ວັນຈັນມື້ນີ້ ກອງທັບສະຫະລັດແລະຟິລິບປິນ ໄດ້ເລິ່ມທໍາການຊ້ອມລົບຮ່ວມກັນ ເປັນ
ເວລາ 12 ວັນ ໃນທ່າມກາງສະຖານະການທີ່ເຄ່ງຕຶງຂຶ້ນນັບມື້ ທາງທະເລກັບຈີນນັ້ນ.
ບັນດາຜູ້ບັນຊາການກອງທັບຂອງທັງສອງຝ່າຍໄດ້ເປີດການຊ້ອມລົບດັ່ງກ່າວ ດ້ວຍ
ການທໍາພິທີຢ່າງເປັນທາງການຢູ່ນະຄອນຫລວງມະນິລາ ບ່ອນທີ່ທ່ານ Jessie
Delloso ຫົວໜ້າເສນາທິການກອງທັບຂອງຟິລິບປິນ ໄດ້ກ່າວເຕືອນຢ່າງຄຸມເຄືອ ເຖິງ
ໄພຂົ່ມຂູ່ຈາກບັນຫາລະຫວ່າງຊາດບາງຢ່າງ.
ແຕ່ທ່ານ Dellosa ບໍ່ໄດ້ລະບຸໄພຂົ່ມຂູ່ໃດນຶ່ງໂດຍສະເພາະ ແຕ່ເມື່ອອາ ທິດຜ່ານມານີ້
ກໍ່າປັ່ນຫລາຍລໍາຂອງຈີນໄດ້ເຂົ້າໄປສະກັດກັ້ນກໍ່າປັ່ນລົບ ຂອງຟິລິບປິນ ບໍ່ໃຫ້ຈັບກຸມ
ພວກລູກເຮືອຂອງເຮືອຫາປາຫລາຍລໍາຂອງຈີນ ໃນເຂດທະເລຈີນໃຕ້.
ຟິລິບປິນ ໄດ້ກ່າວຫາວ່າ ເຮືອຈີນ ທໍາການຫາປາຢ່າງຜິດກົດໝາຍໃນນ່ານນໍ້າຂອງ
ຟິລິບປິນ ແຕ່ ພວກຊາວປະມົງຂີນ ກໍສາມາດກັບຕ່າວຄືນ ບ້າພ້ອມກັບກຸ້ງປາທີ່ຕຶກໄດ້ນັ້.
ການຊ້ອມລົບກັນຄັ້ງລ່າສຸດລະຫວ່າງສະຫະລັດແລະຟິລິບປິນນີ້ ແມ່ນພົວ ພັນກັບພົນ
ທະຫານຈາກທັງສອງຝ່າຍ ຫລາຍກວ່າ 6,000 ຄົນ ທີ່ຈະສຸມໃສ່ການປະຕິບັດງານຮັບ
ມືກັບໄພພິບັດ ແລະຊ່ວຍເຫລືອດ້ານມະນຸດສະທໍາ ແລະນອກນີ້ແລ້ວ ຍັງຈະມີການຊ້ອມ
ລົບກັນໃນທະເລນໍາ. ການຊ້ອມລົບສ່ວນນຶ່ງຈະມີຂຶ້ນຢູ່ໃກ້ເກາະ Palawan ທາງພາກ
ຕາເວັນຕົກສຽງໃຕ້ຂອງຟິລິບປິນ ທີ່ຫັນໜ້າໃສ່ເຂດທະເລຈີນໃຕ້ທີ່ເປັນຂໍ້ຍັດແຍ້ງກັນນັ້ນ.
ເຖິງແມ່ນຈະມີການຈຶ້ງທ່າໃສ່ກັນເມື່ອບໍ່ນານມານີ້ກໍຕາມ ທ່ານນາຍພົນຈັດຕະວາ
Frederick Padilla ຈາກກອງທັບສະຫະລັດ ກໍເນັ້ນຍໍ້າວ່າ ການຊ້ອມລົບຄັ້ງນີ້ ບໍ່ໄດ້ແນ
ເປົ້າໝາຍໃສ່ປະເທດໃດນຶ່ງໂດຍສະເພາະແຕ່ຢ່າງໃດເລີຍ.