ລິ້ງ ສຳຫລັບເຂົ້າຫາ

ວັນອາທິດ, ໑໖ ມິຖຸນາ ໒໐໒໔

ສະຫະລັດສົ່ງ ກຳປັ່ນບັນທຸກເຮືອບິນ ໄປຍັງອ່າວເປີເຊຍ ຍ້ອນວິກິດການ ໃນອິຣັກ (ວີດີໂອ)


ກຳປັ່ນບັນທຸກເຮືອບິນ USS George H.W. Bush (ລຸ້ນ CVN 77) ທີ່ຖືກສັ່ງໃຫ້ເຄື່ອນເຂົ້າໄປ ຍັງເຂດອ່າວເປີເຊຍ.
ກຳປັ່ນບັນທຸກເຮືອບິນ USS George H.W. Bush (ລຸ້ນ CVN 77) ທີ່ຖືກສັ່ງໃຫ້ເຄື່ອນເຂົ້າໄປ ຍັງເຂດອ່າວເປີເຊຍ.
ສະຫະລັດ​ໄດ້​ສັ່ງ​ໃຫ້​ສົ່ງ​ກຳ​ປັ່ນ​ບັນທຸກ​ເຮືອບິນ​ລຳ​ນຶ່ງ​ໄປ​ຍັງ
​ອ່າວ​ເປີ​ເຊຍ ​ໃນ​ການ​ຕອບ​ໂຕ້​ຕໍ່​ ວິ​ກິດ​ການ​ໃນ​ອີຣັກ.

ພົນ​ເຮືອ​ຕີ John Kirby ​ໂຄສົກ​ປະຈຳ​ທຳນຽບຫ້າ​ແຈ ກ່າວ​
ວ່າ ລັດຖະມົນຕີ​ປ້ອງ​ກັນ​ປະ​ເທດສະຫະລັດ ທ່ານ Chuck
Hagel ​ໄດ້​ສັ່ງ​ໃຫ້ ກຳ​ປັ່ນ​ບັນທຸກ​ເຮືອບິນ USS George
H.W. Bush ​ເຄື່ອນ​ອອກ​ຈາກ​ທະ​ເລ​ອາ​ເຣບຽນ​ເໜືອ ​ໄປ​
ຍັງ​ອ່າວ​ເປີ​ເຊຍ​ ໃນ​ວັນ​ເສົາ​ວານ​ນີ້.

ພົນ​ເຮືອ​ຕີ Kirby ​ເວົ້າອີກ​ວ່າ ຄຳ​ສັ່ງ​ດັ່ງກ່າວ​ອຳນວຍ​ໃຫ້​
ປະທານາທິ ບໍດີ ບາຣັກ ​ໂອ​ມາ​ມາ ມີທາງເລືອກຫລາຍ​ຂຶ້ນ
ຖ້າ​ຫາກຈຳ​ເປັນ​ຕ້ອງ​ໄດ້​ເອົາບາດກ້າວທາງ​ທະຫານ ​ເພື່ອ​ປົກ​ປ້ອງ​ຊີວິດ​ຂອງ​ຊາວ​ອາ
ເມຣິກັນ ພົນລະ​ເມືອງ ​ແລະ​ຜົນ​ປະ​ໂຫຍ​ດຂອງ​ສະຫະລັດ ໃນ​ອີຣັກ.”

​ເຮືອ​ລາດ​ຕາ​ເວນທີ່​ຕິດລູກ​ສອນ​ໄຟ​ນຳ​ວິຖີລຳ​ນຶ່ງ​ ແລະ​ເຮືອ​ພິຄາດ​ທີ່​ຕິດ​ລູກ​ສອນ​ໄຟນຳ
​ວິຖີ​ລຳ​ນຶ່ງ ຈະ​ຕິດຕາມ​ກຳ​ປັ່ນບັນທຸກ​ເຮືອບິນ​ລຳ​ດັ່ງກ່າວ​ໄປ​ນຳ.

​ໃນ​ຂະນະ​ດຽວ​ກັນ ອົງການ​ຂ່າວ​ຝຣັ່ງ ລາຍ​ງານ​ວ່າ ການ​ໂຈມ​ຕີ​ທາງ​ອາກາດ​ຂອງ​ອີຣັກ
​ບັ້ນ​ນຶ່ງ ໄດ້​ຖືກຂະ​ບວນ​ລົດຂອງ​ກຳລັງ​ຊາວ Kurd ໃນພາກ​ຕາ​ເວັນ​ອອກ​ຂອງ​ອີຣັກ ຊຶ່ງ​
ອາດ​ເປັນຍ້ອນຄວາມ​ເຂົ້າ​ໃຈ​ຜິດ ກໍໄດ້ ​ເຮັດ​ໃຫ້​ພວກ​ນັກ​ຕໍ່ສູ້ 6 ຄົນ​ເສຍ​ຊີວິດ ​ແລະການ​
ຍິງ​ປືນ​ຄົກ​ໃນ​ພາກ​ກາງ​ອີຣັກ ​ໄດ້​ຕົກລົງ​ໃສ່​ສູນເກນ​ພົນລະ​ເຮືອນ ທີ່​ອາສາສະມັກໄປ​
ຊ່ວຍ​ຕໍ່ສູ້​ກັບ​ພວກ​ຫົວ​ຮຸນ​ແຮງ ເຮັດ​ໃຫ້ປະຊາຊົນ 6 ຄົນ​ເສຍ​ຊີວິດ. ແຕ່​ລາຍ​ງານ​ຂ່າວ
​ດັ່ງກ່າວ​ນີ້​ ບໍ່​ໄດ້​ຮັບ​ການ​ຢືນຢັນ​ໃດໆ.
Islamic Militants Advance in Iraq - Civil War Possible
please wait

No media source currently available

0:00 0:03:04 0:00

ພວກ​ຊາວ​ໜຸ່ມ​ອີຣັກ ຫລາຍ​ກຸ່ມໃຫຍ່ໆ ໄດ້​ພາກັນ​ຫລັ່ງ​ໄຫລ​ໄປ​ຍັງ​ສູນເກນອາສາສະມັກ
​ຫຼາຍໆ​ແຫ່ງ​ໃນ​ນະຄອນຫຼວງ​ແບັກ​ແດດ ​ແລະ​ໃນ​ແຫ່ງ​ອື່ນໆ​ອີກ​ ​ເລີ້ມແຕ່​ວັນເສົາວານ​ນີ້ ​
ເພື່ອ​ເຂົ້າ​ຮ່ວມ​ໃນ​ການ​ຕໍ່ສູ້​ກັບ​ພວກ​ມຸສລິ​ມຫົວ​ຮຸນ​ແຮງ ​ທີ່​ໄດ້​ເຄື່ອນ​ເຂົ້າ​ມາ​ໃນທົ່ວ​ພາກ
​ເໜືອ​ຂອງ​ອີຣັກໃນ​ສັບປະດາ​ຜ່ານ​ມາ​ນີ້. ພວກ​ອາສາ​ສະມັກ​ເຫຼົ່າ​ນີ້ ແມ່ນ​ພາກັນ​ຕອບ
ສະໜອງ​ຕໍ່​ຄຳ​ຮຽກຮ້ອງໃຫ້​ປະກອບ​ອາວຸດ ຈາກ​ນັກບວດນິກາຍ​ Shi’ite ທ່ານ
Ayatollah Ali al-Sistani ທີ່​ຜູ້​ຄົນ​ເຄົາລົບ​ນັບຖື​ຫຼາຍ​ທີ່​ສຸດ​ນັ້ນ.

ບັນດາ​ເຈົ້າ​ໜ້າ​ທີ່​ອີຣັກກ່າວ​ວ່າ ກຳລັງ​ຂອງ​ລັດຖະບານ​ຍຶດ​ເອົາ​ດິນ​ແດນ​ຄືນມາ​ໄດ້
​ບາງ​ແຫ່ງ ດ້ວຍ​ການ​ຊ່ອຍ​ເຫຼືອ​ຂອງ​ພວກ​ອາສາ​ສະມັກ.
iraq15june14
please wait
Embed

No media source currently available

0:00 0:01:52 0:00
XS
SM
MD
LG