ລັດຖະບານຂອງປະທານາທິບໍດີ ບາຣັກ ໂອບາມາກ່າວວ່າ
ຕົນຈະສືບຕໍ່ ດຳເນີນຄວາມພະຍາຍາມ ເພື່ອຈັດຕັ້ງ
ປະຕິບັດການຫ້າມບໍ່ໃຫ້ເຈາະນໍ້າມັນໃນ ເຂດນໍ້າເລິກ
ເປັນເວລາ 6ເດືອນ ເຖິງແມ່ນໄດ້ມີການຕັດສິນຂອງ
ສານກໍຕາມ.
ໃນມື້ວານນີ້ ຜູ້ພິພາກສາຄົນນຶ່ງຂອງລັດຖະບານກາງ
ສະຫະລັດໄດ້ຕ່າວປີ້ນ ຄຳສັ່ງຫ້າມຂອງລັດຖະບານ
ໂດຍເວົ້າວ່າ ມັນກວ້າງຂວາງເກີນໄປ.
ທຳນຽບຂາວກ່າວວ່າ ຕົນຈະຂໍອຸທອນຕໍ່ການຕັດສິນ
ດັ່ງກ່າວ. ລັດຖະມົນຕີກະຊວງແຫລ່ງສັບພະຍາກອນທຳມະຊາດຂອງສະຫະລັດ
ທ່ານ KEN SALAZARກ່າວວ່າ ທ່ານມີແຜນການທີ່ຈະອອກຄຳສັ່ງໃໝ່ສະບັບນຶ່ງ
ທີ່ມີລາຍລະອຽດເພີ້ມຂຶ້ນ ເພື່ອສະໜັບສະໜຸນຕໍ່ຄຳສັ່ງຫ້າມດັ່ງກ່າວ ພາຍໃນສອງສາມ
ມື້ຂ້າງໜ້ານີ້.
ປະທານາທິບໍດີໂອບາມາໄດ້ອອກຄຳສັ່ງຫ້າມກ່ຽວກັບເລື່ອງນີ້ໃນວັນທີ 27 ພຶດສະພາ
ຜ່ານມາ ເພື່ອເປັນການຕອບຮັບຕໍ່ເຫດລະເບີດແລະອັກຄີໄພທີ່ເຮັດໃຫ້ ມີຜູ້ເສຍຊີວິດ
11 ຄົນ ຢູ່ທີ່ຖານເຈາະນໍ້າມັນ ແລະເປັນເຫດໃຫ້ມີນໍ້າມັນຮົ່ວໄຫຼຂະໜາດໃຫຍ່ ໃນບໍລິ
ເວນອ່າວເມັກຊິໂກນັ້ນ.
ເປັນທີ່ຄາດກັນວ່າ ໃນວັນພຸດມື້ນີ້ ຄະນະອະນຸກຳມະການຂອງສະພາສູງ ສະຫະລັດ
ຈະຮັບຟັງຄຳໃຫ້ການ ຂອງຫົວໜ້າຜະແນກການໃໝ່ທີ່ຮັບຜິດຊອບ ກ່ຽວກັບການເຈາະ
ນໍ້າມັນແລະແກັສທຳມະຊາດ ຢູ່ນອກແຄມຝັ່ງທະເລຂອງສະຫະລັດ.
