ຟີລິບປິນ ແລະ ສະຫະລັດ ໄດ້ເປີດສາກທຳການຊ້ອມລົບຮ່ວມ
ປະຈຳປີຢູ່ທະເລຈີນໃຕ້ ໃກ້ກັບບໍລິເວນນ່ານນ້ຳທີ່ຈີນມີບັນຫາ
ຂັດແຍ້ງເລື້ອງເຂດນ້ຳແດນດິນຢ່າງຂົມຂື່ນ ກັບບັນດາປະເທດ
ເພື່ອນບ້ານໃກ້ຄຽງຂອງຕົນນັ້ນ.
ພວກທະຫານເຮືອແລະນາວິກກະໂຍທິນ ປະມານ 5 ພັນຄົນ
ຈາກສອງປະເທດ ໄດ້ເລີ້ມການຊ້ອມລົບທາງທະເລ ເປັນເວລາ
11 ມື້ໃນວັນຈັນມື້ນີ້. ການຊ້ອມລົບຮ່ວມ ທີ່ເອີ້ນວ່າ “Phiblex”
ມີວັດຖຸປະສົງ ເພື່ອທົດສອບຄວາມຕຽມພ້ອມຂອງສອງປະເທດ
ພັນທະມິດ ເພື່ອຕອບໂຕ້ຕໍ່ພາວະສຸກເສີນໃດໆ ທີ່ອາດຈະເກີດ
ຂຶ້ນນັ້ນ.
ສອງປະເທດຈະທຳການເຝິກຊ້ອມ ການບຸກລຸກໂຈມຕີທາງເຮືອ ການຍົກພົນຂຶ້ນຝັ່ງ ການຊ້ອມຍິງປືນດ້ວຍລູກປືນແທ້ໆ ແລະການຊ້ອມລົບກັບລົດກຸ້ມເກາະ ໃກ້ໆກັບໝູ່ເກາະ Spratly ແລະໂຂດຫີນ Scarborough ບ່ອນທີ່ຈີນໄດ້ມີການປະເຊີນໜ້າກັນຢ່າງເຄັ່ງຕຶງ
ມາຕິດຕໍ່ກັນຫຼາຍຄັ້ງ ກັບພວກປະເທດເພື່ອນບ້ານ.
ຫລາຍພາກສ່ວນທີ່ອຸດົມຮັ່ງມີດ້ວຍແຫຼ່ງຊັບພະຍາກອນທຳມະຊາດນີ້ ໄດ້ມີການອ້າງເອົາກຳມະສິດເຊັ່ນກັນ ໂດຍມາເລເຊຍ ໄຕ້ຫວັນ ແລະຫວຽດນາມ.
