ທ່ານ Mitt Romney ຜູ້ສະໝັກປະທານາທິບໍດີພັກຣີພັບບລິກັນ ຊະນະ ການເລືອກຕັ້ງ
ຂັ້ນຕົ້ນ ທີ່ລັດອິລລິນອຍສ໌ໃນວັນອັງຄານວານນີ້ ອັນເປັນການເສີມຂະຫຍາຍການມີຄະ
ແນນສຽງນຳໜ້າຂອງທ່ານເພື່ອທີ່ຈະໄດ້ຖືກເລືອກເປັນຜູ້ສະມັກເຂົ້າແຂ່ງຂັນຂອງພັກ.
ຈາກຜົນການນັບບັດຄະແນນເກືອບ 100 ເປີເຊັນແລ້ວນັ້ນ ປະກົດວ່າ ທ່ານມິດ ຣອມນີ
ຊະນະ 47 ເປີເຊັນຂອງຄະແນນສຽງ ທີ່ຫ່າງໄກຈາກຂູ່ແຂ່ງຂອງທ່ານ ຄືອະດີດສະມາຊິກ
ສະພາສູງ Rick Santorum ທີ່ຊະນະ 35 ເປີເຊັນນັ້ນ.
ສ່ວນຜູ້ສະໝັກອີກສອງທ່ານຄື Ron Paul ແລະ Newt Gingrich ໄດ້ຮັບຄະແນນສຽງ
ລາກທ້າຍຫ່າງໄກຫລາຍ.
ການໄດ້ຮັບໄຊຊະນະທີ່ລັດອິລລິນອຍສ໌ຄັ້ງນີ້
ນັບວ່າ ເປັນການເພີ່ມໂອກາດ ທີ່ຈະໄດ້ເປັນ
ຕົວແທນ ຜູ້ສະມັກເລືອກຕັ້ງ ຂອງພັກຣີພັບ
ບລິກັນຫຼາຍຂຶ້ນອີກທີ່ທ່ານຍັງບໍ່ສາມາດເອົາ
ຊະນະພວກສະໜັບສະໜຸນອະນຸລັກນິຍົມທີ່
ເຄັ່ງຄັດສາສະໜາ ທີ່ໃຫ້ການສະໜັບສະໜຸນ
ທ່ານແຊນທໍຣໍາຢ່າງແຂງແຮງນັ້ນ ການມີງົບ
ປະມານທີ່ສູງ ແລະການຈັດຕັ້ງທີ່ດີຂອງທ່ານ
ມິດຣອມນີນັ້ນ ຍັງອໍານວຍໃຫ້ທ່ານໄດ້ປຽບ
ຕໍ່ທ່ານແຊນທໍຣໍາ.
ໄຊຊະນະທີ່ລັດອິລລິນອຍສ໌ນັ້ນອຳນວຍໃຫ້
ທ່ານຣອມນີໄດ້ຮັບຕົວແທນສ່ວນໃຫຍ່ຂອງ
ລັດຈຳນວນ 54 ຄົນແລະເປັນຈໍານວນຕົວ
ແທນທີ່ໃກ້ຈະຄົບ 1,144 ຄົນຂອງຕົວແທນທັງໝົດທີ່ຕ້ອງການເພື່ອທີ່ຈະຄໍ້າປະກັນໃຫ້ທ່ານ
ໄດ້ຖືກແຕ່ງຕັ້ງເປັນຜູ້ສະໝັກປະທານາທິບໍດີ ຂອງພັກຣີພັບບລີກັນ ແຂ່ງກັບປະທານາທິບໍດີ
ບາຣັກໂອບາມາຜູ້ສະໝັກຂອງພັກເດໂມແຄຣັທໃນການເລືອກຕັ້ງທົ່ວປະເທດ ໃນເດືອນພະ
ຈິກປີນີ້.
ໃນຄໍາປາໄສຫຼັງຈາກໄດ້ຮັບໄຊຊະນະເມື່ອຕອນແລງວັນອັງຄານວານນີ້ທີ່ເມືອງ
Chicago ຊຶ່ງເປັນບ້ານຂອງທ່ານໂອບາມານັ້ນ ທ່ານ ຣອມນີ ອະດີດຜູ້ວ່າການລັດ
ມາສຊາຈູເຊທໄດ້ຮຽກຮ້ອງໃຫ້ມີການເລືອກເອົາຜູ້ນໍາຄົນໃໝ່ຢູ່ໃນທໍານຽບຂາວ.
ໃນການຖະແຫຼງຕໍ່ພວກມາໂຮມຊຸມນຸມທີ່ລັດເພັນຊີລເວເນຍ ບ້ານຂອງທ່ານນັ້ນ ທ່ານ
ແຊນທໍຣໍາ ໄດ້ສະແດງຄວາມຍິນດີກັບການໄດ້ຮັບໄຊ ຊະນະຂອງທ່ານຣອມນີ ແຕ່ກໍຍັງ
ປະຕິຍານຕົນວ່າທ່ານຈະສືບຕໍ່ແຂ່ງຂັນຕໍ່ໄປ.