ລິ້ງ ສຳຫລັບເຂົ້າຫາ

site logo
ວັນພຸດ, 25 ພຶດສະພາ 2022

ຈີນ ກ່າວໂຈມຕີ ຕໍ່ການທີ່ ສຫລ ສົ່ງເຮືອລົບ ເຂົ້າໄປໃກ້ໆ ໝູ່ເກາະ ທີ່ຈີນອ້າງເອົາກຳມະສິດ


China Slams US for Sending Warship Near Disputed Islands
please wait

No media source currently available

0:00 0:00:41 0:00

ຊົມວີດີໂອ ລາຍງານນີ້

ຈີນ ໄດ້ກ່າວ​ໂຈມ​ຕີ ຕໍ່ການ​ທີ່ສະຫະລັດ ສົ່ງເຮືອລົບ ​ເຂົ້າໄປ
ໃກ້ໆໝູ່ເກາະຫິນປະກາລັງ ໃນທະເລຈີນໃຕ້ ທີ່ປັກກິ່ງໄດ້ອ້າງ
ເອົາກຳມະສິດນັ້ນ ໃນຂະນະດຽວກັນ ວໍຊິງຕັນ ກໍໄດ້ໃຫ້ຄຳ
ສັນຍາວ່າ ຈະດຳເນີນ ພາລະກິດການລາດຕະເວນ​ ໃນ​ທຳ
ນອງ​ນີ້ ຫຼາຍຂຶ້ນອີກ.

ກະຊວງການຕ່າງປະເທດຈີນ ກ່າວໃນວັນພຸດມື້ນີ້ ວ່າ ຕົນໄດ້
ຮຽກຕົວ ທ່ານ Max Baucus ເອກອັກຄະລັດຖະທູດ ສະຫະລັດ
ປະຈຳຈີນ ​ເຂົ້າ​ພົບ ເພື່ອຍື່ນໜັງສືປະທ້ວງ ຢ່າງເປັນທາງການ
ກ່ຽວ​ກັບເຫດການໃນວັນອັງຄານວານນີ້ ຊຶ່ງເປັນການທ້າທາຍ
ທີ່​ກ້າຫານ​ທີ່​ສຸດ ຂອງສະ ຫະລັດ ຕໍ່ການອ້າງເອົາກຳມະສິດ​
ໃນເຂດນ້ຳແດນດິນຂອງຈີນ ທີ່ເປັນບັນຫາ​ໂຕ້ຖຽງກັນ ກັບປະເທດອື່ນໆ ນັ້ນ.

ຮອງລັດຖະມົນຕີຕ່າງປະເທດຈີນທ່ານ Zhang Yesui ເວົ້າວ່າ “ການ ກະທຳ ຂອງ
ສະຫະລັດນີ້ ເປັນໄພຂົ່ມຂູ່ຕໍ່ອະທິປະໄຕແລະຜົນປະໂຫຍດ ດ້ານ​ຄວາມ​ໝັ້ນຄົງ ແລະ
ເປັນໄພອັນຕະລາຍ ຕໍ່ຄວາມປອດໄພຂອງພະນັກງານ ແລະ ສະຖານທີ່​ຕ່າງໆ ທີ່ຢູ່​
ເທິງ​ເກາະຫິນປະກາລັງ ຊຶ່ງເປັນການທ້າ​ທາຍເກາະຜິດທີ່ຮ້າຍແຮງນັ້ນ.”

ບົດບັນນາທິການ ບົດນຶ່ງ ໃນໜັງສືພິມ Global Times ຂອງທາງການຈີນ ກ່າວວ່າ
ພາລະກິດການລາດຕະເວນຂອງ​ສະຫະລັດ ​ແມ່ນ ​ເທົ່າ​ກັບ​ເປັນ “ການຮາວີ​ລົບ​ກວນ”
ແລະ ຮຽກຮ້ອງໃຫ້ລັດຖະບານຈີນ ເອົາບາດກ້າວ ທີ່ສະແດງໃຫ້ສະຫະລັດ ເຫັນວ່າ
“ຕົນບໍ່ຢ້ານທີ່ຈະ​ເຮັດ ສົງຄາມກັບສະຫະລັດ.”

ເຮືອ​ພິຄາດ ​ລູກ​ສອນ​ໄຟ​ນຳ​ວິຖີ​ ຂອງ ສະຫະລັດ USS Lassen ເດີນທາງເຂົ້າໄປມະຫາສະໝຸດ ປາຊີຟິກ ໃນຮູບທີ່ຖືກເຜີຍແຜ່ໂດຍ ກອງທັບເຮືອ ສະຫະລັດ ເມື່ອເດືອນພະຈິກ 2009.
ເຮືອ​ພິຄາດ ​ລູກ​ສອນ​ໄຟ​ນຳ​ວິຖີ​ ຂອງ ສະຫະລັດ USS Lassen ເດີນທາງເຂົ້າໄປມະຫາສະໝຸດ ປາຊີຟິກ ໃນຮູບທີ່ຖືກເຜີຍແຜ່ໂດຍ ກອງທັບເຮືອ ສະຫະລັດ ເມື່ອເດືອນພະຈິກ 2009.

ບົດບັນນາທິການ ເວົ້າອີກວ່າ “ກ່ອນອື່ນ ພວກເຮົາຄວນຕິດຕາມເບິ່ງ ພວກເຮືອລົບ
ສະຫະລັດ. ຖ້າພວກເຂົາ ແທນທີ່ຈະຜ່ານໄປແຕ່​ກັບຢຸດຢູ່ ເພື່ອປະຕິບັດການຕໍ່ໄປ
ມັນກໍມີຄວາມຈຳເປັນ ສຳຫລັບພວກເຮົາ ເປີດການແຊກແຊງດ້ານອີເລັກໂທນິກ ແລະ
ແມ່ນກະທັງສົ່ງສຽງອອກໄປເຖິງ ພວກເຮືອລົບນັ້ນ ​ເລັງພວກເຂົາໄວ້ ​ໃນລະບົບຄວບ ຄຸມການຍິງດ້ວຍເຣດາ ແລະສົ່ງພວກເຮືອລົບ​ບິນ​ຂຶ້ນ​ເຕືອນ.”
ຄຳເຫັນຂອງ​ໜັງສືພິມນີ້
ໂດຍທົ່ວໄປແລ້ວ ແມ່ນສະທ້ອນໃຫ້ເຫັນເຖິງທັດສະນະຂອງລັດຖະບານຈີນ.

ເຈົ້າໜ້າທີ່ປ້ອງກັນປະເທດທ່ານນຶ່ງຂອງ​ສະຫະລັດ ກ່າວໃນວັນອັງຄານວານນີ້ວ່າ ມັນຄື
ກັບວ່າ ກອງທັບເຮືອສະຫະລັດ ຈະທຳການລາດຕະເວນ ຫຼາຍຂຶ້ນຕື່ມ ໃນບໍລິເວນດັ່ງກ່າວ.
ໂດຍການຖະແຫລງກັບວີໂອເອ ເຈົ້າ ໜ້າທີ່ດັ່ງກ່າວທີ່​ບໍ່ປະສົງອອກ​ຊື່ເວົ້າວ່າ “ອັນນີ້ຈະບໍ່
ເປັນເທື່ອສຸດທ້າຍ.”

US China Sea
please wait
Embed

No media source currently available

0:00 0:00:06 0:00

ເບິ່ງຄວາມເຫັນ (3)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ທ່ານອາດຈະມັກເລື້ອງນີ້ຄືກັນ

XS
SM
MD
LG