ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ພວກສະມາຊິກພັກ Republican ທີ່ຫວັງຢາກເປັນ ປະທານາທິບໍດີ ສົນທະນາ ກັບປະຊາຊົນ ທີ່ລັດ Iowa


ອະດີດຜູ້ວ່າການລັດ ຟລໍຣິດາ ທ່ານ Jeb Bush ກ່າວຕໍ່ກອງ
ປະຊຸມປະຊາຊົນ ທີ່ມະຫາວິທະຍາໄລ Loras College ໃນເມືອງ Dubuque ລັດ Iowa ວັນທີ 16 ພຶດສະພາ 2015.
ອະດີດຜູ້ວ່າການລັດ ຟລໍຣິດາ ທ່ານ Jeb Bush ກ່າວຕໍ່ກອງ ປະຊຸມປະຊາຊົນ ທີ່ມະຫາວິທະຍາໄລ Loras College ໃນເມືອງ Dubuque ລັດ Iowa ວັນທີ 16 ພຶດສະພາ 2015.

ບັນດາ​ສະມາຊິກ​ພັກ Republican ​ທີ່ຫວັງ​ຢາກ​ເປັນ​ປະທາ
ນາທິບໍດີ 11 ທ່ານ ທີ່​ແຂ່ງຂັນ​ເອົາ​ການ​ແຕ່ງ​ຕັ້ງ​ຈາກ​ພັກ​ໃຫ້​
ເປັນ​ຜູ້ສະໝັກເລືອກ​ ຕັ້ງ​ປະທານາທິບໍດີ​ສະຫະລັດ​ໃນ​ປີ 2016
​ໄດ້​ໄປ​ເຕົ້າ​ໂຮມ​ກັນ​ ຢູ່​ລັດ Iowa ທາງ​ພາກ​ກາງຂອງ​ສະຫະລັດ​
ໃນ​ວັນ​ເສົາ​ວານ​ນີ້ ​ເພື່ອ​ກ່າວຊີ້​ແຈງ​ຕໍ່​ພວກ​ສະມາຊິກທີ່​ແຂງ​
ແຮງ​ທີ່​ສຸດ​ຂອງ​ພັກ​ໃນ​ລັດ ວ່າ​ເປັນ​ຫຍັງ​ພວກ​ເຂົາ​ເຈົ້າ​ຈຶ່ງຄວນ
​ຈະ​ໄດ້​ຮັບ ການ​ແຕ່ງ​ຕັ້ງ​ໃຫ້​ເປັນຜູ້​ສະໝັກ​ຕາງໜ້າພັກ ​ໃນ​ການ
​ເລືອກຕັ້ງ​ປະທານາທິບໍດີ​ນັ້ນ.

ກອງ​ປະຊຸມ​ໂອ້​ລົມກັບ​ປະຊາຊົນດັ່ງກ່າວ ​ແມ່ນ​ພັກ Republi
can ​ເປັນ​ຜູ້ອຸບປະຖຳ​ຈັດ​ຂຶ້ນ ​ແລະ​ໄດ້​ຄອບງຳ​ໂດຍ​ການ​ໂອ້​ລົມ​
ກັນ​ເລື້ອງ​ອີຣ່ານ ສາສະໜາອິສລາມ ​ແລະ​ຄວາມ​ວຸ້ນວາຍ​ໃນ​ພາກ​ຕາ​ເວັນ​ອອກ​ກາງ.

ພວກ​ຜູ້​ສະ​ໝັກທີ່​ຕັ້ງ​ຄວາມ​ຫວັງ​ໄວ້​ນີ້ ຕ່າງ​ກໍຮຽກຮ້ອງ​ໃຫ້ສະຫະລັດ​ມີໜ້າ ​ຢ່າງ​ແຂງ​ແຮງຂຶ້ນ
ຢູ່​ໃນ​ທົ່ວ​ໂລກ ​ແຕ່ວ່າ​ແຕກ​ຕ່າງ​ກັນ​ກ່ຽວກັບວ່າ ​ຈະ​ໃຫ້ສະຫະລັດ​ເອົາ​ທ່າ​ທີແຂງ​ແຮງ​ສໍ່າ​ໃດ​ ຕໍ່​ພວກ​ສັດຕູ​ນັ້ນ.

ຄຳ​ຕອບ​ຂອງ​ທ່ານ Rick Santorum ອະດີດ​ສະມາຊິກ​ສະພາ​ສູງ ສະຫະລັດ ສຳລັບ​ການ​ຮັບ​ມື​ກັບ​ອີຣ່ານນັ້ນ ​ແມ່ນ “​ເອົາ​ເຮືອບິນ​ຖິ້ມ​ລະ​ເບີດ​ຂອງ​ພວກ​ເຮົາ ໄປ​ຖິ້ມໃສ່​ພວກ​ເຂົາ ​ແລະ​ສົ່ງ​ພວກ​ເຂົາ​ກັບ​ຄືນ​ໄປ​ຍັງ​ສັດຕະວັດ​ທີ 7.” ໃນ​ຂະນະ​ທີ່ສະມາຊິກ​ສະພາ​ສູງ​ຈາກ​ລັດ Kentucky ທ່ານ Rand Paul ​ ​ຕັ້ງ​ຄຳຖາມຂຶ້ນ​ມາ​ວ່າ ການ​ຮຸກ​ຮານ​ອີຣັກ ມັນ​ກຸ້ມ​ຄ່າ​ບໍ? ​ເມື່ອ​ພິຈາລະນາ​ເບິ່ງ​ການໂຜ່​ໂຕ​ຂຶ້ນ​ມາຂອງ​ກຸ່ມ​ລັດ​ອິສລາມ​ນັ້ນ.

ພວກ​ສະມາຊິກ​ຄົນ​ອື່ນໆ​ຂອງ​ພັກ ​ໄດ້​ຖິ້ມ​ໂທດ​ການໂຜ່​ໂຕຂຶ້ນ​ມາ​ຢ່າງ​ແຂງແຮງຂອງ​ກຸ່ມ​ລັດ​ອິສລາມ​ ​ໃສ່​ປະທານາທິບໍດີ​ບາຣັກ ​ໂອ​ບາ​ມມາ ສັງກັດ​ພັກ​ເດ​ໂມ​ແກຣັດ ທີ່​ບໍ່​ໄດ້​ປະກຳລັງຫຼັງ​ຈາກ​ສົງຄາມ ໄວ້ໃນອີຣັກ ຫຼັງ​ຈາກ​ສະຫະລັດ​ຖອນ​ກຳລັງ​ອອກ​ແລ້ວ. ພວກຜູ້​ສະມັກ ຫຼາຍຄົນ ກ່າວ​ຫາ ທ່ານ​ໂອ​ບາ​ມາ ວ່າ ບໍ່​ໄດ້​ຖື​ເລື້ອງ​ການ​ຂົ່ມຂູ່​ຂອງ​ພວກ​ຫົວ​ຮຸນ​ແຮງ​ລັດ​ອິສລາມ​ ​ຢ່າງ​ເອົາ​ຈິງ​ເອົາ​ຈັງ.

ລັດ Iowa ​ເປັນ​ລັດທຳ​ອິດ ​ທີ່ຈັດກອງ​ປະຊຸມ​ເລືອກ​ເອົາ​ຜູ້​ຈະ​ຖືກ​ແຕ່ງ​ຕັ້ງ​ເປັນ​ຜູ້​ສະໝັກ​ຕາງ
ໜ້າ​ພັກ ສຳລັບ​ການ​ເລືອກ​ຕັ້ງ​ປະທານາທິບໍດີ​ສະຫະລັດ ​ແລະ​ກອງ​ປະຊຸມ​ຂອງ​ລັດ ຈະ​ມີ​ຂຶ້ນ​ໃນ​ຕົ້ນ​ປີໜ້າ​.

ແມ່ຍິງປະເຊີນກັບການທ້າທາຍພິເສດສະເພາະ ໃນວົງການເມືອງຂອງສະຫະລັດ:

Women Face Unique Challenges in US Politics
please wait

No media source currently available

0:00 0:02:20 0:00

XS
SM
MD
LG