ສະຫະລັດ ມີຄວາມໝາຍໝັ້ນ ທີ່ຈະຊ່ວຍເຫຼືອ ຟີລິບປິນ ໃນຄວາມພະຍາຍາມບັງຄັບໃຊ້ ກົດໝາຍຂອງພວກເຂົາເຈົ້າ ແຕ່ກໍຢາກໃຫ້ເປັນ ທີ່ແນ່ໃຈວ່າ ມະນີລາ ມີຄວາມໝາຍໝັ້ນ ຕໍ່ ພັນທະດ້ານສິດທິມະນຸດຂອງຕົນ ນັ້ນຄືຄຳເວົ້າຂອງໂຄສົກກະຊວງການຕ່າງປະເທດ ສະຫະລັດ ທີ່ໄດ້ກ່າວໃນວັນອັງຄານວານນີ້.
ໂຄສົກທ່ານ John Kirby ໄດ້ກ່າວວ່າ “ໂຄງການການຊ່ວຍເຫຼືອຂອງພວກເຮົາແມ່ນແນໃສ່ ເພື່ອແກ້ໄຂຄວາມເປັນຫ່ວງ ດ້ານສິດທິມະນຸດ ໂດຍການຂະຫຍາຍຄວາມສາມາດ ຂອງ ຟີລິບປິນ ທີ່ຈະດຳເນີນການສືບສວນສອບສວນແບບມີປະສິດທິພາບ, ຖືກຕ້ອງ ຕາມກົດໝາຍ ແລະ ເຮັດໃຫ້ລະບົບຍຸຕິທຳດ້ານກົດໝາຍອາຍຸມີຄວາມເປັນມືອາຊີບ ເພື່ອໃຫ້ມີຄວາມຮັບຜິດຊອບເພີ່ມຂຶ້ນ, ຄວາມໂປ່ງໃສ, ມີປະສິດທິພາບ ແລະ ເປັນທຳ.”
ອົງການຂ່າວ Reuters ໄດ້ອ້າງຄຳເວົ້າຈາກແຫຼງຂ່າວລັດຖະສະພາ ຜູ້ທີ່ກ່າວວ່າ ກະຊວງ ການຕ່າງປະເທດ ໄດ້ຢຸດແຜນການ ຂາຍປືນກົນ 26,000 ກະບອກໃຫ້ກັບຕຳຫຼວດແຫ່ງ ຊາດຂອງ ຟີລິບປິນ ຫຼັງຈາກສະມາຊິກສະພາສູງ Ben Cardin, ສະມາຊິກຄົນສຳຄັນໃນ ຄະນະກຳ ມະການ ພົວພັນກັບຕ່າງປະເທດຂອງສະພາສູງ ໄດ້ສະແດງການຄັດຄ້ານຍ້ອນ ມີລາຍງານ ກ່ຽວກັບ ການສັງຫານແບບຮວບຮັດຕັດຕອນ ແລະ ການລະເມີດສິດທິມະນຸດ ໃນ ຟີລິບປິນ.
ທ່ານ Kirby ກໍບໍ່ໄດ້ຢືນຢັນ ຫຼື ປະຕິເສດ ກ່ຽວກັບ ການຂາຍອາວຸດທີ່ໄດ້ມີລາຍງານນັ້ນ.
ໃນຂະນະທີ່ກະຊວງຕ່າງປະເທດແມ່ນ “ມຸ່ງໝັ້ນທີ່ຈະເຮັດວຽກຢ່າງໃກ້ຊິດກັບບັນດາສະ ມາຊິກຂອງລັດຖະສະພາ ເພື່ອໃຫ້ການຊ່ວຍເຫຼືອດ້ານຄວາມປອດໄພຕໍ່ບັນດາພັນທະ ມິດ. ພວກເຂົາເຈົ້າ “ໄດ້ຖືກຫ້າມພາຍໃຕ້ກົດລະບຽບຂອງລັດຖະບານກາງໃນການໃຫ້ ຄຳເຫັນ ກ່ຽວກັບສະຖານະພາບຂອງການສົ່ງອອກສິນຄ້າທີ່ໄດ້ຮັບລາຍເຊັນການຮອງ ຮັບ ກ່ຽວກັບການຂາຍອາວຸດທີ່ຖືກສະເໜີນັ້ນ.”.
