ພວກພະນັກງານເຮັດວຽກຢູ່ທ່າເຮືອສະຫະລັດແລະບັນດາຜູ້
ບໍລິຫານໄດ້ບັນລຸການຕົກລົງໃນເບື້ອງຕົ້ນກ່ຽວກັບສັນຍາສະ
ບັບໃໝ່ ຊຶ່ງຈະແກ້ໄຂການໂຕ້ແຍ້ງທີ່ໄດ້ລົບກວນການຂົນສົ່ງ
ສິນຄ້າຜ່ານທ່າເຮືອ 29 ແຫ່ງຢູ່ທາງພາກຕາເວັນຕົກຂອງສະ
ຫະລັດ ແລະເຮັດໃຫ້ການຄ້າກັບເອເຊຍມີຄວາມສັບສົນນັ້ນ.
ການຕົກລົງດັ່ງກ່າວໄດ້ບັນລຸໃນຕອນແລງວັນສຸກວານນີ້ແລະ
ຮຽກຮ້ອງໃຫ້ຟື້ນຟູການບໍລິຫານງານ ຢູ່ຕາມທ່າເຮືອທັງໝົດ
ເລີ້ມແຕ່ຕອນແລງຂອງວັນເສົາມື້ນີ້ເປັນຕົ້ນໄປ. ທັງສອງຝ່າຍ
ຍັງຈະຕ້ອງໄດ້ບັນລຸຂໍ້ຕົກລົງຂັ້ນສຸດທ້າຍກັນອີກ.
ໃນຖະແຫລງການຮ່ວມນັ້ນ ປະທານສະມາຄົມການຂົນສົ່ງທາງທະເລໃນເຂດປາ ຊີຟິກ
ທ່ານ James Mckenna ແລະ ປະທານກຳມະບານຄົນງານທ່າເຮືອ ແລະສາງເກັບສິນ
ຄ້ານາໆຊາດ ທ່ານ Bob McEllrath ກ່າວວ່າ ເຂົາເຈົ້າ ມີຄວາມປິຕິຍິນດີ ທີ່ໄດ້ບັນລຸຂໍ້
ຕົກລົງຂັ້ນຕົ້ນ ຊຶ່ງເປັນການດີສຳລັບບັນດາພະ ນັກງານທ່າເຮືອ ແລະ ອຸດສາຫະກຳຂົນ
ສົ່ງທາງທະເລ.
ລັດຖະມົນຕີແຮງງານ ສະຫະລັດ ທ່ານ Thomas Perez ໄດ້ດູແລການເຈລະຈາກັນເປັ
ເວລາສີ່ມື້ໃນອາທິດນີ້ ລະຫວ່າງທັງສອງຝ່າຍທີ່ ນະຄອນ San Francisco ລັດ
California ທາງພາກຕາເວັນຕົກຂອງສະຫະລັດ.
ການໂຕ້ແຍ້ງເລື້ອງແຮງງານ ຊຶ່ງໄດ້ເລີ້ມຂື້ນໃນເດືອນກໍລະກົດ ເວລາສັນຍາສະບັບກ່ອນ
ໄດ້ໝົດອາຍຸລົງ ເຮັດໃຫ້ທ່າເຮືອຂົນສົ່ງ 29 ແຫ່ງຢູ່ທາງພາກຕາເວັນ ຕົກຂອງສະຫະລັດ ຕິດຄັດມາເປັນເວລາຫລາຍເດືອນ ແລະການຄ້າຂອງສະ ຫະລັດກັບເຂດເອເຊຍມີບັນຫາ. ບັນດາທ່າເຮືອເຫລົ່ານີ້ຮັບສິນຄ້າ ຫລາຍກວ່ານຶ່ງສ່ວນສີ່ຂອງການຄ້າທາງທະເລທັງໝົດ
ຂອງ ສະຫະລັດແລະຫລາຍກວ່າ 70 ເປີເຊັນຂອງສິນຄ້ານຳເຂົ້າ ຈາກເອເຊຍ.
ເງິນມູນຄາຫລາຍພັນລ້ານໂດລາ ຂອງສິນຄ້າໄດ້ຖືກກັກໄວ້ ຢູ່ໃນຫີບຂົນສົ່ງຂອງບັນດາ
ເຮືອທັງຫລາຍ ທີ່ຈອດຢູ່ຖ່າເຮືອຕ່າງໆ ຈາກພາກໃຕ້ຂອງ ລັດ California ຂື້ນໄປຈົນເຖິງ
ພາກເໜືອຊາຍແດນຂອງ ການາດາ.
