ທ່ານນາງ Michele Bachmann ຜູ້ສະໝັກແຂ່ງຂັນປະທານາທິບໍດີຂອງພັກ Republican ໄດ້ຊະນະການທົດສອບສຽງສະໜັບສະໜຸນຈາກປະຊາຊົນທີ່ສໍາຄັນໃນລັດ Iowa ໃນວັນເສົາວານນີ້ ຊຶ່ງເປັນມື້ດຽວກັນກັບທີ່ຜູ້ປົກຄອງລັດເທັກຊັສ ທ່ານ Rick Perry ໄດ້ເຮັດໃຫ້ມີການປ່ຽນແປງໃນການແຂ່ງຂັນພາຍໃນພັກ Republican ໂດຍປະກາດເຂົ້າແຂ່ງຂັນເພື່ອໃຫ້ໄດ້ເປັນຜູ້ສະໝັກຈາກພັກ Republican ໃນການແຂ່ງຂັນປະທານາທິບໍດີສະຫະລັດເທື່ອໜ້ານີ້.
ທ່ານນາງ Bachmann ໄດ້ຊະນະການເລືອກຕັ້ງຂັ້ນຕົ້ນທີ່ລັດໄອໂອວາ ທີ່ເອີ້ນວ່າ Straw Poll ນັ້ນ ຊຶ່ງເຮັດໃຫ້ທ່ານນາງເປັນຜູ້ສະໝັກ ທີ່ນໍາໜ້າສໍາລັບການແຂ່ງຂັນເປັນຜູ້ສະໝັກຂອງພັກຣີພບັບລິກັນນັ້ນ. ການເລືອກຕັ້ງ “straw poll” ນີ້ເປັນການເລືອກຕັ້ງທີ່ບໍ່ມີຄວາມສໍາຄັນທາງການໃດໆ ແຕ່ມັນສໍາຄັນສໍາລັບພວກສະໝັກແຂ່ງຂັນປະທານາທິບໍດີ ຈາກພັກ Republican ທີ່ກໍາລັງພະຍາຍາມແຂ່ງຂັນກັບປະທານາທິບໍດີບາຣັກ ໂອບາມາ ທີ່ສັງກັດພັກເດໂມແກຣັດ ໃນການເລືອກຕັ້ງປະທານາທິບໍດີ ໃນປີ 2012 ນັ້ນ.
ທ່ານນາງ Bachmann ເປັນສະມາຊິກສະພາຕໍ່າສະຫະລັດຈາກລັດ Minnesota ເປັນຜູ້
ທີ່ພວກນັກເຄື່ອນໄຫວພັກ Tea Party ທີ່ນິຍົມແນວທາງເດີມສະໜັບສະໜຸນ ຊຶ່ງນະໂຍ
ບາຍຂອງພວກນີ້ ແມ່ນເຮັດໃຫ້ປະຊາຊົນໄດ້ເສຍຄ່າພາສີຖືກລົງ ແລະເຮັດໃຫ້ລັດຖະບານ
ມີຂະໜາດນ້ອຍລົງ.
ປະຊາຊົນເກືອບ 17 ພັນຄົນໃນລັດ Iowa ໄດ້ປະກອບສ່ວນໃນການລົງຄະແນນສຽງໃນວັນເສົາວານນີ້ທີ່ເມືອງ Ames ລັດ Iowa ຊຶ່ງທ່ານນາງ Bachmann ໄດ້ຮັບຄະແນນສຽງສະໜັບສະໜຸນ 4,823 ສຽງ ຕິດຕາມໂດຍທ່ານ Ron Paul ສະມາຊິກສະພາຕໍ່າຈາກລັດ Texas ທີ່ໄດ້ຮັບສຽງສະໜັບສະໜຸນ 4,671 ສຽງ ແລະອັນດັບທີ 3 ແມ່ນອະດີດຜູ້ວ່າການລັດ Minnesota ທ່ານ Tom Pawlenty ທີ່ໄດ້ຄະແນນສຽງ 2,293 ສຽງ.
