ເຈົ້າໜ້າທີ່ສະຫະລັດ ໄດ້ຢືນຢັນເຖິງການຕາຍຂອງຕົວປະກັນ
ຊາວອາເມຣິກັນ ທ້າວ Abdul-Rahman Kassing ໃນອັນທີ່
ປະທານາທິບໍດີສະຫະລັດ ທ່ານ ບາຣັກ ໂອບາມາ ເອີ້ນວ່າ
“ເປັນການກະທຳທີ່ແລວຮ້າຍ ສາມານແທ້ໆ” ໂດຍພວກກຸ່ມລັດ
ອີສລາມ.
ທ່ານ ໂອບາມາ ໄດ້ກ່າວໃນວັນອາທິດວານນີ້ ຢູ່ເທິງເຮືອບິນ
Air Force 1 ຫຼືເຮືອບິນກອງທັບອາກາດ 1 ຂອງສະຫະລັດວ່າ
ກຸ່ມລັດອີສລາມ ໄດ້ສະແດງ “ການສັງຫານບັນດາຜູ້ບໍລິສຸດ”
ຊຶ່ງຮວມທັງ ຊາວມຸສລິມ ແລະການຕົກລົງໃຈ ອັນພຽງເພື່ອ
ສະແດງໃຫ້ເຫັນການຕາຍຢ່າງບໍ່ຢຸດຍັ້ງ ແລະການລ້າງຜານ.
ລັດຖະມົນຕີປ້ອງກັນປະເທດທ່ານ Chuck Hagel ໄດ້ບອກກັບພວກນັກຂ່າວວ່າ ວ່າ ທ້າວ Kassing ໄວ 26 ປີ ອະດີດທະຫານໜ່ວຍກ້າຕາຍ ຫຼື Ranger ໄດ້ມີ “ແນວຄິດແລະຄຸນທຳທິພິເສດ” ຊຶ່ງໄດ້ໃຊ້ແນວຄິດທີ່ວ່ານີ້ ຊ່ອຍເຫຼືອຜູ້ອື່ນ ທີ່ມີຄວາມຈຳເປັນນັ້ນ “ຊຶ່ງມັນໄດ້ໃຫ້ເອົາຊີວິດຂອງຜູ້ກ່ຽວເຂົ້າແລກ.”
ທ່ານ Hagel ໄດ້ກ່າວວ່າ ສະຫະລັດ ນັ້ນໄດ້ໃຫ້ຄຳສັນຍາ ຄ້ຳປະກັນເພື່ອທີ່ຈະເອົາຊະນະກຸ່ມລັດອີສລາມ ໂດຍກ່າວວ່າ “ບໍ່ມີຜູ້ໃດຕ້ອງການທີ່ຈະຢູ່ໃນໂລກທີ່ຂາດຄວາມມີມະນຸດສະທຳ
ແລະປ່າເຖືອນສາຫັດ ແບບນີ້ ແລະພວກເຮົາທັງໝົດແມ່ນເປັນມະນຸດທີ່ມີຄວາມຮັບ ຜິດຊອບ ທີ່ໃຫ້ແນ່ໃຈວ່າບໍ່ຄວນຈະເກີດຂຶ້ນໃຫ້ເຫັນ. ມັນເປັນສິ່ງທີ່ລຳບາກຍາກຍິ່ງ ແຕ່ວ່າພວກເຮົາຈະເອົາຊະນະມັນໃຫ້ໄດ້. ”
ທ້າວ Kassing ໄດ້ຖືກຈັບປະມານ 13 ເດືອນ ແລ້ວນີ້ ໃນຂະນະທີ່ໄດ້ປະຕິບັດໜ້າທີ່ເຮັດ
ວຽກ ສັງຄົມສົງເຄາະ ທາງດ້ານມະນຸດສະທຳ ໃນເຂດສົງຄາມ ໃນຊີເຣຍ.
ກຸ່ມຫົວຮຸນແຮງ ລັດອິສລາມ ຕັດຫົວ ຄົນອາເມຣິກັນ
