ລິ້ງ ສຳຫລັບເຂົ້າຫາ

ວັນພຸດ, ໑໗ ເມສາ ໒໐໒໔

ນາໆຊາດ ຮັບປາກຈະໃຫ້ ເງິນ 5400 ລ້ານດອນລາ ຊ່ອຍບູລະສ້າງສາ ເຂດກາຊາ


ທ່ານ John Kerry ລັດຖະມົນຕີການຕ່າງປະເທດສະຫະລັດ ກ່າວຕໍ່ກອງປະຊຸມ ທີ່ໄຄໂຣ ອີຈິບ ວັນທີ 12 ຕຸລາ 2014
ທ່ານ John Kerry ລັດຖະມົນຕີການຕ່າງປະເທດສະຫະລັດ ກ່າວຕໍ່ກອງປະຊຸມ ທີ່ໄຄໂຣ ອີຈິບ ວັນທີ 12 ຕຸລາ 2014

ບັນດາ​ນາໆ​ຊາດທີ່ໃຫ້ການຊ່ວຍ​ເຫຼືອ​ ​ໄດ້​ໃຫ້​ຮັບປາກ​ທີ່​ຈະ​ໃຫ້
​ເງິນຈຳນວນ 5 ພັນ 400 ລ້ານ​ດອນ​ລາ ​ເພື່ອຊ່ອຍ​ເຫຼືອ​ຊາວ​ປາ
​ແລ​ສ​ໄຕ​ນ໌ ຊຶ່ງ​ເຄິ່ງນຶ່ງ​ຂອງ​ຈຳນວນ​ດັ່ງກ່າວ​ ແມ່ນສຳ​ຫຼັບ​ການ
​ສ້າງສາຄືນ​ໃໝ່ເຂດ​ກາຊາ​ທີ່​ໄດ້​ຮັບ​ຄວາມ​ເສຍ​ຫາຍ​ຈາກ​ສົງ
ຄາມ​ນັ້ນ.

ລັດຖະມົນຕີຕ່າງປະ​ເທດນໍ​ເວ ທ່ານ Borge Brende ປະກາດ
ຈຳນວນ​ເງິນ​ຊ່ອຍ​ເຫຼືອ​ທັງ​ໝົດ​ນີ້​ໃຫ້​ຮູ້​ ໃນ​ວັນ​ອາທິດ​ວານ​ນີ້ ​ໃນ
​ເວລາ​ອັດ​ກອງ​ປະຊຸມ​ 30 ປະ​ເທດ​ ທີ່​ນະຄອນຫຼວງ​ໄຄ​ໂຣຂອງ​
ອີ​ຈິບ.

ບັນດາ​ຜູ້ນຳ​ປາ​ແລ​ສ​ໄຕ​ນ໌ກ່າວ​ວ່າ ພວກ​ເຂົາ​ເຈົ້າ​ຕ້ອງການ​ເງິນ​ຈຳນວນ 4 ຕື້​ດອນ​ລາ ​ເພື່ອ​ສ້າງສາ​ຄືນ​ໃໝ່ຫຼາຍ​ພາກສ່ວນ​ໃຫຍ່ໆຂອງ​ດິນ​ແດນຂອງຕົນ​ ທີ່​ໄດ້​ຖືກ​ທຳລາຍ​ໃນສົງຄາມ
50 ມື້ ລະຫວ່າງ​ກຸ່ມ​ຮາ​ມັສ ​ແລະ​ອິສຣາ​ແອ​ລ ທີ່​ຍຸດຕິ​ລົງ​ໃນ​ເດືອນ​ສິງຫາ​ຜ່ານ​ມາ.

ກ່ອນ​ກອງ​ປະຊຸມ​ໄຂ​ຂຶ້ນນັ້ນ ບັນດາ​ເຈົ້າ​ໜ້າ​ທີ່​ໄດ້​ສະ​ແດງ​ຄວາມ​ເປັນ​ຫ່ວງ​ອອກ​ມາ ກ່ຽວ​ກັບ​ການ​ໃຫ້​ເງິນ ​ໂດຍທີ່​ຍັງບໍ່​ທັນມີ​ຂໍ້​ຕົກລົງ​ຢຸດ​ຍິງ ທີ່​ຖາວອນ.

ພາບຄວາມເສຍຫາຍ ໃນເຂດກາຊາ:

​ເລຂາທິການ​ໃຫຍ່​ສະຫະ​ປະຊາ​ຊາດ ທ່ານ​ພັນ ​ກີ​ມູນ ກ່າວ​ໃນ​ວັນ​ອາທິດວານ​ນີວ່າ ໂລກ​ໄດ້ “ຮັບ​ຮູ້​ຢ່າງ​ຈະ​ແຈ້ງ ​ເຖິງ​ຄວາມ​ຕ້ອງການຕ່າງໆຢ່າງ​ມະຫາສານ” ​ຢູ່ໃນ​ເຂດ​ກາຊາ
ນັ້ນ ​ແຕ່​ວ່າ “ກົງກວຽນ​ຂອງ​ການ​ກໍ່ສ້າງ ​ແລະ​ການ​ທຳລາຍ ຈະ​ຕ້ອງ​ຍຸດຕິ​ລົງ.”

ນຶ່ງ​ໃນ​ບັນດາ​ປະ​ເທດ​ທີ່​ບໍລິຈາກ​ເງິນ​ຫຼາຍ​ທີ່​ສຸດ​ແມ່ນ Qatar ຊຶ່ງ​ເປັນປະ​ເທດ​ນຶ່ງ​ໃນ​ເຂດ​ອ່າວ​ເປີ​ເຊຍ ທີ່​ອຸດົມ​ຮັ່ງມີ​ດ້ວຍ​ແກ​ສທຳ​ມະ​ຊາດ ຊຶ່ງສັນຍາຈະ​ໃຫ້​ເງິນ​ຊ່ອຍ​ເຫຼືອ 1 ຕື້​ດອນ​ລາ.

ລັດຖະມົນຕີ​ຕ່າງປະ​ເທດ​ສະຫະລັດ ທ່ານ John Kerry ​ໄດ້ປະກາດ​ເງິນຊ່ວຍ​ເຫຼືອ​ໃນ​ທັນທີ​ຂອງ​ສະຫະລັດ ຈຳນວນ 212 ລ້ານ​ດອນ​ລາ ຕື່ມ​ໃສ່​ກັບ​ເງິນ​ຊ່ອຍ​ເຫຼືອ​ດ້ານ​ມະນຸດ
ສະທຳ​ ທີ່​ສະຫະລັດ​ໄດ້​ຮັບປາກ​ໄປ​ແລ້ວ 202 ລ້ານ​ດອນ​ລານັ້ນ. ພວກ 28 ປະ​ເທດ​ໃນ​ສະຫະພາບ​ຢູໂຣບ ໄດ້​ໃຫ້​ຄຳ​ໝັ້ນ​ສັນຍາ​ທີ່​ຈະ​ບໍລິຈາກ​ 568 ລ້ານ​ດອນ​ລາ​ ຂະນະ​ດຽວ​ກັນ ສະຫະລັດ​ອາຫຣັບ​ເອມີ​ເຣັສ ​ແລະ​ເທີ​ກີ ຕ່າງ​ກໍກ່າວ​ວ່າ ຈະ​ບໍລິຈາກ 200 ລ້ານ​ດອນ​ລາ.

Gazaegypt13october14
please wait
Embed

No media source currently available

0:00 0:01:05 0:00

XS
SM
MD
LG