ອົງການຈັດການແຂ່ງຂັນກ໊ອຟມືອາຊີບຂອງສະຫະລັດ ຫລື The U.S. PGA Tour ໄດ້ປະກາດວ່າ ຕົນກໍາລັງຂະຫຍາຍເຂົ້າໄປຍັງຈີນໃນປີໜ້ານີ້ ພ້ອມກັບການພັດທະນາວົງການກິລາກ໊ອຟ ມືອາຊີບໃໝ່.
ການຈັດການແຂ່ງຂັນຕີກ໊ອຟມືອາຊີບຢູ່ຈີນຫລື PGA Tour China ຈະມີການແຂ່ງ ຂັນ ທັງໝົດ 12 ນັດ ໃນປີ 2014 ພ້ອມກັບເງິນລາງວັນ 200,000 ໂດລ່າ ສໍາລັບການແຂ່ງຂັນແຕ່ລະນັດ.
ທ່ານ Tim Fincham ຫົວໜ້າກຳມາທິການຈັດການແຂ່ງຂັນຕີກ໊ອຟມືອາ ຊີບ PGA Tour ໄດ້ອອກປະກາດ ເມື່ອວັນອາທິດມື້ນີ້ ທີ່ນຄອນ Shanghai ຊຶ່ງທ່ານກ່າວວ່າ PGA Tour China ຈະຈັດໃຫ້ມີການແຂ່ງຂັນທີ່ເປີດກວ້າງ ໃນລາຍການແຂ່ງຂັນທີ່ມີຄຸນນະພາບສໍາລັບພວກນັກກິລາຕີກ໊ອຟຫົວກະທິທັງຫຼາຍຈາກຈີນ ແລະປະເທດອື່ນໆ ພ້ອມກັບ ເປີດໂອກາດໃຫ້ມີຄວາມກ້າວໜ້າໄດ້ໄປຮ່ວມການແຂ່ງຂັນຕີກ໊ອຟມືອາຊີບລະດັບໂລກ.
ທ່ານ Fincham ເວົ້າວ່າ ລາຍການແຂ່ງຂັນຕີກ໊ອຟໃໝ່ຢູ່ນີ້ ໄດ້ສ້າງຈາກ ຄວາມສໍາພັນທີ່ມີມາດົນນານຂອງສະມາຄົມກ໊ອຟມືອາຊີບສະຫະລັດ ກັບສະມາຄົມກ໊ອຟຈີນ.
ທ່ານ Zhang Xiaoning ເຈົ້າໜ້າທີ່ລະດັບສູງທ່ານນຶ່ງ ປະຈໍາສະມາຄົມ ຕີກ໊ອຟຈີນ ເວົ້າວ່າ ການເປັນພາຄີກັນຄັ້ງນີ້ ຈະຍົກລະດັບກິລາກ໊ອຟໃນປະເທດຂຶ້ນໄປອີກ ແລະຕຽມພວກນັກຫຼິ້ນກ໊ອຟທັງຫຼາຍເຂົ້າຮ່ວມການແຂ່ງ ໃນລະດັບໂລກບັ້ນສໍາຄັນ.
ການຈັດການແຂ່ງຂັນຕີກ໊ອຟມືອາຊີບຢູ່ຈີນຫລື PGA Tour China ຈະມີການແຂ່ງ ຂັນ ທັງໝົດ 12 ນັດ ໃນປີ 2014 ພ້ອມກັບເງິນລາງວັນ 200,000 ໂດລ່າ ສໍາລັບການແຂ່ງຂັນແຕ່ລະນັດ.
ທ່ານ Tim Fincham ຫົວໜ້າກຳມາທິການຈັດການແຂ່ງຂັນຕີກ໊ອຟມືອາ ຊີບ PGA Tour ໄດ້ອອກປະກາດ ເມື່ອວັນອາທິດມື້ນີ້ ທີ່ນຄອນ Shanghai ຊຶ່ງທ່ານກ່າວວ່າ PGA Tour China ຈະຈັດໃຫ້ມີການແຂ່ງຂັນທີ່ເປີດກວ້າງ ໃນລາຍການແຂ່ງຂັນທີ່ມີຄຸນນະພາບສໍາລັບພວກນັກກິລາຕີກ໊ອຟຫົວກະທິທັງຫຼາຍຈາກຈີນ ແລະປະເທດອື່ນໆ ພ້ອມກັບ ເປີດໂອກາດໃຫ້ມີຄວາມກ້າວໜ້າໄດ້ໄປຮ່ວມການແຂ່ງຂັນຕີກ໊ອຟມືອາຊີບລະດັບໂລກ.
ທ່ານ Fincham ເວົ້າວ່າ ລາຍການແຂ່ງຂັນຕີກ໊ອຟໃໝ່ຢູ່ນີ້ ໄດ້ສ້າງຈາກ ຄວາມສໍາພັນທີ່ມີມາດົນນານຂອງສະມາຄົມກ໊ອຟມືອາຊີບສະຫະລັດ ກັບສະມາຄົມກ໊ອຟຈີນ.
ທ່ານ Zhang Xiaoning ເຈົ້າໜ້າທີ່ລະດັບສູງທ່ານນຶ່ງ ປະຈໍາສະມາຄົມ ຕີກ໊ອຟຈີນ ເວົ້າວ່າ ການເປັນພາຄີກັນຄັ້ງນີ້ ຈະຍົກລະດັບກິລາກ໊ອຟໃນປະເທດຂຶ້ນໄປອີກ ແລະຕຽມພວກນັກຫຼິ້ນກ໊ອຟທັງຫຼາຍເຂົ້າຮ່ວມການແຂ່ງ ໃນລະດັບໂລກບັ້ນສໍາຄັນ.
