ຮອງລັດຖະມົນຕີຕ່າງປະເທດສະຫະລັດ ທ່ານນາງ Catherine Novelli ໄດ້ພົບປະກັບບັນດາຜູ້ນຳຂັ້ນສູງຂອງກຳປູເຈຍ ທີ່ນະຄອນຫລວງພະນົມເປັນ ໃນວັນສຸກແລ້ວນີ້ລະ
ຫວ່າງ ການຢ້ຽມຢາມປະເທດດັ່ງກ່າວເປັນເວລາສາມວັນ ໂດຍ ໄດ້ປຶກສາຫາລືກ່ຽວກັບຫລາຍໆບັນຫາ ຮວມທັງ ການຕັດໄມ້ທຳລາຍປ່າ ການ ລົງທຶນດ້ານດິນຟ້າອາກາດ ພະລັງງານ ແລະເທັກໂນໂລຈີ.
ທ່ານນາງ Novelli ຍັງໄດ້ຫາລືກ່ຽວກັບຄວາມເປັນໄປໄດ້ທີ່ວ່າ ກຳປູເຈຍອາດເຂົ້າຮ່ວມຂໍ້ຕົກລົງການຄ້າພາຄີຂ້າມມະຫາສະມຸດປາຊີຟິກ ຫຼື TPP ທີ່ນຳພາ ໂດຍສະຫະລັດ ແລະຍັງເປັນບັນຫາໂຕ້ແຍ້ງ ລະຫວ່າງບັນດາປະເທດໃນເຂດ ແຄມຝັ່ງມະຫາສະມຸດປາຊິຟິກ.
ການຢ້ຽມຢາມດັ່ງກ່າວນີ້ ມີຂຶ້ນສີ່ເດືອນ ຫລັງຈາກລັດຖະມົນຕີຕ່າງປະເທດ ທ່ານ John Kerry ໄດ້ເດີນທາງໄປປະເທດເອເຊຍອາຄະເນດັ່ງກ່າວ ທ່ານນາງ Novelli ໄດ້ພົບກັບລັດຖະມົນຕີສິ່ງແວດລ້ອມ ທ່ານ Say Sam Al ແລະ ລັດຖະມົນຕີກະສິກຳ ທ່ານ Ouk Rabun ພ້ອມດ້ວຍບັນດາເຈົ້າໜ້າທີ່ຊັ້ນສູງດ້ານຄົມມະນາຄົມ ບັນດານັກຂ່າວ ແລະບັນດາເຈົ້າຂອງບໍລິສັດເທັກໂນຈີ.
ທ່ານນາງໄດ້ກ່າວໃນການພົບປະກັບບັນດານັກຂ່າວລະຫວ່າງການຢ້ຽມຢາມວ່າ “ພວກເຮົາຄິດວ່າສາຍພົວພັນດ້ານເສດຖະກິດຂອງພວກເຮົາ ມີຄວາມເຂັ້ມແຂງໃນຈຳນວນ 3 ພັນລ້ານໂດລາ ໃນການຄ້າສອງທາງ ແລະພວກເຮົາເປັນຄູ່ປະເທດສຸດຍອດກັບກຳປູເຈຍເມື່ີອເວົ້າເຖິງເລື້ອງການຄ້າ.”
“ພວກເຮົາຕ້ອງການຢາກເສີມຂະຫຍາຍໃນເລື້ອງນີ ບາງທີສະຫລຸບສົນທິສັນຍາ ການລົງ
ທຶນສອງຝ່າຍ ພ້ອມທັງຊອກຫາຊ່ອງທາງປະຕິບັດງານຮ່ວມກັນໃນບັນ ຫາທີ່ມີຢູ່ ທີ່ສາມາດເຮັດໃຫ້ສາຍສຳພັນຂອງພວກເຮົາແໜ້ນແຟ້ນ ແລະຊ່ວຍນຳ ພາກຳປູເຈຍໄປສູ່ອີກລະດັບນຶ່ງ.”
ທ່າມກາງຄວາມເຄັ່ງຕຶງທາງດ້ານການເມືອງຢູ່ໃນປະເທດດັງ່ກາວ ທ່ານນາງ Novelli ກ່າວວ່າ ລັດຖະບານທີ່ນຳພາໂດຍນາຍົກລັດຖະມົນຕີ Hun Sen ຈຳເປັນຕ້ອງໄດ້ດຳເນີນການເພີ້ມຕື່ມ ເພື່ອຄໍ້າປະກັນສະຖຽນລະພາບທາງດ້ານການເມືອງ ເພື່ອບໍ່ສ້າງຄວາມເສຍຫາຍຕໍ່ການລົງທືນ.
