ທ່ານມິດ ຣອມນີ ຜູ້ສະມັກແຂ່ງຂັນປະທານາທິບໍດີສະຫະລັດ ໄດ້ຮັບການສະໜັບສະໜຸນ
ຢ່າງໃຫຍ່ ໃນຄວາມພະຍາຍາມຂອງທ່ານ ເພື່ອໃຫ້ໄດ້ ຮັບການແຕ່ງຕັ້ງ ໃຫ້ເປັນຜູ້ສະມັກ
ເລືອກຕັ້ງ ຕາງໜ້າພັກ Republi-can ໄດ້ຮັບໄຊຊະນະຢ່າງຂາດຮອຍໃນການເລືອກຕັ້ງ
ຂັ້ນຕົ້ນຂອງພັກໃນວັນອັງຄານວານນີ້ທີ່ລັດຟລໍຣີດາ ໃນພາກຕາເວັນອອກສຽງໃຕ້ຂອງ
ສະຫະລັດ.
ໃນຄໍາປາໄສຮັບໄຊຊະນະໃນເມືອງ Tempa ທ່ານຣອມນີໄດ້ຕໍາໜິ ຕິຕຽນປະທານາທິບໍດີ
ບາຣັກ ໂອບາມາ ແລະກ່າວຫາທ່ານວ່າ ເປັນຜູ້ສ້າງບັນຫາໃນດ້ານເສດຖະກິດໃນປະເທດ
ນັ້ນ. ທ່ານຣອມນີ ໃຫ້ຄໍາໝັ້ນສັນຍາວ່າ ທ່ານຈະລົບລ້າງການປະຕິຮູບດ້ານການຮັກສາ
ສຸກຂະພາບຂອງປະທານາທິບໍດີໂອບາມາ ເຮັດໃຫ້ງົບປະມານຂອງຊາດສົມດູນແລະນໍາ
ພາປະເທດໄປສູ່ຍຸກໃໝ່ແຫ່ງຄວາມຈະເລີນຮຸ່ງເຮືອງທາງດ້ານເສດຖະກິດ ຊຶ່ງທ່ານຣອມ
ນີ້ກ່າວເຊ່ນນີ້:
ທ່ານຣອມນີກ່າວວ່າ ການໂຄສະນາຫາສຽງຄັ້ງນີ້ ແມ່ນເລື້ອງຫລາຍກວ່າສັບປ່ຽນປະທາ
ນາທິບໍດີ ມັນແມ່ນການຮັກສາໄວ້ແຫ່ງວິນຍານຂອງອາເມຣິກາ. ປະທານາທິບໍດີ ໂອບາ
ມາ ແລະຂ້າພະເຈົ້າມີທັດສະນະວິໄສແຕກຕ່າງກັນກ່ຽວກັບອາເມຣິກາ. ປະທານາທິບໍດີ
ໂອບາມາຢາກສ້າງລັດຖະບານໃຫ້ໃຫຍ່ຂຶ້ນ ແລະສືບຕໍ່ເຮັດໃຫ້ການຂາດດູນງົບປະມານ
ຂອງຊາດເພີ່ມຂຶ້ນເປັນຫລາຍພັນຕື້ໂດລາ. ຂ້າພະເຈົ້າບໍ່ພຽງແຕ່ ຈະເຮັດການເຕີບໂຕຂຶ້ນ
ຂອງລັດຖະບານຊ້າລົງເທົ່ານັ້ນ ແຕ່ຂ້າພະເຈົ້າຈະຕັດຄ່າໃຊ້ຈ່າຍຂອງລັດຖະບານລົງ. ຂ້າ
ພະເຈົ້າບໍ່ພຽງແຕ່ຈະຄວບຄຸມສ່ວນແບ່ງຂອງລັດຖະບານໃນເສດຖະກິດທັງໝົດເທົ່ານັ້ນ
ແຕ່ຂ້າພະເຈົ້າຈະລົດສ່ວນແບ່ງນັ້ນລົງ ແລະໂດຍບໍ່ຂຶ້ນພາສີ ແລະໃນທີສຸດຂ້າພະເຈົ້າຈະ
ເຮັດໃຫ້ອາເມຣິກາ ມີງົບປະມານທີ່ສົມດູນ.
ຫລັງຈາກມີການນັບບັດຄະແນນສຽງທັງໝົດແລ້ວ ອະດີດຜູ້ປົກຄອງລັດ Massachu
setts ໄດ້ຮັບສຽງສະໜັບສະໜຸນ 46 ເປີເຊັນ ໃນການປ່ອນບັດເລືອກຕັ້ງໃນລັດຟລໍຣີດາ
ລື່ນຄູ່ແຂ່ງຂັນທີ່ໄດ້ຮັບສຽງສະໜັບສະໜຸນໃກ້ຊິດທີສຸດ ຄືທ່ານ Newt Gingrich ທີ່ໄດ້
ຮັບ 32 ເປີເຊັນນັ້ນ.
ພາຍໃຕ້ກົດລະບຽບຂອງພັກ Republican ທ່ານຣອມນີ ໄດ້ຮັບຜູ້ແທນ 50 ຄົນ ຈາກ
ລັດຟລໍຣີດາໃນການໄປຮ່ວມກອງປະຊຸມຫລວງແຫ່ງຊາດຂອງພັກ. ເພື່ອຈະໄດ້ຮັບການ
ແຕ່ງຕັ້ງໃຫ້ເປັນຜູ້ຕາງໜ້າຂອງພັກສໍາລັບເຂົ້າແຂ່ງຂັນເປັນປະທານາທິບໍດີສະຫະລັດນັ້ນ
ຜູ້ສະມັກຄົນໃດກໍຕາມ ແມ່ນຕ້ອງການຜູ້ຕາງໜ້າຈາກລັດ 1144 ຄົນໃນຈໍານວນ ຜູ້ຕາງ
ໜ້າທັງໝົດ 2286 ຄົນ ໃນກອງປະຊຸມຫລວງຂອງພັກບັ້ນສຸດທ້າຍນັ້ນ.
