ຊາວອາເມຣິກັນ ທົ່ວປະເທດ ພາກັນຢຸດວຽກ ໃນວັນຈັນມື້ນີ້ ເພື່ອ
ລະນຶກເຖິງ ວັນພັກແຫ່ງຊາດ ທີ່ເປັນຂີດໝາຍວັນເກີດຂອງມື້ລາງ
ຜູ້ນຳສິດທິພົລເມືອງ ທ່ານ Martin Luther King, Jr.
ທ່ານ King ກ້າວຂຶ້ນມາມີບົດບາດເທື່ອທຳອິດ ໃນປີ 1955 ໃນ
ເວລາ ທ່ານໄດ້ນຳພາ ການຄັດຄ້ານກົດຂອງລົດເມໂດຍສານ
ຂອງຫລວງ ທີ່ສຳເລັດຜົນ ໃນເມືອງ Montgomory ລັດ
Alabama ຢູ່ທາງພາກໃຕ້ຂອງປະເທດ ທີ່ໄດ້ກົດດັນໃຫ້ເມືອງ
ດັ່ງກ່າວ ຍຸດຕິການປະຕິບັດກົດແບ່ງແຍກ ບັນດາຜູ້ໂດຍສານ
ຄົນຜິວດຳ. ທ່ານໄດ້ກາຍມາເປັນຜູ້ສຳຄັນ ໃນວົງການໆເຄື່ອນ
ໄຫວ ເພື່ອສິດທິພົລເມືອງ ໃນຊ່ວງປີ 1950 ແລະ 1960 ທີ່
ດົນບັນດານໃຈພົນລະເມືອງຫຼາຍລ້ານຄົນ ໃນການກ່າວປາໄສ ທີ່ມີຊື່ສຽງທົ່ວໂລກ ຄື
“ຂ້າພະເຈົ້າມີຄວາມໄຝ່ຝັນ ຫຼື I Have a Dream” ໃນລະຫວ່າງການເດີນຂະບວນ
ມາຍັງວໍຊິງຕັນ ເມື່ອເດືອນມີນາປີ 1963.
ທ່ານ King ໄດ້ຮັບລາງວັນ Nobel ສາຂາສັນຕິພາບ ໃນປີ 1964 ຊຶ່ງເປັນປີດຽວກັນ ທີ່ມີ
ມະຕິກົດໝາຍເລື້ອງສິດທິພົລເມືອງສະບັບນຶ່ງ ໄດ້ຮັບການລົງນາມ ໂດຍປະທານາທິບໍດີ
Lyndon Johnson ເປັນປະຫວັດສາດ.
ທ່ານ King ຖືກລອບສັງຫານ ເມື່ອວັນທີ 4 ເດືອນເມສາ 1968 ໃນນະຄອນ Memphis
ລັດ Tennessee ບ່ອນທີ່ທ່ານ ໄດ້ເດີນທາງໄປຊ່ອຍພວກພະນັກງານເກັບຂີ້ເຫຍື້ອຜິວດຳ
ໃນການຢຸດງານປະທ້ວງ ເພື່ອຮຽກຮ້ອງເອົາຄ່າແຮງງານທີ່ສະເໝີພາບ.
