ລິ້ງ ສຳຫລັບເຂົ້າຫາ

ທ່ານໂອບາມາ ຖິ້ມໂທດໃສ່ ພັກຣີພັບບລີກັນ ທີ່ກົດໝາຍ ຄົນເຂົ້າເມືອງ ຊັກຊ້າ (ວີດີໂອ)


ປະທານາທິບໍດີໂອບາມາ ທີ່ໄປຮ່ວມລາຍການຕອບຄຳຖາມ ຂອງໂທລະພາບພາສາສະເປນ Univision ທີ່ມີຜູ້ປະກາດຂ່າວ Jorge Ramos (ຊ້າຍ) ແລະ Maria Elena Salinas (ກາງ) ເປັນຜູ້ຈັດລາຍການ ຢູ່ມະຫາວິທະຍາໄລໄມອາມີ ລັດຟໍລິດາ (20 ກັນຍາ 2012)
ປະທານາທິບໍດີສະຫະລັດທ່ານບາຣັກ ໂອບາມາ ໄດ້ຖິ້ມໂທດໃສ່
ພັກຣີພັບບລີກັນ ທີ່ທ່ານບໍ່ສາມາດຮັກສາຄຳໝັ້ນສັນຍາ ໃນການ
ຮັບຜ່ານຮ່າງກົດໝາຍການປະຕິຮູບກ່ຽວກັບເລື່ອງຄົນເຂົ້າເມືອງ ໃນລະຫວ່າງການດຳລົງຕຳແໜ່ງສະໄໝທຳອິດຂອງທ່ານ.

ໃນການປະກົດໂຕທາງຕ່າໜ່າງໂທລະພາບພາສາສະເປນ Uni-
vision ໃນວັນພະຫັດວານນີ້ ທ່ານໂອບາມາ ເວົ້າວ່າ ສະມາຊິກ ພັກຣີພັບບລີກັນຢູ່ໃນລັດຖະສະພາສະຫະລັດ ຊຶ່ງຍາມໃດກໍໃຫ້
ການສະໜັບສະໜຸນຕໍ່ການປະຕິຮູບກົດໝາຍຄົນເຂົ້າເມືອງນັ້ນ
ໃນທັນທີທັນໃດ ກໍບໍ່ໃຫ້ຄວາມສົນໃຈໃນເລື່ອງນີ້. ປະທານາທິບໍ
ດີໂອບາມາຍອມຮັບວ່າ ທ່ານເອງກໍໄຮ້ດຽງສາທີ່ບໍ່ຄາດການວ່າ
ມັນຈະເກີດຂຶ້ນແບບນີ້.

ນອກນັ້ນທ່ານໂອບາມາຍັງເວົ້າວ່າ ບຸກຄົນໃດກໍຕາມທີ່ເຊື່ອວ່າ ຊາວອາເມຣິກັນຕ້ອງການ ຢາກຮັບການຊ່ອຍເຫຼືອຈາກລັດຖະບານ ບຸກຄົນຜູ້ນັ້ນ ຍັງບໍ່ໄດ້ຮູ້ເຫັນຫຍັງຫຼາຍ.

ທ່ານໂອບາມາ ໝາຍເຖິງວີດີໂອ ທີ່ຫາກໍນຳອອກເຜີຍແຜ່ ໃນສັບປະດານີ້ ທີ່ທ່ານ Mitt Romney ຜູ້ສະມັກປະທານາທິບໍດີຂອງພັກຣີພັບບລີກັນໄດ້ກ່າວ ໃນລະຫວ່າງການໂຄ ສະນາຫາສຽງເພື່ອຊອກຫາເງິນສະໜັບສະໜຸນເມື່ອເດືອນພຶດສະພາຜ່ານມາ ໂດຍເວົ້າ
ວ່າ 47% ຂອງພວກທີ່ປ່ອນບັດເອົາທ່ານໂອບາມານັ້ນ ແມ່ນພວກ “ເຄາະຮ້າຍ” ທີ່ກາງ ຕໍ່ການຊ່ອຍເຫຼືອຂອງລັດຖະບານ. ທ່ານ Romney ເວົ້າວ່າ ທ່ານບໍ່ໄດ້ກັງວົນໃຈ ກ່ຽວ
ກັບຜູ້ຄົນພວກນີ້.

ທ່ານ Romney ໄດ້ປະກົດໂຕທາງໂທລະພາບ Univision ໃນມື້ວັນພຸດຜ່ານມາ ໂດຍ ກ່າວຕໍ່ພວກຜູ້ຊົມວ່າ ການໂຄສະນາຫາສຽງຂອງທ່ານ ແມ່ນຕໍ່ຊາວອາເມຣິກັນທັງໝົດ 100%. ທ່ານເວົ້າວ່າ ພັກຣີພັບບລີກັນແມ່ນພັກການເມືອງສຳລັບຊາວອາເມຣິກັນເຊື້ອ ສາຍຮິສປານິກໂດຍທຳມະຊາດໂດຍເອີ້ນວ່າເປັນພາກສ່ວນນຶ່ງຂອງໂອກາດແລະຄວາມ ຫວັງ.

ວີດີໂອ ທ່ານຣອມນີອອກໂທລະພາບ Univision ຫາສຽງສະໜັບສະໜຸນ
ຈາກຊາວອາເມຣິກັນ ເຊື້ອສາຍສະເປນ:


ການຢັ່ງຫາງສຽງ ສະແດງໃຫ້ເຫັນວ່າ ປະທານາທິບໍດີໂອບາມາມີຄະແນນນຳໜ້າທ່ານ Romney ເກືອບ 40% ໃນໝູ່ພວກມີສິດປ່ອນບັດເຊື້ອສາຍຮິສປານິກ. ໃນວັນພະຫັດ ວານນີ້ ຜູ້ສະມັກປະທານາທິບໍດີທັງສອງໄດ້ໂຄສະນາຫາສຽງຢູ່ລັດຟລໍຣິດາຊຶ່ງມີປະຊາ ຊົນເຊື້ອສາຍຮິສປານິກເປັນຈຳນວນຫຼວງຫຼາຍແລະມີຄວາມສຳຄັນໃນການເຂົ້າກຳຕຳ ແໜ່ງຢູ່ທຳນຽບຂາວ.

ນອກນັ້ນແລ້ວໃນມື້ວານນີ້ທ່ານ Tim Pawlenty ອະດີດຜູ້ປົກຄອງລັດມິນເນໂຊຕ້າພ້ອມ ທັງເປັນອະດີດຜູ້ສະມັກປະທານາທິບໍດີຂອງພັກຣີພັບບລີກັນນຳນັ້ນໄດ້ລາອອກຈາກການ ປະທານຮ່ວມ ໃນການໂຄສະນາຫາສຽງຂອງທ່ານ Romney ເພື່ອເຂົ້າຮັບຕຳແໜ່ງເປັນ ຫົວໜ້າບໍລິສັດວິ່ງເຕັ້ນນຶ່ງ ຢູ່ຕະຫຼາດຮຸ້ນ. ບໍລິສັດ Financial Services Rountable ກ່າວວ່າ ຕົນເປັນບໍລິສັດທີ່ບໍ່ລຳອຽງພັກໃດພັກນຶ່ງ. ທ່ານ Pawlenty ເປັນຜູ້ສະມັກປະທາ ນາທິບໍດີຂອງພັກຣີພັບບລີກັນເປັນເວລາສັ້ນໆ. ທ່ານໄດ້ຖອນໂຕຈາກການແຂ່ງຂັນໃນປີ ກາຍນີ້ ຫຼັງຈາກບໍ່ໄດ້ຮັບຄະແນນດີປານໃດໃນການເລືອກຕັ້ງຂອງພັກທີ່ລັດໄອໂອວາ ຊຶ່ງ ເປັນນຶ່ງໃນການຢັ່ງຄະແນນສຽງຂັ້ນຕົ້ນທີ່ສຳຄັນ ກ່ຽວກັບຄະແນນນິຍົມຂອງຜູ້ສະມັກເປັນ ປະທານາທິບໍດີ.

ເບິ່ງວີດີໂອກ່ຽວກັບກັບພວກໄປຮ່ວມກອງປະຊຸມຫລວງຂອງພັກເດໂມແຄຣັທ
ກົດດັນໃຫ້ຮັບຜ່ານກົດໝາຍວ່າດ້ວຍພວກຄົນເຂົ້າເມືອງຜິດກົດໝາຍ:

XS
SM
MD
LG