ທ່ານ Mitt Romney ຜູ້ສະມັກປະທານາທິບໍດີຂອງພັກຣີພັບບລີກັນໄດ້ປະກາດໃຫ້ຊາບກ່ຽວ
ກັບການເລືອກເອົາ ຜູ້ມາເປັນຮອງປະທານາທິບໍດີຂອງທ່ານ ຖ້າທ່ານຊະນະການເລືອກຕັ້ງໃນ
ເດືອນພະຈິກນີ້.
ທ່ານ Romney ກ່າວໃນວັນເສົາ ມື້ນີ້ວ່າ ສະມາຊິກສະພາຕໍ່າ Paul Ryan ຈະສະມັກເປັນ
ຮອງປະທານາທິບໍດີຮ່ວມກັບທ່ານ. ທ່ານ Ryan ເປັນສະມາຊິກສະພາຕໍ່າ ມາເປັນເວລາດົນ
ນານຈາກລັດ Wiscosin ໃນພາກເໜືອຂອງສະຫະລັດ.
ທ່ານ Romney ແລະທ່ານ Ryan ຈະປະກົດໂຕຮ່ວມກັນ ທີ່ເມືອງ Norfolk ລັດເວີຈີເນຍໃນ
ວັນເສົາມື້ນີ້ ກ່ອນທີ່ທ່ານຈະເລີ້ມການໂຄສະນາຫາສຽງ ໂດຍທາງລົດບັດເປັນເວລາ 4 ມື້.
ສະມາຊິກສະພາຕໍ່າ Ryan ອາຍຸ 42 ປີ ໄດ້ຮັບການສະໜັບສະໜຸນຢ່າງຫຼວງຫຼາຍຈາກພວກ
ນິຍົມແນວທາງເດີມທີ່ມີອິດທິພົນ. ທ່ານເປັນປະທານຄະນະກຳມະການງົບປະມານຂອງສະພາ
ຕໍ່າສະຫະລັດແລະເປັນຜູ້ນຳທີ່ມີປາກມີສຽງກ່ຽວກັບການຫຼຸດການຂາດດຸນລົງ ດ້ວຍການຕັດ
ງົບປະມານຂອງສະຫະລັດ.