ພວກປະທ້ວງ ຕະຫຼາດຄ້າຮຸ້ນ ຫລາຍສິບຄົນ ຖືກຈັບ (ວີດີໂອກັບສະໄລດ໌)

໑໘,໐໙,໒໐໑໒

ພວກປະທ້ວງຕໍ່ຕ້ານຕະຫຼາດຄ້າຮຸ້ນຫຼື Occupy Wall Street
ຫລາຍສິບຄົນໄດ້ຖືກຈັບ ຢູ່ໃກ້ໆກັບຕະຫຼາດຮຸ້ນນະຄອນ
ນິວຢອກ ໃນຂະນະທີ່ມີການປະທ້ວງຄົບຮອບນຶ່ງປີຂອງ
ຂະບວນການດັ່ງກ່າວ.

ຫລາຍຮ້ອຍຄົນພາກັນເຕົ້າໂຮມກັນຢູ່ໃນເຂດໃຈກາງ ຄຸ້ມການເງິນຂອງນະຄອນນິວຢອກ ໃນວັນຈັນວານນີ້. ເຈົ້າໜ້າທີ່ຕໍາຫລວດໄດ້ຈັບກຸມພວກປະທ້ວງຈຸນຶ່ງ ທີ່ພາກັນນັ່ງລົງຢູ່ຂ້າງຖະໜົນ ທາງເຂົ້າຕະຫຼາດຄ້າຮຸ້ນ.

ພວກປະທ້ວງຕະຫຼາດຮຸ້ນໄດ້ຮຽກຮ້ອງໃຫ້ບັນດາຜູ້ສະໜັບ
ສະໜູນເຕົ້າໂຮມກັນຢູ່ນອກຕະຫຼາດຄ້າຮຸ້ນແລະລົບກວນ
ການສັນຈອນໄປມາຢູ່ໃນເຂດດັ່ງກ່າວ. ບັນດາຜູ້ນໍາພາການ
ປະທ້ວງກ່າວວ່າ ການປະທ້ວງທີ່ວ່ານີ້ ຈັດຂຶ້ນເພື່ອສ້າງຄວາມກ້າວໜ້າໃຫ້ແກ່ເປົ້າໝາຍ “ເພື່ອໃຫ້ໂລກມີຄວາມຍຸຕິທຳແລະໝັ້ນຄົງ."

ຂະບວນການພວກປະທ້ວງຕໍ່ຕ້ານ Wall Street ໄດ້ເລີ້ມຂື້ນມາເມື່ອນຶ່ງປີກ່ອນ ໃນຂະນະທີ່ການປະທ້ວງຕໍ່ອັນທີ່ຮ້ອງວ່າ ເປັນຄວາມເຫັນແກ່ໂຕຂອງລະບົບບໍລິສັດ ແລະ
ຄວາມບໍ່ສະເໝີພາບທາງດ້ານເສດຖະກິດ ຢູ່ໃນສະຫະລັດ.

ບັນດານັກເຄື່ອນໄຫວໄດ້ເລີ້ມການປະທ້ວງຂອງເຂົາເຈົ້າໃນວັນທີ່ 17 ເດືອນ ກັນຍາ ປີກາຍນີ້ ແລະໄດ້ຕັ້ງຄ້າຍຢູ່ໃກ້ສວນສາທາລະນະ ແລະເພື່ອສົນທະນາການພະຍາຍາມຂອງເຂົາເຈົ້າ. ການເຄື່ອນໄຫວດັ່ງກ່າວແມ່ນໄດ້ເກີດຂຶ້ນຊໍ້າ ອີກຢູ່ຕາມຫົວເມືອງຕ່າງໆໃນທົ່ວປະເທດ ຮວມທັງ ວໍຊິງຕັນ ແລະ ເມືອງອົກແລນ.

ພວກປະທ້ວງ ໄດ້ຊຸກຍູ້ໃຫ້ມີການປະຕິຮູບໃນຂອບເຂດທີ່ກວ້າງຂວາງ ຮວມທັງທະນາຄານ ການໃຫ້ເງິນສະໜັບສະໜຸນໃນການຫາສຽງ ແລະບັນຫາສິ່ງແວດລ້ອມ.

ຂະບວນການ ຄອບຄອງ ຕະຫລາດຮຸ້ນ ທໍາການປະທ້ວງ ຄົບຮອບນຶ່ງປີ

1/10 ພວກປະທ້ວງພາກັນຮ້ອງໂຮຄໍາຂວັນ ໃນລະຫວ່າງການເດີນຂະບວນ Occupy Wall Street ຢູ່ນະຄອນນິວຢອກ, ລັດນິວຢອກ, ວັນທີ 17 ກັນຍາ 2012.

2/10 ນາງ Anna Roblin ຖືກຈັບ ໃນລະຫວ່າງການເດີນຂະບວນປະທ້ວງຕະຫລາດຮຸ້ນ ຢູ່ນະຄອນນິວຢອກ, ລັດນິວຢອກ, ວັນທີ 17 ກັນຍາ 2012.

3/10 ຕໍາຫລວດຈັບຜູ້ປະທ້ວງຄົນນຶ່ງໄປ ໃນລະຫວ່າງການປະທ້ວງ ຢູ່ຕໍ່ໜ້າຕະຫລາດຮຸ້ນ Wall Street ທີ່ນະຄອນນິວຢອກ, ລັດນິວຢອກ, ວັນທີ 17 ກັນຍາ 2012.

4/10 ຜູ້ຄົນພາກັນຊົມການສະແດງດົນຕີ ເນື່ອງໃນວັນຄົບຮອບນຶ່ງປີ ຂອງຂະບວນການ Occupy Wall Street ຢູ່ຈະຕຸລັດ Foley Square ໃນນະຄອນ New York, ວັນທີ 16 ກັນຍາ 2012.

5/10 ທ້າວ Wes Ketz ກັບໝູ່ ນອນຟັງການສະແດງດົນຕີ ຢູ່ຈະຕຸລັດ Foley Squareຢ່າງສະບາຍ, ວັນທີ 16 ກັນຍາ 2012.

6/10 ທ້າວ Nathaniel Katz, ຊ້າຍ, ກັບນາງ Valentina Curandi ເປ້ຫ້ອງສະມຸດເຄື່ອນທີ່ໄປຟັງເບິ່ງຄອນເສີຕ ໃນວັນຄົບຮອບນຶ່ງປີຂອງການປະທ້ວງຕໍ່ຕ້ານ Wall Street ຢູ່ຈະຕຸລັດ Foley Square ໃນ New York, ວັນທີ 16 ກັນຍາ 2012.

7/10 This image taken by expedition doctor Andrew Peacock of www.footloosefotography.com shows a helicopter from the nearby Chinese icebreaker Xue Long picking up the first batch of passengers from the stranded Russian ship MV Akademik Shokalskiy in Antarctica.

8/10 ທ້າວ Barry Knight ນັກເຄື່ອນໄຫວຄົນນຶ່ງຂອງຂະບວນການຄອບຄອງນະຄອນຫລວງວໍຊິງຕັນ ຫລື Occupy DC ໃຊ້ຈັກພິມດີດແບບເກົ່າ ຂຽນລາຍງານຂອງລາວ ໃນລະຫວ່າງການປະທ້ວງຂອງຂະບວນການ Occupy Wall Street ຢູ່ສວນສາທາລະນະ Washington Square, ທີ່ New York, ວັນທີ 15 ກັນຍາ 2012.

9/10 ຕໍາຫລວດພາກັນເບິ່ງນັກເຄື່ອນໄຫວຂອງຂະບວນການ Occupy Wall Street ຄົນນຶ່ງສະແດງດົນຕີ ຢູ່ສວນສາທາລະນະ Washington Square ທີ່ New York, ວັນທີ 15 ກັນຍາ 2012.

10/10 ຜູ້ປະທ້ວງຄົນນຶ່ງຖືກຈັບຢູ່ຕໍ່ໜ້າວັດ Trinity ທີ່ນິວຢອກ, ວັນທີ 15 ກັນຍາ 2012.

ກ່ຽວຂ້ອງກັນ

ຟັງຂ່າວກ່ຽວກັບ ການຕໍ່ຕ້ານຕະຫຼາດຮຸ້ນ

ລິ້ງ ສຳຫລັບເຂົ້າຫາ

ຕິດຕາມພວກເຮົາ ທີ່

ພວກ​ປະ​ທ້ວງ ຕະຫຼາດຄ້າ​ຮຸ້ນ ຫລາຍສິບຄົນ ຖືກຈັບ (ວີດີໂອກັບສະໄລດ໌)

ຂະບວນການ ຄອບຄອງ ຕະຫລາດຮຸ້ນ ທໍາການປະທ້ວງ ຄົບຮອບນຶ່ງປີ

ກ່ຽວຂ້ອງກັນ

ຟັງຂ່າວກ່ຽວກັບ ການຕໍ່ຕ້ານຕະຫຼາດຮຸ້ນ

ພວກປະທ້ວງ ຕະຫຼາດຄ້າຮຸ້ນ ຫລາຍສິບຄົນ ຖືກຈັບ (ວີດີໂອກັບສະໄລດ໌)