ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ທ່ານມິຕ ຣອມນີ ມີສຽງນໍາໜ້າ 2 ມື້ ກ່ອນການປ່ອນບັດ ເລືອກຕັ້ງຂອງພັກ ທີ່ລັດ Iowa


Yaman dashtliklarida
Yaman dashtliklarida

ທ່ານ Mitt Romney ​ເປັນ​ຜູ້​ມີ​ສຽງ​ນໍາ​ໜ້າ​ໃນ​ລັດ Iowa ​ໃນ​ມື້ສຸດ​ທ້າຍ​ກ່ອນ​ການລົງ
​ຄະ​ແນນ​ສຽງ​ຄັ້ງ​ທໍາ​ອິດຂອງ​ພັກ republican ​ກ່ອນ​ການ​ເລືອກ​ຕັ້ງ​ປະທານາ​ທິບໍດີ
​ສະຫະລັດໃນ​ປິ 2012 ຊຶ່ງ​ມີ​ສຽງ​ນໍາ​ໜ້າ​ລື່ນທ່ານ Ron Paul 2 ​ເປີ​ເຊັນ.

ຕາມ​ການ​ສໍາ​ຫລວດ​ຫາງ​ສຽງ​ຂອງ​ໜັງສືພິມ Des Moines Register ທີ່​ເປີດ​ເຜີຍ​ໃຫ້​
ຮູ້ ໃນ​ວັນ​ເສົາ​ວານ​ນີ້ ສະ​ແດງ​ໃຫ້​ເຫັນ​ວ່າ​ທ່ານ Mitt Romney ອະດີດ​ຜູ້​ວ່າການ​ລັດ
Massachusetts ​ໄດ້​ຮັບ​ສຽງ​ສະໜັບສະ​ໜຸນ 24 ​ເປີ​ເຊັນ ​ແລະ​ທ່ານ Ron Paul
ສະມາຊິກ​ສະພາ​ຕໍ່າ ​ໄດ້​ຮັບ​ສຽງ​ສະໜັບສະໜຸນ 22 ​ເປີ​ເຊັນ. ທ່ານ Rick Santorum
ຫົວນິຍົມແນວທາງ​ເດີມ​ທາງ​ດ້ານສັງຄົມ​ໄດ້​ຮັບ​ສຽງ​ສະໜັບສະໜຸນເພີ່ມ​ຂຶ້ນມາເປັນອັນ​
ດັບ3 ຄື​ໄດ້​ຮັບສຽງ​ສະໜັບສະໜຸນ 15 ​ເປີ​ເຊັນ ​ແລະ​ອັນ​ດັບ 4 ​ໄດ້​ແກ່​ທ່ານ Newt
Gingrich ຊຶ່ງ​ໄດ້ຮັບ 12 ​ເປີ​ເຊັນ.

ສ່ວນ​ທ່ານ Rick Perry ຜູ້​ວ່າການ​ລັດ Texas ​ໄດ້​ຮັບ​ສຽງ​ສະໜັບສະໜຸນ 11 ​ເປີ​
ເຊັນ ໃນ​ຂະນະ​ດຽວ​ກັນ​ທ່ານ​ນາງ Michele Bachmann ສະມາຊິກ​ສະພາ​ຕໍ່າ ​ທີ່
ໄດ້​ຮັບ​ສຽງສະໜັບສະໜຸນນໍາໜ້າ​ໃນ​ການ​ທົດ​ສອບ​ສຽງ​ປະຊາຊົນ​ຄັ້ງ​ທໍາ​ອິດ​ໃນ​ລັດ
Iowa ນັ້ນ​ໄດ້ຮັບສຽງ​ສະໜັບສະໜຸນ 7 ​ເປີ​ເຊັນ.

ພວກ​ຜູ້​ສະມັກ​ແຂ່ງຂັນ​ພາກັນ​ເດີນທາງ​ກັບ​ໄປ​ກັບ​ມາ​ໃນ​ທົ່ວ​ລັດ Iowaໃນ​ວັນ​ເສົາ
ວານ​ນີ້ ເພື່ອຊອກ​ສຽງ​ສະໜັບສະໜຸນ​ແລະ​ດຶງ​ດູດ​ເອົາ​ສຽງພວກ​ລົງ​ຄະ​ແນນ​ສຽງ
​ທີ່ຍັງ​ບໍ່​ທັນ​ໄດ້ຕັດສິນ​ໃຈເທື່ອ​ນັ້ນ.

ໃນ​ຂະນະ​ທີ່​ຜູ້ໃດ​ກໍ​ຕາມ​ທີ່​ໄດ້​ຮັບ​ໄຊຊະນະ​ໃນ​ການ​ປ່ອນ​ບັດ​ຂອງ​ສະມາຊິກ​ຂອງ​
ພັກ​ໃນ​ລັດ Iowa ນີ້ ກໍ​ບໍ່​ໄດ້​ໝາຍ​ຄວາມ​ວ່າ​ຈະ​ໄດ້​ຖືກ​ແຕ່ງ​ຕັ້ງໃຫ້​ເປັນ​ຜູ້​ສະມັກ​ຮັບ
ເລືອກ​ຕັ້ງ​ຂອງພັກ ຫລືດໍາລົງ​ຕໍາ​ແໜ່​ງປະທານາທິບໍດີ ​ແລະ​ການ​ທີ່​ບໍ່​ໄດ້​ຮັບ​ສຽງ​
ສະໜັບສະໜຸນ​ຫລາຍ​ປານ​ໃດ​ຢູ່​ໃນ​ລັດ​ນີ້ ກໍ​ອາດ​ຈະ​ເຮັດ​ໃຫ້​ພວກ​ຜູ້​ສະມັກ​ຮັບ
ເລືອກ​ຕັ້ງ​ບາງ​ທ່ານ​ຖອນ​ໂຕ​ອອກ​ຈາກ​ການ​ແຂ່ງຂັນ​ນີ້​ໄດ້.

XS
SM
MD
LG