ຍອດຂາຍຂອງອຸປະກອນທາງທະຫານ ສະຫະລັດ ໃຫ້ລັດຖະບານຕ່າງປະເທດ ໄດ້
ເພີ່ມຂຶ້ນ 33 ເປີເຊັນໃນປີນີ້, ລວມທັງໝົດ 55.6 ຕື້ໂດລາ, ໂຄສົກຂອງກະຊວງປ້ອງ
ກັນປະເທດ ໄດ້ຢືນຢັນຕໍ່ອົງການຂ່າວວີໂອເອ ໃນວັນອັງຄານວານນີ້.
ການຂະຫຍາຍຕົວອາດມີສ່ວນມາຈາກແຜນຍຸດທະສາດ “ຊື້ຂອງອາເມຣິກາ” ໂດຍປະ
ທານາທິບໍດີ ສະຫະລັດ ທ່ານ ດໍໂນລ ທຣຳ, ເຊິ່ງໄດ້ໂຍະຍານກົດລະບຽບຕ່າງໆທີ່ຄວບ
ຄຸມການຂາຍອາວຸດທີ່ຜະລິດໃນ ສະຫະລັດ ໃຫ້ປະເທດອື່ນໆ ໃນເວລາຂອງການກໍ່ຈະ
ລາຈົນໃນຕ່າງປະເທດ ແລະ ການໃຊ້ຈ່າຍສຳລັບການປ້ອງກັນປະເທດເພີ່ມຂຶ້ນໃນທົ່ວ
ໂລກ.
ທ່ານ ໄມເຄິລ ໂອແຮນລັອນ ຈາກສະຖາບັນ ບຣຸກຄິງສ໌ ໄດ້ກ່າວຕໍ່ວີໂອເອວ່າ “ການທີ່
ພາກພື້ນຕາເວັນອອກກາງຍັງຄົງວຸ້ນວາຍ, ແລະ ການໃຊ້ຈ່າຍທາງທະຫານຂອງພັນທະ
ມິດທີ່ສຳຄັນຂອງ ສະຫະລັດ ພ້ອມກັບ ອິນເດຍ ແລະ ປະເທດອື່ນໆໄດ້ເພີ່ມຂຶ້ນນັ້ນ, ປະ
ເທດນຶ່ງບາງເທື່ອຄາດວ່າ ຈະຂະຫຍາຍການໃຊ້ຈ່າຍຂຶ້ນເຖິງ 10 ເປີເຊັນ ອີງຕາມການ
ຄາດການເທົ່ານັ້ນ.”
ພາກສ່ວນທີ່ສຳຄັນຂອງແຜນການນີ້ແມ່ນການຕັດແຖບຜ້າສີແດງ ເພື່ອອະນຸຍາດໃຫ້
ຫຼາຍປະເທດ ຊື້ວັດຖຸທີ່ອັນຕະລາຍ ແລະຫຼາຍຂຶ້ນຈາກຜູ້ຮັບເໝົາກອງທັບ ສະຫະລັດ.
ກົດລະບຽບການສົ່ງອອກອຸປະກອນ ນັບຈາກເຮືອບິນລົບ ແລະ ເຮືອບິນບໍ່ມີຄົນຂັບຫາ
ກຳປັ່ນລົບ ພ້ອມກັບປືນໃຫຍ່ ແມ່ນໄດ້ຖືກໂຍະຍານລົງ.
ເຈົ້າໜ້າທີ່ລັດຖະບານຫຼາຍຄົນໄດ້ໂຕ້ຖຽງວ່າ ຍອດຂາຍດັ່ງກ່າວປົກປ້ອງຜົນປະໂຫຍດ
ຂອງ ສະຫະລັດ ເຊິ່ງເຮັດໃຫ້ພັນທະມິດຂອງເຂົາເຈົ້າສາມາດປ້ອງກັນຕົນເອງໄດ້ດີກວ່າ
ເກົ່າ, ແລະ ຫຼຸດການມີສ່ວນຮ່ວມຂອງ ອາເມຣິກາ ໃຫ້ໜ້ອຍລົງ.
ນັກເສດຖະສາດ ທຳນຽບຂາວ ທ່ານ ປີເຕີ ນາວາໂຣ ເຊິ່ງແມ່ນຜູ້ຊ່ຽວຊາຍຄົນສຳຄັນ
ໃນແຜນການດັ່ງກ່າວ ໄດ້ເວົ້າໃນເດືອນເມສາ ທີ່ຜ່ານມາວ່າ “ບັນດາຄູ່ຮ່ວມຜູ້ທີ່ໄດ້ຊື້ອາ
ວຸດຂອງ ອາເມຣິກາ ແມ່ນມີຄວາມສາມາດ ໃນການຕໍ່ສູ້ຄຽງຂ້າງກັບພວກເຮົາ ແລະ
ໃນທີ່ສຸດກໍມີຄວາມສາມາດຫຼາຍຂຶ້ນໃນການປົກປ້ອງຕົນເອງ ໂດຍມີທະຫານ ອາເມຣິ
ກັນ ຊ່ວຍເຫຼືອຢູ່ພື້ນດິນໜ້ອຍກວ່າເກົ່າ.”
ວິທີການໃໝ່ໄດ້ເຮັດໃຫ້ເຈົ້າໜ້າທີ່ລັດຖະບານຫຼາຍຄົນ, ລວມທັງປະທານາທິບໍດີ, ປະຕິ
ບັດການໃກ້ຊິດກວ່າເກົ່າ ກັບຂໍ້ຕົກລົງຂາຍອາວຸດ ລະຫວ່າງ ຜູ້ຮັບເໝົາ ແລະ ລັດຖະ
ບານຕ່າງປະເທດ.