ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ທ່ານ Mitt Romney ໄດ້ຮັບໄຊຊະນະ ຢ່າງງ່າຍດາຍ ທີ່ລັດເນວາດາ


ທ່ານ Mitt Romney ກໍາລັງກ່າວຄໍາປາໃສຮັບເອົາໄຊຊະນະການເລືອກ ຕັ້ງພັກຣີພັບບລິກັນ ຫລື caucuses ທີ່ລັດເນວາດາ ຄືນວັນເສົາວານນີ້
ທ່ານ Mitt Romney ກໍາລັງກ່າວຄໍາປາໃສຮັບເອົາໄຊຊະນະການເລືອກ ຕັ້ງພັກຣີພັບບລິກັນ ຫລື caucuses ທີ່ລັດເນວາດາ ຄືນວັນເສົາວານນີ້

ທ່ານ ມິດ ຣອມນີ ອະດີດ​ຜູ້​ວ່າການ​ລັດແມສຊາ​ຈູ​ເຊັ​ສ ​ໄດ້​ຮັບ​ໄຊຊະນະ​ຢ່າງ​ງ່າຍດາຍ ​ໃນ
ການ​ເລືອກຕັ້ງຂອງພັກຣີພັບ​ບລິ​ກັນ ຫລື caucuses ​ທີ່​ລັດ​ເນ​ວາດາ ​ເມື່ອວັນ​ເສົາ​ວານ
ນີ້ ຊຶ່ງ​ເປັນການສ້າງ​ພື້ນຖານ​ອັນ​ໝັ້ນຄົງໃຫ້​ທ່ານ ​ໃນ​ຖານະເປັນ​ຜູ້​ນໍາ​ໜ້າ​ທີ່​ຈະ​ຖືກ​ເລືອກ​
ໃຫ້ເປັນ​ຜູ້​ລົງ​ສະມັກເລືອກ​ຕັ້ງ​ຕາງໜ້າ​ພັກ​ຣີພັບ​ບລິ​ກັນ​ ແຂ່ງກັບປະທານາທິບໍດີ ບາຣັກ
ໂອບາ​ມາ​ ​ໃນ​ການ​ເລືອກຕັ້ງ​ເດືອນ​ພະ​ຈິກ​ປີ​ນີ້. ​ໃນລະຫວ່າງການ​ກ່າວ​ຄໍາ​ປາ​ໄສຮັບ​ເອົາ
ໄຊຊະນະ​ນັ້ນ ​ທ່ານຣອມນີໄດ້ແນ​ຄວາມເຫັນ​ຂອງ​ທ່ານ​ໂດຍ​ທັນທີ​ ​ໄປໃສ່​ປະທານາທິບໍດີ
ໂດຍ​ກ່າວ​ຫາ​ທ່ານ​ໂອ​ບາ​ມາ ວ່າຫັນ​ຫລັງ​ໃຫ້ລັດ​ເນ​ວາດາ​ ​ໃນ​ລະຫວ່າງ​ເກີດສະພາວະ
ເສດຖະກິດ​ຖົດຖອຍ​ທີ່​ຮ້າຍ​ແຮງ​ທີ່​ສຸດ​ບັ້ນ​ນຶ່ງ ຂອງ​ລັດ​ນັ້ນ.

ໄຊຊະນະ​ຂອງ​ທ່ານ ມິດ ຣອມນີ ມີ​ຂຶ້ນ​ໃນ​ເວລາ​ບໍ່​ເຖິງ​ອາທິດ ຫລັງ​ຈາກທ່ານ​ໄດ້​ຮັບ​ໄຊ
ຊະນະ​ໃນ​ການ​ເລື​ອກຕັ້ງ​ຂັ້ນ​ຕົ້ນ​ ທີ່​ລັດ​ຟລໍຣິດາ.

ທີ່​ລັດ​ເນ​ວາດາ ທ່ານຣອມນີ ​ໄດ້​ຮັບຄະ​ແນນສຽງ​ຫລາຍ​ກວ່າ 40 ​ເປີ​ເຊັນ ​ໂດຍ​ມີຄະ​ແນນ
ນໍາ​ໜ້າ​ສອງ​ຕົວ​ເລກ ​ຄູ່​ແຂ່ງ​ທີ່​ມີ​ຄະ​ແນນໃກ້​ຄຽງ​ກັບ​ທ່ານ ຄື ທ່ານ Newt Gingrich ອະ
ດີດ​ປະທານ​ສະພາ​ຕໍ່າ​ສະຫະລັດ ທີ່ໄດ້ ຄະ​ແນນ​ອັນດັບ​ສອງ ຕິດຕາມ​ມາ​ດ້ວຍ​ສະມາຊິກ
ສະພາ​ຕໍ່າ​ຈາກ​ລັດ​ເທັ​ກ ຊັສ ທ່ານ Ron Paul ​ໄດ້​ທີສາມ​ແລະມາໃນທີສີ່ໄດ້​ແກ່ອະດີດສະ
ມາ​ຊິກສະພາ​ສູງ​ສະຫະລັດ​ຈາກ​ລັດ​ເພັນ​ຊີ​ລ​ເວ​ເນຍ ທ່ານ ຣິກ ​ແຊນ​ທໍຣໍາ.

ສ່ວນທ່ານ Newt Gingrich ​ໄດ້​ປະຕິຍານ​ຕົນ​ເມື່ອ​ຕອນ​ແລງ​ວັນເສົາວານ​ນີ້​ວ່າ ທ່ານ​ຍັງ
ຈະ​ແຂ່ງຂັນ​ຕໍ່​ໄປ​ຈົນ​ເຖິງ​ກອງ​ປະຊຸມ​ໃຫຍ່​ຂອງ​ພັກ ​ໃນ​ເດືອນ​ສິງຫາ​ນີ້.

XS
SM
MD
LG