ທ່ານມິດ ຣອມນີ ຜູ້ສະມັກຮັບເລືອກຕັ້ງປະທານາທິບໍດີສະຫະລັດສັງກັດພັກ Repu
blican ໄດ້ຮັບໄຊຊະນະໃນ 6 ລັດໃນບັນດາ 10 ລັດ ທີ່ຈັດການເລືອກຕັ້ງຂັ້ນຕົ້ນ
ຂຶ້ນ ເພື່ອໃຫ້ໄດ້ຖືກແຕ່ງຕັ້ງໃຫ້ເປັນຜູ້ສະມັກເລືອກຕັ້ງຕາງໜ້າພັກໃນວັນອັງຄານ
ວານນີ້ ຮວມທັງການໄດ້ຮັບໄຊຊະນະຢ່າງວຸດວິດ ໃນລັດ Ohio ນັ້ນ.
ໄຊຊະນະຂອງທ່ານຣອມນີທີ່ລັດ Ohio ເໜືອຄູ່ແຂ່ງ ທ່ານຣິກ ຊັນໂຕຣັມ ອະດີດ
ສະມາຊິກສະພາສູງສະຫະລັດ ແມ່ນລື່ນກັນພຽງແຕ່ 1 ເປີເຊັນ. ນອກນີ້ ທ່ານຣອມ
ນີ ຍັງໄດ້ຮັບໄຊຊະນະໃນການເລືອກຕັ້ງຂັ້ນຕົ້ນໃນລັດ Vermont, Virginia ແລະ
Massachusetts ຕະຫຼອດທັງກອງປະຊຸມຄໍກັສຂອງພັກໃນລັດ Idaho ແລະລັດ
Alaska ເຊ່ນກັນ.
ໃນການຖະແຫລງທີ່ນະຄອນ Boston ລັດ Massachusetts ທ່ານຣອມນີກ່າວ
ທໍານາຍວ່າ ໃນບັ້ນສຸດທ້າຍນັ້ນທ່ານກໍຈະຖືກແຕ່ງຕັ້ງໃຫ້ເປັນຜູ້ສະມັກຂອງພັກ ເຂົ້າ
ແຂ່ງກັບປະທານາທິບໍດີ ບາຣັກ ໂອບາມາ ສັງກັດພັກເດໂມກຣັດໃນການເລືອກຕັ້ງ
ປະທານາທິບໍດີສະຫະລັດໃນເດືອນພະຈິກທ້າຍປີນີ້.
ໃນວັນອັງຄານວານນີ້ ມີການແຂ່ງກັນຊີງເອົາພວກຜູ້ແທນໄປຮ່ວມກອງ ປະຊຸມ
ຫລວງຂອງພັກໃນຈໍານວນຫລາຍກວ່າ 1 ສ່ວນ 3 ຂອງຜູ້ແທນ ທັງໝົດ 1144
ຄົນທີ່ຕ້ອງການເພື່ອໃຫ້ໄດ້ຖືກແຕ່ງຕັ້ງໃຫ້ເປັນຜູ້ສະມັກ ເລືອກຕັ້ງປະທານາທິ
ບໍດີຕາງໝ້າພັກ Republican ຊຶ່ງແມ່ນຫລາຍ ກວ່າ ຈໍານວນຜູ້ແທນທີ່ໄດ້ ໃນ
ການເລືອກຕັ້ງຂັ້ນຕົ້ນແລະກອງປະຊຸມຄໍກັສຂອງພັກທີ່ຜ່ານມາແລ້ວນັ້ນ ບວກເຂົ້າ
ກັນທັງໝົດ.
ໃນການເລືອກຕັ້ງຂັ້ນຕົ້ນໃນວັນອັງຄານວານນີ້ ທ່ານຊັນໂຕຣັມໄດ້ຮັບໄຊຊະນະ
ໃນລັດ North Dakota Oklahoma ແລະ Tennessee ຊຶ່ງທ່ານໄດ້ຫວັງວ່າ
ໄຊຊະນະຈະຊ່ວຍຟື້ນຄືນມາ ໂອກາດທີ່ຊ່ອຍໃຫ້ທ່ານໄດ້ຊະນະ 3 ລັດໃນມື້ດຽວ
ໃນເດືອນແລ້ວນີ້.