​ໄປ​
ວາງ​ພວງມາລາ​ໃສ່ຂຸມ​ຝັງ​ສົບ​ຂອງ​ທ່ານ Kennedy ທີ່ປ່າຊ້າ
Arlington National Cemetery ​ໃກ້ໆ​ກັບ​ນະຄອນ​ຫຼວງ
ກຸງ​ວໍ​ຊິງ​ຕັນ​ນັ້ນ.

ພວກ​ສະມາຊິກ​ຄອບຄົວ​ຂອງ​ທ່ານ Kennedy ຫຼາຍ​ຄົນ​ໄດ້​ໄປ​ຮ່ວມ​ໃນ​ພິທີ​ວາງ​ພວງມາລາດັ່ງກ່າວ​ນີ້.

​ໃນ​ຕອນ​ເຊົ້າ​ວັນ​ພຸດ​ວານ​ນີ້ ທ່ານ​ໂອ​ບາ​ມາ ​ໄດ້​ມອບ​ຫຼຽນ​ໄຊ​ອິດ​ສະລະ​ພາບ​ປະທານາທິບໍ ດີໃຫ້​ແກ່​ອະດີດ​ປະທານາທິບໍດີ​ຄລິນ​ຕັນ ​ແລະ​ຊາວ​ອະ​ເມຣິກັນ​ທີ່​ມີ​ຊື່​ສຽງ​ຕື່ມ​ອີກ 16 ທ່ານ ທີ່​ໄດ້​ອຸທິດ​ໂຕ​ຢ່າງ​ຫຼວງ​ຫຼາຍ​ຕໍ່​ວັດທະນະທຳ​ ການ​ເມືອງ​ ກີລາແລະ​ວິທະຍາສາດຂອງ​ສະຫະລັດ ​ນັ້ນ. ມື້ລາງ​ປະທານາທິບໍດີ​ Kennedy ໄດ້​ສ້າງຫລຽນ​ໄຊດັ່ງກ່າວແຕ່​ທ່ານ ​ໄດ້​ຖືກ​ລອບ​ສັງຫານ 2 ສັບປະດາ ​ກ່ອນ​ທ່ານ​ໄດ້​ວາງ​ແຜນ​ໄວ້​ ເພື່ອ​ໃຫ້​ກຽດມອບ​ຫລຽນ​ໄຊ​ນີ້​ແກ່​ພວກ​ທີ່​ຈະ​ໄດ້​ຮັບຊຸດ​ທຳ​ອິດ.

​