ລິ້ງ ສຳຫລັບເຂົ້າຫາ

ການເລືອກຕັ້ງຂັ້ນຕົ້ນ ຂອງພັກຣີພັບບລີກັນ ທີ່ລັດ South Carolina (ເບິ່ງວີດີໂອ)

  • ໄພສານ ວໍຣະຈັກ

ຜູ້ສະມັກປະທານາທິບໍດີຂອງພັກຣີພັບບລີກັນ ທີ່ເຂົ້າແຂ່ງຂັນໃນການເລືອກຕັ້ງຂັ້ນຕົ້ນ ຢູ່ລັດ South Carolina (21 ມັງກອນ 2012)

ບັນດາ​ຜູ້​ສະມັກຂອງ​ພັກຣີພັບ​ບລີ​ກັນ​ທີ່​ພວມ​ແຂ່ງຂັນ​ເພື່ອ​ໃຫ້​ໄດ້​ຮັບ​ການຖືກ​ແຕ່ງຕັ້ງ​ເປັນ
​ຜູ້ຕາງໜ້າ​ຂອງ​ພັກ ໃນ​ການ​ເລືອກ​ຕັ້ງປະທານາທິບໍດີ​ສະຫະລັດ ສືບ​ຕໍ່​ການ​ໂຄສະນາ​ຫາ
​ສຽງ​ທີ່​ລັດ South Carolina ​ໃນ​ວັນ​ເສົາ​ມື້ນີ້ ​ເຖິງ​ແມ່ນ​ການປ່ອນ​ບັດ​ໃນ​ການ​ເລືອກ​ຕັ້ງ
ຂັ້ນຕົ້ນຢູ່​ທີ່​ລັດ​ດັ່ງກ່າວ ​ເລີ່​ມຂຶ້ນ​ກໍ​ຕາມ.

ອີງ​ຕາ​ມອົງການ​ຂ່າວຣອຍ​ເຕີ້​ແລ້ວ ການ​ເລືອກ​ຕັ້ງທີ່​ລັດ South Carolina ​ແມ່ນ​ດຸ​ເດືອດ​
ຫຼາຍ​ໂດຍ​ທີ່​ທ່ານ Mitt Romney ​ແລະ​ທ່ານ Newt Gingrich ມີ​ໝາຍ​ກຳນົດ​ຈະຢຸດ​ແວ່​
ໂຄສະນາ​ຫາ​ສຽງ​ໃນ​ເວລາ​ແລະ​ສະຖານ​ທີ່​ດຽວ​ກັນໃນ​ວັນ​ເສົາ​ມື້ນີ້.

ການ​ຢັ່ງ​ຫາງ​ສຽງ​ປະຊາຊົນ​ເມື່ອ​ໄວໆ​ມານີ້ສະ​ແດງ​ໃຫ້​ເຫັນ​ວ່າ ການ​ສະໜັບສະໜຸນ​ຕໍ່ອະດີດ​
ປະທານ​ສະພາ​ຕໍ່າ​ສະຫະລັດທ່ານ Newt Gingrich ພວມ​ຖີບ​ໂຕ​ສູງ​ຂຶ້ນຂະນະ​ທີ່​ທ່ານ​ທ້າ​
ທາຍ​ຕໍ່​ອະດີດ​ຜູ້​ປົກຄອງ​ລັດ Massachusetts ທ່ານ Mitt Romney.

ໃນ​ມື້ວານ​ນີ້ທ່ານ Romney ​ໄດ້​ພະຍາຍາມ​ລົດ​ຄວາມ​ຄາດ​ຫວັງ​ຂອງ​ທ່ານ​ລົງ​ໂດຍ​ເວົ້າວ່າ
ຈະ​ເປັນ​ການ​ແຂ່ງຂັນ​ທີ່ມີ​ຄະ​ແນນໃກ້​ຄຽງກັນຫຼາຍ​ໃນ​ນາທີ​ສຸດ​ທ້າຍ ຊຶ່ງ​ເປັນ​ເລື່ອ​ງທີ່​ໜ້າ​ຕື່ນ
ເຕັ້ນ. ​ເມື່ອ​ນຶ່ງ​ອາທິດ​ກ່ອນ​ນັ້ນ ການ​ຢັ່ງ​ຫາງ​ສຽງ​ທາງ​ດ້ານການ​ເມືອງ​ຫຼາຍໆ​ຄັ້ງສະ​ແດງໃຫ້
ເຫັນ​ວ່າ​ທ່ານ Romney ຈະ​ໄດ້​ຮັບ​ໄຊຊະນະ​ຢ່າງ​ງ່າຍດາຍໃນ​ການ​ແຂ່ງຂັນທີ່ລັດ South
Carolina. ​ແຕ່​ລຸນ​ຫຼັງທີ່​ໄດ້ມີການ​ກ່າວ​ໂຈມ​ຕີ​ຢ່າງ​ໜັກ​ຈາກພວກ​ຂູ່​ແຂ່ງ ແລະມີ​ການ​ປ່ຽນ​
ແປງ​ຢ່າງ​ໃຫຍ່​ໃນການແຂ່ງຂັນ​ ໃນ​ສັບປະດາ​ນີ້​ແລ້ວການ​ຢັ່ງ​ຫາງ​ສຽງ​ຫຼາຍໆ​ຄັ້ງ​ແລະ​ພວກ​
ນັກວິ​ເຄາ​ການ​ເມືອງ​ກ່າວວ່າ ການ​ແຂ່ງຂັນ​ອາດ​ຈະ​ມີ​ຄະ​ແນນ​ສຽງ​ໃກ້​ຄຽງ​ກັນ​ກວ່ານັ້ນ.

ທ່ານ Gingrich ອາດ​ໄດ້​ຮັບ​ຜົນ​ປະໂຫຍ​ດຍ້ອນ​ການ​ຕັດສິນ​ໃຈ​ຖອນ​ໂຕ​ຈາກການ​ແຂ່ງຂັນ​
ຂອງ​ຜູ້​ປົກຄອງ​ລັດ​ເທັກ​ຊັສ ທ່ານ Rick Perry ​ໃນ​ມື້ວັນ​ພະຫັດຜ່ານ​ມາແລະ​ປະກາດ​ໃຫ້
ການ​ສະໜັບ​ສະ​ໜຸນ​ທ່ານ​.

ເບິ່ງວີດີໂອ ກ່ຽວກັບລັດ South Carolina:

XS
SM
MD
LG