WHITE HOUSE —
ທ່ານ ບາຣັກ ໂອບາມາ ປະທານາທິບໍດີສະຫະລັດ ໄດ້ບອກພວກປ່ອນ ບັດທັງຫຼາຍຢູ່ລັດຟລໍຣິດາ ຊຶ່ງເປັນລັດທີ່ສໍາຄັນທີ່ສຸດຕໍ່ການເລືອກຕັ້ງສະໄໝທີ່ສອງຂອງທ່ານ ເມື່ອວັນເສົາວານນີ້ວ່າ ບັນຫາຕ່າງໆຂອງປະເທດຊາດນັ້ນ ສາມາດແກ້ໄຂໄດ້ ຊຶ່ງທ່ານໄດ້ເນັ້ນຍໍ້າເປົ້າໝາຍຫຼາຍໆຢ່າງ ສໍາລັບການຟື້ນຟູເສດຖະກິດ ທີ່ທ່ານໄດ້ອະທິບາຍໂດຍສັງເຂບຢູ່ໃນຄໍາປາໄສຮັບເອົາການແຕ່ງຕັ້ງໃຫ້ເປັນຕົວແທນພັກເດໂມແຄຣັທ ສະໝັກເລືອກຕັ້ງອີກ ເມື່ອສອງຄືນຜ່ານມານັ້ນ.
ປະທານາທິບໍດີ ໂອບາມາ ກ່າວວ່າ ແຜນການຂອງທ່ານຈະເພີ່ມປະລິ ມານການສົ່ງອອກ ສ້າງໜ້າວຽກໃຫ້ຫຼາຍຂຶ້ນ ລົດການເພິ່ງພານໍ້າມັນຈາກຕ່າງປະເທດ ປັບປຸງລະບົບການສຶກສາໃຫ້ມີຄ່າຮໍ່າຮຽນຖືກລົງ ຕັດການ ຂາດດຸນງົບປະມານແຫ່ງຊາດ ໂດຍບໍ່ສ້າງຄວາມເດືອດຮ້ອນແກ່ຊົນຊັ້ນກາງ.
ທ່ານໂອບາມາ ໄດ້ບອກຝຸງຊົນ ວ່າ ພັກຣີພັບບລິກັນນັ້ນ ແມ່ນຜິດຢ່າງ ມະຫັນ ທີ່ເອີ້ນສະຫະລັດວ່າ ເປັນປະເທດກໍາລັງຕົກຕໍ່ານັ້ນ.
ມື້ວານນີ້ແມ່ນມື້ທີ່ສອງຂອງການອອກໄປໂຄສະນາຫາສຽງສາມມື້ ຂອງ ທ່ານໂອບາມາ ເພື່ອລະດົມເອົາສຽງສະໜັບສະໜຸນຈາກຜູ້ປ່ອນບັດເລືອກຕັ້ງ ຫຼັງຈາກຕົວເລກໜ້າວຽກລ່າສຸດ ສະແດງໃຫ້ເຫັນວ່າ ຍັງມີບັນຫາສືບຕໍ່ມາຢູ່ ໃນການຟື້ນຕົວຄືນຂອງເສດຖະກິດສະຫະລັດນັ້ນ.
ຕະຫຼາດແຮງງານສະຫະລັດ ໄດ້ເພີ່ມໜ້າວຽກຂຶ້ນ 96,000 ວຽກໃນເດືອນສິງຫາຜ່ານມາ ແລະອັດຕາການວ່າງງານຍັງສູງກວ່າ 8 ເປີເຊັນ ເປັນເດືອນທີ 43 ລຽນຕິດ.
ທ່ານ ມິດ ຣອມນີ ຜູ້ທ້າແຂ່ງຈາກພັກຣີພັບບລິກັນ ຂອງທ່ານໂອບາມາ ເວົ້າວ່າ ລາຍງານດ້ານໜ້າວຽກສະແດງໃຫ້ເຫັນວ່າ ປະທານາທິບໍດີ ບໍ່ໄດ້ ປະຕິບັດຕາມຄໍາໝັ້ນສັນຍາທີ່ທ່ານໄດ້ໃຫ້ໄວ້ ແລະນະໂຍບາຍຕ່າງໆຂອງທ່ານໂອບາມານັ້ນ ກໍໃຊ້ການບໍ່ໄດ້.
ທ່ານ ຣອມນີ ອອກໂຄສະນາຫາສຽງໃນວັນເສົາວານນີ້ ທີ່ລັດເວີຈິເນຍ ຕິດກັບນະຄອນ ຫລວງວໍຊິງຕັນ. ທັງສອງລັດ ຄືລັດຟລໍຣິດາ ແລະເວີຈິເນຍ ແມ່ເປັນລັດທີ່ຜູ້ສະໝັກເລືອກຕັ້ງທັງສອງມີຄະແນນສູສີກັນທີ່ສຸດ ແລະກໍເບິ່ງຊົງວ່າຈະເປັນລັດທີ່ຕັດສິນຜົນການແຂ່ງຂັນເລືອກຕັ້ງ.
ປະທານາທິບໍດີ ໂອບາມາ ກ່າວວ່າ ແຜນການຂອງທ່ານຈະເພີ່ມປະລິ ມານການສົ່ງອອກ ສ້າງໜ້າວຽກໃຫ້ຫຼາຍຂຶ້ນ ລົດການເພິ່ງພານໍ້າມັນຈາກຕ່າງປະເທດ ປັບປຸງລະບົບການສຶກສາໃຫ້ມີຄ່າຮໍ່າຮຽນຖືກລົງ ຕັດການ ຂາດດຸນງົບປະມານແຫ່ງຊາດ ໂດຍບໍ່ສ້າງຄວາມເດືອດຮ້ອນແກ່ຊົນຊັ້ນກາງ.
ທ່ານໂອບາມາ ໄດ້ບອກຝຸງຊົນ ວ່າ ພັກຣີພັບບລິກັນນັ້ນ ແມ່ນຜິດຢ່າງ ມະຫັນ ທີ່ເອີ້ນສະຫະລັດວ່າ ເປັນປະເທດກໍາລັງຕົກຕໍ່ານັ້ນ.
ມື້ວານນີ້ແມ່ນມື້ທີ່ສອງຂອງການອອກໄປໂຄສະນາຫາສຽງສາມມື້ ຂອງ ທ່ານໂອບາມາ ເພື່ອລະດົມເອົາສຽງສະໜັບສະໜຸນຈາກຜູ້ປ່ອນບັດເລືອກຕັ້ງ ຫຼັງຈາກຕົວເລກໜ້າວຽກລ່າສຸດ ສະແດງໃຫ້ເຫັນວ່າ ຍັງມີບັນຫາສືບຕໍ່ມາຢູ່ ໃນການຟື້ນຕົວຄືນຂອງເສດຖະກິດສະຫະລັດນັ້ນ.
ຕະຫຼາດແຮງງານສະຫະລັດ ໄດ້ເພີ່ມໜ້າວຽກຂຶ້ນ 96,000 ວຽກໃນເດືອນສິງຫາຜ່ານມາ ແລະອັດຕາການວ່າງງານຍັງສູງກວ່າ 8 ເປີເຊັນ ເປັນເດືອນທີ 43 ລຽນຕິດ.
ທ່ານ ມິດ ຣອມນີ ຜູ້ທ້າແຂ່ງຈາກພັກຣີພັບບລິກັນ ຂອງທ່ານໂອບາມາ ເວົ້າວ່າ ລາຍງານດ້ານໜ້າວຽກສະແດງໃຫ້ເຫັນວ່າ ປະທານາທິບໍດີ ບໍ່ໄດ້ ປະຕິບັດຕາມຄໍາໝັ້ນສັນຍາທີ່ທ່ານໄດ້ໃຫ້ໄວ້ ແລະນະໂຍບາຍຕ່າງໆຂອງທ່ານໂອບາມານັ້ນ ກໍໃຊ້ການບໍ່ໄດ້.
