ລິ້ງ ສຳຫລັບເຂົ້າຫາ

ການເຈລະຈາ ລະຫວ່າງ ສະຫະລັດ ແລະປາກິສຖານ ລົ້ມແຫລວ


ການເຈລະຈາລະຫວ່າງ ສະຫະລັດອາເມຣິກາແລະປາກິສຖານລົ້ມແຫລວ ກ່ຽວກັບການໂຈມຕິທາງອາກາດ ທີ່ເຮັດໃຫ້ ທະຫານປາກິສຖານເສຍຊີວິດ 24 ຄົນໃນເດືອນພະຈິກ ປີກາຍນີ້.

ໃນ​ອີກ​ດ້ານ​ນຶ່ງ ໜັງສືພິມສໍາຄັນ​ຂອງສະຫະລັດກ່າວ​ວ່າ ​ການ​ເຈລະຈາ ລະດັບ​ສູງ
ທີ່ແນເປົ້າ​ໝາຍ​ເພື່ອ​ແກ້ໄຂບັນຫາຂັດ​ແຍ້​ງທາງ​ດ້ານການ​ທູດ ລະຫວ່າງ​ສະຫະ​ລັດ
ແລະປາ​ກິ​ສຖານນັ້ນ ​ໄດ້ສິ້ນສຸດ​ລົງ​ດ້ວຍ​ຄວາມ​ລົ້ມແຫລວ ​ເພາະວ່າປາ​ກິ​ສຖານ​ ​ໄດ້​
ຮຽກຮ້ອງ​ໃຫ້​ວໍ​ຊິງ​ຕັນ​ທຳ​ການ​ຂໍ​ຂະມາ​ໂທດ ​ໂດຍ​ທີ່​ບໍ່​ມີ​ເງື່ອນໃຂ​ໄດໆ ກ່ຽວ​ກັບ​ການ
ໂຈມ​ຕີທາງ​ອາກາດ.

ໜັງສືພິມ New York Times ກ່າວ​ວ່າ ທ່ານ Marc Grossman ທູດ​ພິ​ເສດຂອງ​
ສະຫະ​ລັດ ​ຮັບຜິດຊອບ​ກ່ຽວ​ກັບ​ເລື່ອງອັ​ຟກາ​ນິສຖານ ​ແລະປາ​ກິ​ສຖານ ​ໄດ້​ເດີນ​ທາງ​
ອອກ​ຈາກກຸ​ງອິສລາມາ​ບັດໃນ​ຕອນ​ແລງ​ວັນ​ສຸກ ຫລັງ​ຈາກ​ການເຈລະຈາເປັນ​ເວລາ​ສອງ
ວັນ. ການ​ເຈລະຈາ​ທີ່​ວ່າ​ນີ້ ບໍ່​ສາມາດ​ຕົກລົງ​ກັນ​ໄດ້ ​ໃນ​ການ​ປົວ​ແປງຄວາ​ມ​ເສຍ​ຫາຍ​
ຈາກ​ ການ​ໂຈມ​ຕີທາງ​ອາກາດ​ຂອງສະຫະລັດໃນ​ເດືອນ​ພະຈິກປີ​ກາຍ ທີ່​ເຮັດ​ໃຫ້​ທະ
ຫານປາ​ກິ​ສຖານ​ເສຍ​ຊີວິດ​ໄປ 24 ຄົນ ​ໃນ​ເຂດ​ຊາຍ​ແດນ​ຂອງ ອັຟກາ​ນິສຖານນັ້ນ.

ສະຫະລັດ​ໄດ້ປະຕິ​ເສດບໍ່​ຍອມ​ຂໍ​ຂະ​ມາ​ໂທດ ​ໃນການ​ໂຈມ​ຕີດັ່ງກ່າວ ​ແລະ​ປາ​ກິ​ສຖານ​
ໄດ້​ຕອບ​ໂຕ້ ​ໂດຍ​ຕັດ​ເສັ້ນ​ທາງ​ຂົນ​ສົ່ງ​ຍຸດທະ​ປັດ​ໄຈ ຂອງອົງການ ​NATO ​ເຂົ້າໄປສູ່​
ອັຟການິ​ສຖານ. ​ທັງສອງ​ປະ​ເທດບໍ່​ສາມາດ​ຕົກລົງ​ກັນ​ໄດ້ ກ່ຽວ​ກັບ​ຜົນ​ທີ່​ຕິດຕາມ​ມາ​ ​
ໃນ​ການ​ໂຈມ​ຕີ​ຂ້າມ ຊາຍ​ແດນ ທີ່​ເຮັດ​ໃຫ້​ມີ​ການ​ເສຍ​ຊີວິດ​ຢ່າງ​ຮ້າຍ​ແຮງສຸດ ໃນ​ລະຍະ​
ສິບ​ປີ​ຂອງ​ສົງຄາມ​ໃນອັ​ຟກາ​ນິສຖານ.

ໜັງສື​ພິມ New York Times ກ່າວ​ວ່າ ສະຫະລັດ​ໄດ້ “ຖົກ​ຖຽງ​ໂຕ້ ​ແຍ້​ງຢ່າງແທ້ຈິງ​”
ທີ່​ຈະ​ກ່າວ​ຄຳວ່າ “ສະຫະລັດເສຍ​ໃຈ” ຕໍ່​ປາກິ​ສຖານ ຫຼືບໍ່ ຈົນຕົກ​ມາ​ເຖິງ​ວັນ​ທີ 15 ​
ເດືອນ​ເມສາ ຊຶ່ງ​ໄດ້​ເກີດ​ມີການ​ໂຈມ​ຕີ​ພ້ອມໆ​ກັນຫຼາຍຄັ້ງທີ່​ນະຄອນຫຼວງ Kabul ​ແລະ​
ຫົວເມືອງຕ່າງໆ​ໃນ ອັຟກາ​ນິສຖານ. ທະຫານສະຫະລັດ ແລະ​ເຈົ້າ​ໜ້າ​ທີ່​ສືບ​ລັບ ກ່າວ
ວ່າ ການ​ໂຕມຕີ​ເຫຼົ່ານີ້​ແມ່ນ​ເປັນ​ນໍ້າມື​ຂອງ​ຕາໜ່າງກໍ່​ການ​ຮ້າຍ Haqqani ທີ່​ມີຖານ
ປະຕິບັດ​ງານ ຢູ່​ໃນ​ເຂດ​ຊົນ​ເຜົ່າ​ Waziristan ​ເໜືອຂອງປາ
ກິ​ສຖານ.

ໜັງສືພິມ The New York Times ກ່າວ​ອີກ​ວ່າ ການ​ໂຈມຕີ “​ໄດ້​ຜັນປ່ຽນການ​ຖົກ​ຖຽງ​
ໂຕ້ແຍ້​ງຢ່າງ​ຮຸນ​ແຮງ” ກ່ຽວ​ກັບວ່າ ປະທານາທິບໍ ດີສະຫະລັດ ​ຫລື​ວ່າເຈົ້າ​ໜ້າ​ທີ່​ຂັ້ນ​ສູງຄົນ
ໃດ​ຄົນ​ນຶ່ງ ຄວນ​ທີ່​ຈະສະ​ແດງຫຼາຍ​ໄປ​ກວ່າຄວາມ​ເສົ້າ​ເສຍ​ໃຈ​ທີ່ວໍ​ຊິງ​ຕັນໄດ້​ໃຫ້​ໄປ​ແລ້ວ
ຫລື​ຂໍ​ຂະ​ມາ​ໂທດ.

ເຈົ້າ​ໜ້າ​ທີ່ປາ​ກິ​ສຖານກ່າວ​ວ່າ ​ເຂົາ​ເຈົ້າຈະບໍ່ເປີດ​ເສັ້ນ​ທາ​ງຂົນ​ສົ່ງ​ຂອງ ອົງການ NATO ​
ໄປ​ສູ່ອັ​ຟກາ​ນິສຖານ ​ໂດຍ​ປາສຈາກ​ ການ​ຂໍ​ຂະ​ມາ​ໂທດ. ເພື່ອ​ເປັນການ​ຕອບ​ໂຕ້ ກ່ຽວ​ກັບ
ເລື່ອງ​ນີ້ ສະຫະລັດກໍ​ໄດ້​ໂຈະ ​ການ​ຊ່ວຍ​ເຫລືອ​ທາງ​ທະຫານ ຊື່​ງເປັນ​ຈໍານວນ​ເງິນ​ເຖິງ 3
ພັນ​ລ້ານ​ໂດ​ລາ ທີ່​ໄດ້​ໃຫ້​ຄໍາໝັ້ນ​ສັນຍາ​ໄວ້​ນັ້ນ.

XS
SM
MD
LG