ນ້ຳມັນທີ່ຮົ່ວໄຫຼໃນບໍລິເວນອ່າວເມັກຊິໂກ ພວມໄຫລເຂົ້າໄປ
ໃກ້ລັດຟລໍຣິດາ ຂະນະທີ່ບໍລິສັດນ້ຳມັນຍັກໃຫຍ່ບີພີຍັງ
ສືບຕໍ່ດີ້ນຮົນເພື່ອຊອກຫາຊ່ອງທາງ ຄວບຄຸມການຮົ່ວໄຫລ
ຂອງນ້ຳມັນຢູ່. ການຄາດຄະເນເທື່ອລ່າສຸດ ສະແດງໃຫ້
ເຫັນວ່າ ນ້ຳມັນທີ່ຮົ່ວ ຍັງຢູ່ຫ່າງຈາກຫາດຊາຍຂອງລັດ
ຟລໍຣິດາ ແຕ່ພຽງ 11 ກິໂລແມັດທໍ່ນັ້ນ.
ການດຳເນີນຄວາມພະຍາຍາມເທື່ອລ່າສຸດຂອງບໍລິສັດບີພີ
ເພື່ອຄວບຄຸມ ການຮົ່ວໄຫຼຂອງນ້ຳມັນໃນມື້ວານນີ້ໄດ້ປະສົບ
ກັບບັນຫາ ເວລາເລື່ອຍທີ່ໃຊ້ໃນ ການຕັດທໍ່ທີ່ແຕກ ໄດ້ຄາ
ຢູ່ກັບທໍ່ ໃຊ້ເວລາຫຼາຍຊົ່ວໂມງ ຈຶ່ງເອົາອອກມາໄດ້.
ມີການຮຽກຮ້ອງເພີ້ມຂຶ້ນໃຫ້ລັດຖະບານສະຫະລັດ ກົດດັນໃຫ້ບໍລິສັດບີພີ ຢຸດຕິວິກິດການ
ທີ່ໄດ້ກາຍເປັນການຮົ່ວໄຫຼຂອງນ້ຳມັນທີ່ໃຫຍ່ທີ່ສຸດເທົ່າທີ່ເຄີຍ ມີມາໃນປະວັດສາດຂອງ
ສະຫະລັດ. ບໍລິສັດບີພີໄດ້ດຳເນີນການຕ່າງໆເພື່ອຄວບ ຄຸມການຮົ່ວໄຫຼຂອງນ້ຳມັນ
ມາໄດ້ດົນກວ່ານຶ່ງເດືອນແລ້ວ.
ນ້ຳມັນຮົ່ວທີ່ໄຫຼໄປເຖິງແຄມຝັ່ງຂອງລັດ LOUISIANA, ALABAMA ແລະ
MISSISSIPPI ພວມເປັນໄພຂົ່ມຂູ່ຕໍ່ຊີວິດຂອງພືດແລະສັດ ຕລອດທັງ ການຄ້າຢູ່ໃນ
ເຂດດັ່ງກ່າວ. ຮູບຖ່າຍທາງດາວທຽມຂອງມະຫາວິທະຍາໄລ ໄມ ອາມີ ໃນມື້ວານນີ້
ສະແດງໃຫ້ເຫັນວ່າ ນ້ຳມັນທີ່ຮົ່ວ ໃນປັດຈຸບັນນີ້ ມີຂະໜາດ ໃຫຍ່ເກືອບທໍ່ກັນກັບລັດ
MARYLAND ຄືເນັ່ງກວມບໍລິເວນທີ່ກວ້າງກວ່າ 24 ພັນກິໂລແມັດມົນທົນໃນ ອ່າວເມັກຊິໂກ.
