ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ຟີລິບປິນ ພິຈາລະນາ ຂໍ້ສະເໜີການຮ່ວມມື ທາງທະຫານກັບສະຫະລັດ


ທະຫານມາຣີນສະຫະລັດ ຈາກເກາະໂອກີນາວາ ຍີ່ປຸ່ນ (ຊ້າຍ) ແລະທະຫານຟີລິບປິນທີ່ເຂົ້າຮ່ວມໃນການຊ້ອມ ລົບຍົກພົນຂຶ້ນບົກທີ່ເມືອງ San Antonio ໃນແຂວງ Zambales ທາງກໍ້າຕາເວັນຕົກສຽງເໜືອຂອງນະຄອນ ຫຼວງມະນີລາ (23 ຕຸລາ 2010)
ທະຫານມາຣີນສະຫະລັດ ຈາກເກາະໂອກີນາວາ ຍີ່ປຸ່ນ (ຊ້າຍ) ແລະທະຫານຟີລິບປິນທີ່ເຂົ້າຮ່ວມໃນການຊ້ອມ ລົບຍົກພົນຂຶ້ນບົກທີ່ເມືອງ San Antonio ໃນແຂວງ Zambales ທາງກໍ້າຕາເວັນຕົກສຽງເໜືອຂອງນະຄອນ ຫຼວງມະນີລາ (23 ຕຸລາ 2010)

ຟີ​ລິບ​ປິນກ່າວ​ວ່າ ຕົນ​ກຳລັງ​ພິຈາລະນາ​ເບິ່ງ​ຂໍ້​ສະ​ເໜີ​ຂອງ​ສະຫະລັດ ທີ່​ຈະ​ສົ່ງ​ເຮືອບິນ​ສັງ​ເກດ​
ການ ບິນ​ປະຕິບັດ​ງານ​ຢູ່​ໃນ​ເຂດ​ແດນ​ຂອງ​ຟີລິບ​ປິນ ​ເພື່ອ​ເສີມຂະຫຍາຍ​ຄວາມ​ສາມາດ​ຂອງ​
ມະນີ​ລາ ​ໃນ​ການ​ລາ​ຕະ​ເວນ​ຢູ່​ຕາມ​ເຂດທີ່​ມີ​ການຂັດ​ແຍ້​ງ​ໃນ​ທະ​ເລ​ຈີນ​ໃຕ້.

ການ​ເອົາ​ທ່າ​ທີ​ດັ່ງກ່າວ ​ໄດ້​ມີ​ການ​ແຈ້ງ​ໃຫ້​ຊາບ​ໃນ​ມື້ວັນ​ສຸກ​ວານ​ນີ້ ​ໂດຍ​ລັດຖະມົນຕີ​ກະຊວງ​
ປ້ອງ​ກັນ​ປະ​ເທດ​ຂອງ​ຟີ​ລິບ​ປິນ ທ່ານ Voltair Gazmin.

ດັ່ງ​ດຽວ​ກັນ​ກັບປະ​ເທດ​ອື່ນໆ​ຢູ່​ໃນ​ຂົງ​ເຂດ ຟີ​ລິບ​ປິນ​ໄດ້​ອ້າງ​ກຳມະສິດ​ບາງ​ສ່ວນ​ຢູ່​ໃນ​ເຂດ​ທະ
ເລ​ຈີນ​ໃຕ້​ທີ່​ອຸດົມສົມບູນ​ໄປ​ດ້ວຍ​ຊັບພະຍາກອນ​ທຳ​ມະ​ຊາດ. ​ແຕ່​ຈີນ​ໄດ້​ຢືນຢັນ​ໜັກ​ຂຶ້ນນັບ​ມື້
ໃນ​ການ​ກົດ​ດັນ ​ກ່ຽວ​ກັບ​ການ​ອ້າງ​ກຳ​ມະ​ນິດ​ຂອງ​ຕົນທີ່​ນັ້ນ. ຟີ​ລິບ​ປິນ ພ້ອມ​ກັບ​ຫວຽດນາມ
ໄດ້​ກ່າວ​ຫາ​ປັກ​ກິ່ງ​ວ່າລົບ​ກວນ​ໃນ​ການດຳ​ເນີນ​ຄວາມ​ພະຍາຍາມ​ເພື່ອ​ສຳ​ຫຼວດຊອກ​ຫາ​ນໍ້າມັນ
ແລະ​ແກັສທຳ​ມະ​ຊາດ​ຂອງ​ຕົນ ຢູ່​ໃນ​ເຂດ​ດັ່ງກ່າວ.

ເຈົ້າໜ້າ​ທີ່​ສະຫະລັດ​ແລະ​ຟີ​ລິບ​ປິນ​ໄດ້​ພົບ​ປະກັນ​ທີ່​ກຸງ​ວໍ​ຊິງ​ຕັນ​ໃນ​ວັນ​ພະຫັດ​ແລ້ວແລະ​ມີ​ແຜນ
ການ​ທີ່​ຈະ​ທຳ​ການ​ເຈລະຈາ​ຕື່ມ​ອີກ​ໃນ​ເດືອນ​ມີນາ​ຈະ​ມານີ້.

ລັດຖະມົນຕີ​ການ​ຕ່າງປະ​ເທດ​ຟີ​ລິບ​ປິນທ່ານ Albert del Rosario ກ່າວ​ໃນ​ວັນ​ສຸກ​ວານ​ນີ້
ວ່າ ນອກ​ນັ້ນມະນີ​ລາ​ຍັງ​ຊອກ​ຫາ​ຊ່ອງ​ທາງ​ທີ່​ຈະ​ເພີ່ມ​ການ​ຊ້ອມ​ລົບທາງ​ທະຫານ​ຮ່ວມ​ກັນ​ກັບ
ວໍ​ຊິງຕັນ. ທ່ານ​ກ່າວ​ໃນ​ຖະ​ແຫຼງການ​ສະບັບ​ນຶ່ງວ່າ ມັນ​ເປັນ​ການ​ໄດ້​ປຽບ​ຢ່າງ​ຈະ​ແຈ້ງ​ຂອງ​ມະ
ນີ​ລາ ​ເພື່ອ​ເສີມ​ຂະຫຍາຍ​ການ​ເປັນ​ພັນ ທະ​ມິດ​ຢ່າງສຸດ​ຂີດ​ກັບ​ສະຫະລັດ.

ມີ​ກຳລັງ​ພິ​ເສດ​ຂອງ​ສະຫະລັດ​ປະມານ 600 ຄົນ​ປະຈຳການ​ຢູ່ທີ່​ຟີ​ລິບ​ປິນ​ໃນ​ເວລາ​ນີ້​ເພື່ອ​ໃຫ້​
ຄຳ​ແນະນຳ​ແກ່​ກຳລັງ​ທ້ອງ​ຖິ່ນ​ຂອງ​ຟີ​ລິບປິນໃນ​ການ​ຕໍ່ສູ້​ກັບພວກ​ຫົວ​ຮຸນ​ແຮງທີ່​ເປັນ​ເຄືອ​ຂ່າຍ
ຂອງ​ກຸ່ມ​ກໍ​ການ​ຮ້າຍ​ອາລກາຍ​ດາ.

XS
SM
MD
LG