ຫົວໜ້າບໍລິຫານບໍລິສັດນ້ຳມັນຍັກໃຫຍ່ BP ກ່າວວ່າ ຍຸດທະສາດທ່ີສຳຄັນຂອງບໍລິສັດເພື່ອຄວບຄຸມບໍ່ໃຫ້ນ້ຳມັນ ຮົ່ວໄຫລອອກມາຢ່າງຂະ
ໜານໃຫຍ່ໃນອ່າວເມັກຊິໂກນັ້ນບໍ່ສຳເລັດຜົນ.ແຕ່ທ່ານ Doug Suttles ກ່າວວ່າ ທາງບໍລິສັດຈະສືບຕໍ່ຊອກຫາຊ່ອງທາງອັນນຶ່ງເພື່ອປິດບໍ່
ນ້ຳມັນນັ້ນໄວ້ໂດຍໃຊ້ເຄື່ອງອັນນຶ່ງຢ່ອນລົງໄປປິດບໍ່ນ້ຳມັນໃນພື້ນທະເລໃນວັນເສົາວານນີ້. ພວກທ່ີໄປອາບນ້ຳຕາມແຄມທະເລໄດ້ພົບເຫັນ
ນ້ຳມັນດິບເປັນຢາງທ່ີເປັນກ້ອນຟູຢູ່ເທິງໜ້ານ້ຳໃນເຂດເກາະ Dauphin ນອກຝັ່ງທະເລລັດLouisianaໃນພາກໃຕ້ຂອງສະຫະລັດໃນວັນເສົາ
ວານນີ້. ເວລານີ້ກຳລັງມີການທົດສອບກັນເບິ່ງວ່າກ້ອນຢາງດິບທ່ີວ່ານີ້ແມ່ນມາຈາກນ້ຳມັນຮົ່ວໄຫລນັ້ນຫລືບໍ?. ນ້ຳມັນຮົ່ວໄຫລນີ້ ໄດ້ໄຫລເຂົ້າ
ໄປຮອດບ່ອນຢູ່ອາໄສທ່ີສະຫງວນໄວ້ໃຫ້ ພວກສັດປ່າຢູ່ນອກເກາະ Chande-leur ນອກຝັ່ງທະເລຂອງລັດ Louisiana ໃນພາກໃຕ້ຂອງສະ
ຫະລັດນັ້ນ. ໃນບັນດາຄວາມພະຍາຍາມອື່ນໆອີກຂອງບໍລິສັດ BP ເພື່ອຄວມຄຸມການຮົ່ວໄຫລຂອງນ້ຳມັນດິບຈຳນວນຫລາຍແສນລິດໃນແຕ່
ລະມື້ນັ້ນ ທາງບໍລິສັດກຳລັງເຈາະບໍ່ບັນເທົາຊົ່ວຄາວແຫ່ງນຶ່ງເພື່ອປ້ຳນ້ຳມັນທ່ີຮົ່ວໄຫລອອກມາໄປເກັບມ້ຽນໄວ້ໃນອ່າງນັ້ນ. ແຕ່ບໍລິສັດ BP ກ່າວ
ວ່າການເຈາະບໍ່ບັນເທົາທ່ີວ່າຈະໃຊ້ເວລາປະມານ 3 ເດືອນຈຶ່ງຈະສຳເລັດ.ນ້ຳມັນຮົ່ວໄຫລທ່ີວ່ານີ້ໄດ້ເລີ້ມຂຶ້ນມາຫລັງຈາກແທ່ນເຈາະນ້ຳມັນແຫ່ງ
ນຶ່ງລະເບີດຂຶ້ນໃນວັນທີ 20 ເມສາເດືອນແລ້ວນີ້ ແລະໄດ້ເຮັດໃຫ້ພວກພະນັກງານເສຍຊີວິດໄປ11 ຄົນໃນອ່າວເມັກຊິໂກນັ້ນ.
