ທ່ານມິດ ຣອມນີ ທີ່ຫວັງວ່າຈະໄດ້ຖືກແຕ່ງຕັ້ງໃຫ້ເປັນຜູ້ຕາງໜ້າພັກ Republican
ເຂົ້າແຂ່ງຂັນເອົາຕຳແໜ່ງປະທານາທິບໍດີສະຫະລັດກໍາລັງພະຍາຍາມຫາທາງ ເພື່ອ
ເຮັດໃຫ້ທ່ານມີຄະແນນນໍາໜ້າຫຼາຍຂຶ້ນຕໍ່ ທ່ານຣິກ ຊັນທໍຣັມ ຄູ່ແຂ່ງຄົນສຳຄັນຂອງ
ທ່ານ ໃນວັງອັງຄານມື້ນີ້ ຂະນະທີ່ການເລືອກຕັ້ງຂັ້ນຕົ້ນເພື່ອເລືອກເອົາຜູ້ຕາງໜ້າ
ຂອງພັກຈະມີຂຶ້ນທີ່ລັດ Illinois ໃນພາກກາງຂອງສະຫະລັດ.
ການສໍາຫຼວດຫາງສຽງປະຊາຊົນ
ສະແດງໃຫ້ເຫັນວ່າ ທ່ານຣອມນີ
ມີສຽງນໍາໜ້າ ລື່ນທ່ານຊັນໂຕຣັມ
15 ເປີເຊັນໃນລັດ Illinois ຂະ
ນະທີ່ບັນດາຜູ້ປ່ອນບັດພາກັນໄປ
ລົງຄະແນນສຽງຂັ້ນຕົ້ນໃນມື້ນີ້.
ຈະມີການແຂ່ງຂັນກັນຊີງເອົາ
ພວກຜູ້ແທນຂອງພັກ ໃນຈໍາ
ນວນ 54 ຄົນໃນວັນອັງຄານ
ມື້ນີ້ ແລະໄຊຊະນະໃນມື້ນີ້ຈະ
ເປັນແຮງຂັບດັນ ທີ່ສໍາຄັນສໍາ
ລັບທ່ານຣອມນີ. ອະດີດຜູ້ປົກ
ຄອງລັດ Massachusetts
ໄດ້ຮັບຜູ້ແທນທີ່ຈະໄປຮ່ວມ
ກອງປະຊຸມຫລວງຂອງພັກຈໍານວນ 521 ຄົນແລ້ວ ແລະທ່ານຊັນທໍຣັມໄດ້ຮັບ 253 ຄົນ
ມາຮອດປັດຈຸບັນ.
ຜູ້ສະມັກແຂ່ງຂັນຂອງພັກອີກ 2 ທ່ານຄື ທ່ານ Newt Gingrich ແລະທ່ານ Ron
Paul ໄດ້ຮັບຜູ້ແທນໃນຈໍານວນທີ່ຍັງຫ່າງໄກຫລາຍ.
ໃນວັນຈັນວານນີ້ ທ່ານຣອມນີ ແລະທ່ານຊັນທໍຣັມ ໄດ້ໄປໂຄສະນາຫາສຽງໃນລັດ
Illinois. ທ່ານຣອມນີ ໄດ້ພົບປະກັບບັນດາຜູ້ປ່ອນບັດໃນການຮັບປະທານອາຫານ
ຄໍ່າຮ່ວມກັນທີ່ເມືອງ Springfield ນະຄອນຫລວງຂອງລັດ Illinois ກ່ອນເດີນທາງ
ມຸ້ງໜ້າໄປຍັງນະຄອນ Chicago ເພື່ອໄປກ່າວຄໍາປາໄສດ້ານເສດຖະກິດຢູ່ທີ່ນັ້ນ ຊຶ່ງ
ທ່ານໄດ້ໃຫ້ຄໍາໝັ້ນສັນຍາທີ່ຈະຄວບຄຸມການໃຊ້ຈ່າຍຂອງລັດຖະບານນັ້ນ.
ສ່ວນທ່ານຊັນທໍຣັມກ່າວວ່າ ຖ້າທ່ານຊະນະການເລືອກຕັ້ງຂັ້ນຕົ້ນຂອງພັກໃນວັນອັງ
ຄານມື້ນີ້ ທ່ານມີຄວາມໝັ້ນໃຈວ່າ ທ່ານຈະໄດ້ຮັບແຕ່ງຕັ້ງໃຫ້ເປັນຜູ້ຕາງໜ້າຂອງພັກ
ທີ່ຈະເຂົ້າແຂ່ງຂັນປະທານາທິບໍດີສະຫະລັດນັ້ນ. ອະດີດສະມາຊິກສະພາສູງສະຫະ
ລັດທ່ານນີ້ໄດ້ຮຽກຮ້ອງໃຫ້ພວກສະໜັບສະໜຸນທ່ານ ໃຫ້ພາກັນຊັກຊວນຄົນອື່ນໆ
ອອກໄປປ່ອນບັດໃຫ້ທ່ານ.
ໃນວັນອາທິດຜ່ານມານີ້ ທ່ານຣອມນີ ໄດ້ຊະນະຜູ້ແທນຂອງພັກ 20 ຄົນຈາກ Puerto
Rico ຊຶ່ງເຮັດໃຫ້ທ່ານ ໃກ້ຄຽງຄວາມເປັນຈິງຫຼາຍຂຶ້ນ ທີ່ຈະໄດ້ຮັບຜູ້ແທນຈໍານວນ
1144 ຄົນທີ່ຕ້ອງການ ເພື່ອຈະໄດ້ຖືກແຕ່ງຕັ້ງເປັນຜູ້ສະມັກແຂ່ງຂັນປະທານາທິບໍດີ
ສັງກັດພັກ Republican ນັ້ນ. ຜູ້ໃດກໍຕາມທີ່ຊະນະ ຈະປະເຊີນໜ້າກັບປະທານາທິ
ບໍດີບາຣັກ ໂອບາມາ ສັງກັດພັກເດໂມກຣັດ ໃນການເລືອກຕັ້ງປະທານາທິບໍດີສະຫະ
ລັດໃນເດືອນພະຈິກທ້າຍປີນີ້.