ໃນວັນເສົາມື້ນີ້ສາມລັດທາງພາກຕາເວັນຕົກສະຫະລັດປະກອບ
ມີລັດ Alaska ລັດ Hawaii ແລະລັດ Washington ກຳລັງຈັດ
ກອງປະຊຸມ ປ່ອນບັດເລືອກຕັ້ງ ປະທານາທິບໍດີ ຂອງພັກເດໂມ
ແຄຣັດ ກ່ອນໜ້າກອງປະຊຸມໃຫຍ່ພັກ.
ອະດີດລັດຖະມົນຕີ ຕ່າງປະເທດ ທ່ານນາງ Hillary Clinton
ແມ່ນຜູ້ສະໝັກທີ່ກຳຈຳນວນຜູ້ຕາງໜ້າຢ່າງຂາດຮອຍໃນເວລານີ້
ແຕ່ສະມາຊິກສະພາສູງ ລັດ Vermont ທ່ານ Bernie Sanders
ປະຕິເສດທີ່ຈະຢຸດເຊົາແລະຢູ່ໃນບາງບ່ອນ ທ່ານຍັງເປັນຄູ່ແຂ່ງທີ່
ໜ້າຢ້ານກົວ ສຳລັບທ່ານນາງ Hillary Clinton.
ຢູ່ໃນຄຳຖະແຫລງ ໃນວັນພຸດທີ່ຜ່ານມາ ຫລັງຈາກການໂຈມຕີຮ້າຍແຮງທີ່ນະ ຄອນ
Brussels ນັ້ນ ທ່ານນາງ Hillary Clinton ໄດ້ເນັ້ນໜັກຄວາມສົນໃຈຂອງທ່ານ ໄປໃສ່
ບັນດາຜູ້ສະໝັກພັກຣີພັບບລິກັນ ທ່ານ Donald Trump ແລະທ່ານ Ted Cruz ແລະ
ອັນທີ່ທ່ານນາງຮ້ອງເຂົາເຈົ້າວ່າ ນະໂຍບາຍຕ່າງ ປະເທດ "ທີ່ບໍ່ມີລະມັດລະວັງ” ຂອງ
ພວກເຂົາເຈົ້າ.
ທ່ານນາງ Clinton ກ່າວຕື່ມວ່າ “ພວກເຮົາຕ້ອງເພິ່ງພາອາໄສໃນສິ່ງທີ່ໄດ້ຜົນຕົວຈິງບໍ່
ແມ່ນເວົ້າສຽງດັງໂວຍວາຍເພື່ອສ້າງຄວາມບາດໝາງໃຫ້ແກ່ພາຄີຂອງ ພວກເຮົາ ແລະ
ບໍ່ເຮັດໃຫ້ເຮົາມີຄວາມປອດໄພຂຶ້ນແຕ່ຢາງໃດນັ້ນ.”
ທ່ານ Sanders ຊຶ່ງເປັນທີ່ນິຍົມຊົມຊອບຂອງພວກ “ທີ່ເກີດໃນຊຸມປີ 1980 ຫາປີ 2000
ແລະບັນດາຜູ້ປ່ອນບັດເທຶ່ອທຳອິດນັ້ນ ໄດ້ກ່າວວ່າ “ພວກເຮົາຈຳເປັນຕ້ອງປະຕິວັດການ
ເມືອງ."
ບັນດານັກວິເຄາະກ່າວວ່າ ການປະຊຸມປ່ອນບັດຢູ່ໃນສາມລັດໃນວັນເສົາມື້ນີ້ອາດຈະເປັນ
ທີ່ໄດ້ປຽບ ສຳລັບທ່ານ Sanders ເພາະວ່າກອງປະຊຸມປ່ອນບັດມັກຈະ ດຶງດູດເອົາສະ
ມາຊິກພັກເດໂມແຄຣັດຫົວເສຣີຫລາຍທີ່ສຸດ. ຍິ່ງໄປກວ່ານັ້ນທ່ານ Sanders ຍັງເປັນ
ທີ່ນິຍົມຢ່າງຫລວງຫລາຍ ຈາກພວກປ່ອນບັດທີ່ໜຸ່ມນ້ອຍ ທີ່ໄດ້ເປັນກະແຈສຳຄັນ ໃນ
ການນຳເອົາປະທານາທິບໍດີ Barack Obama ເຂົ້າ ກຳຕຳແໜ່ງຢູ່ທຳນຽບຂາວເຖິງ
ສອງເທື່ອ.
ທ່ານນາງ Clinton ຍັງຕ້ອງການຜູ້ຕາງໜ້າຕື່ມ 672 ຄົນ ຈຶ່ງຈະສາມາດໄດ້ຮັບການຖືກ
ສະເໜີຊື່. ທ່ານ Sanders ແມ່ນຕ້ອງການຫລາຍກວ່າສອງເທົ່າຂອງທ່ານນາງ Clinton
ຊຶ່ງໃນວັນເສົາມື້ນີ້ິ້ ແມ່ນ 142 ຊຶ່ງຈະຖືກນັບຮວມເຂົ້າ ໃສ່ ຕົວເລກເປົ້າໝາຍ 2,383 ຄົນ
ທີ່ຕ້ອງການນັ້ນ.
