ເບິ່ງລາຍງານພາສາອັງກິດ:
ນັບວ່າມັນເປັນບັນຫາຫລັກ ດ້ານການເມືອງປະຈໍາປີ 2012 ກໍຄືການເສດຖະກິດຂອງສະ
ຫະລັດ ທີ່ໄດ້ກ້າວເຂົ້າສູ່ສະພາວະຖົດຖອຍຮ້າຍແຮງສຸດໃນຍຸກຫຼັງສົງຄາມໂລກຄັ້ງທີ່ສອງ
ໃນປີ 2007 ແລະ 2008 ແລະການຟື້ນຕົວຄືນຢ່າງຊ້າໆນັບຕັ້ງແຕ່ນັ້ນມາ.
ແຕ່ຮູບການເສດຖະກິດອາດຈະມີການປ່ຽນແປງໄດ້ ອັດຕາຄົນຫວ່າງງານຂອງສະຫະລັດ
ໄດ້ຫຼຸດລົງ ເປັນເວລາສີ່ເດືອນລຽນຕິດ ຄືລົດຈາກເກົ້າເປີເຊັນໃນເດືອນກັນຍາ ລົງໄປເປັນ
8.3 ເປີເຊັນໃນເດືອນມັງກອນຜ່ານມານີ້.
ໃນຂະນະທີ່ຕະຫລາດຮຸ້ນ Wall Street ໄດ້ຖີບຕົວສູງຂຶ້ນເມື່ອວັນສຸກຜ່ານມາຍ້ອນລາຍ
ງານສະບັບລ່າສຸດກ່ຽວກັບວຽກເຮັດງານທຳ ຊຶ່ງປະທານາທິບໍ ດິໂອບາມາ ໄດ້ກ່າວເນັ້ນ
ຍໍ້າວ່າ ເປັນຂ່າວດີນັ້ນ:
“ໃນເດືອນມັງກອນຜ່ານມນີ້ ວົງການທຸລະກິດຕ່າງໆຂອງອາເມຣິກາ ແມ່ນໄດ້
ເພີ່ມໜ້າວຽກຕື່ມອີກ 257,000 ໜ້າວຽກ ອັດຕາການຫວ່າງງານຫຼຸດຕໍ່າລົງ
ເນຶ່ອງຈາກມີຫລາຍຄົນຂຶ້ນໄດ້ວຽກເຮັດງານທໍາ ແລະລວມທັງໝົດແລ້ວ ພວກ
ເຮົາໄດ້ເພີ່ມໜ້າວຽກໃໝ່ 3 ລ້ານ 7 ແສນໜ້າວຽກ ຕະຫລອດໄລຍະ 23
ເດືອນ ຜ່ານມານີ້.”
ຄໍາຕອບໂຕ້ຈາກພວກພັກຣີພັບ
ບລິກັນ ທີ່ກໍາລັງແຂ່ງກັນເພື່ອຈະ
ໄດ້ເປັນຜູ້ທ້າທາຍເອົາຕໍາແໜ່ງ
ປະທານາທິບໍດີໃນການເລືອກຕັ້ງ
ເດືອນພະຈິກຕໍ່ໜ້ານີ້ ແມ່ນວ່າ:
ມັນໜ້ອຍເດີນໄປແລະຊ້າເກີນໄປ
ແດ່ແລ້ວ ທີ່ຈະແກ້ໄຂດັດແປງ
ໃນສິ່ງທີ່ພວກເຂົາເຈົ້າເຫັນວ່າ
ເປັນຄວາມລົ້ມແຫລວໃນດ້ານ
ເສດຖະກິດຂອງທ່ານໂອບາມາ
ນັ້ນ. ເວລາກ່າວຄໍາປາໄສຕໍ່
ພວກສະໜັບສະໜຸນທ່ານຫລັງ
ຈາກໄດ້ຮັບໄຊຊະນະໃນກອງ
ປະຊຸມເລືອກຕັ້ງພັກ ເມື່ອວັນ
ເສົາຜ່ານມາ ທີ່ລັດເນວາດານັ້ນ
ທ່ານ ມິດ ຣອມນີ ອະດີດຜູ້ປົກ
ຄອງລັດມາສຊາຈູເຊັດ ໄດ້ຊີ້ໃຫ້ເຫັນວ່າ ລັດຖະບານຂອງທ່ານໂອບາມາ ໃນເບື້ອງຕົ້ນນັ້ນ
ມີເປົ້າໝາຍທີ່ແນໃສ່ເພື່ອຮັກສາອັດຕາຄົນວ່າງງານໃຫ້ຢູ່ໃນລະດັບ 8 ເປີເຊັນຫລືຕໍ່າກວ່ານັ້ນ.
ທ່ານມິດ ຣອມນີ ກ່າວວ່າ “ໃນອາທິດນີ້ປະກົດວ່າ ທ່ານໂອບາມາ ໄດ້ກົ້ມຫົວຮັບ
ເອົາອັດຕາການວ່າງງານ 8.3 ເປີເຊັນ. ຟ້າວເທື່ອທ່ານປະທານາທິບໍດີ ນີ້ແມ່ນ
ອັດຕາການວ່າງງານທີ່ດຳເນີນມາເປັນເດືອນທີ່ 36 ລຽນຕິດແລ້ວ ຊຶ່ງເປັນອັດ
ຕາທີ່ຍັງເກີນເສັ້ນແດງຢູ່ທີ່ລັດຖະບານຂອງທ່ານໄດ້ຕັ້ງໄວ້ນັ້ນ.”
ສ່ວນທ່ານ Newt Gingrich ອະດີດປະທານສະພາຕໍ່າສະຫະລັດ ກໍໄດ້ກ່າວໂຈມຕີທໍາ
ນອງດຽວກັນນີ້ ເວລາທ່ານປະກົດຕົວຢູ່ລາຍການພົບກັບນັກຂ່າວ ຂອງເຄືອຂ່າຍໂທລະ
ພາບ NBC.
ທ່ານ Gingrich ເວົ້າວ່າ “ອັດຕາການວ່າງງານໄດ້ຫຼຸດຕໍ່າລົງ ແມ່ນແລ້ວ ມັນໄດ້
ຕົກຫຼຸດລົງໄປແທ້ ພວກທ່ານຮູ້ບໍ່ ວ່າເປັນຍ້ອນຫຍັງ? ເພາະວ່າ 4 ເປີເຊັນກວ່າ
ຂອງພວກທີ່ຈະວ່າງງານນັ້ນຢຸດບໍ່ພາກັນອອກໄປຊອກວຽກເຮັດ ຖ້າຫາກວ່າ
ພວກເຮົາມີເຂົ້າຮ່ວມຂອງພວກຄົນວ່າງງານດັ່ງທີ່ພວກເຮົາປະເຊີນມາເມື່ອສອງ
ປີຜ່ານມາແລ້ວນັ້ນ ພວກເຮົາຈະມີອັດຕາການວ່າງງານຢູ່ໃນລະດັບ 12 ຫາ 13
ເປີເຊັນພຸ້ນຫລະ”
ສໍາລັບປະທານາທິບໍດີໂອບາມາແລ້ວ ເປັນເສັ້ນທາງດີທີ່ຈະກ້າວໄປ ຄືການ ປ່າວປະກາດ
ຂ່າວດີອອກໄປເສຍກ່ອນ ໃນຂະນະທີ່ທ່ານກໍຍອມຮັບວ່າຕ້ອງມີການປັບປຸງແກ້ໄຂຕື່ມ
ອີກນັ້ນ.
ປະທານາທິບໍດີໂອບາມາກ່າວວ່າ “ຍັງມີຊາວອາເມຣິກັນເປັນຈຳນວນຫຼວງຫຼາຍທີ່
ຍັງຕ້ອງການວຽກເຮັດ ຫຼືວຽກການທີ່ຈ່າຍຄ່າແຮງດີໆ ກວ່າວຽກທີ່ ພວກເຂົາ
ເຈົ້າເຮັດຢູ່ໃນເວລານີ້. ແຕ່ເສດຖະກິດພວມມີການເຕີບໂຕທີ່ເຂັ້ມແຂງຂຶ້ນກວ່າ
ເກົ່າ. ການຟື້ນໂຕຄືນຂອງເສດຖະກິດພວມໄວຂຶ້ນ ແລະພວກ ເຮົາຕ້ອງໄດ້ດຳ
ເນີນການທຸກສິ່ງທຸກຢ່າງທີ່ຢູ່ໃນອຳນາດຂອງພວກເຮົາເພື່ອ ໃຫ້ການເຕີບໂຕ
ເຫຼົ່ານີ້ດຳເນີນຕໍ່ໄປ.”
ພວກບໍລິສັດຢັ່ງສຽງມະຫາຊົນລາຍງານເຖິງລະດັບຄວາມນິຍົມໃນການບໍລິ ຫານປະເທດ
ຂອງປະທານາທິບໍດີໂອບາວ່າ ດີຂຶ້ນໃນລະດັບພໍປານກາງຊຶ່ງບັງເອີນເກີດຂຶ້ນພ້ອມໆກັນ
ກັບຂໍ້ມູນດ້ານເສດຖະກິດໃນທາງບວກເມື່ອໝໍ່ໆ ມານີ້.
