ທີ່ສະຫະລັດ ປະທານາທິບໍດີບາຣັກ ໂອບາມາ ໄດ້ອອກດຳລັດສະບັບນຶ່ງຂອງປະທານາ
ທິບໍດີຊຶ່ງນັບເປັນເທື່ອທໍາອິດທີ່ຈະອະນຸມັດໃຫ້ທາງການສະຫະລັດ ທຳການລົງໂທດຕໍ່ອົງ
ການຫຼືບໍລິສັດຕ່າງປະເທດ ທີ່ຊ່ອຍພວກລັດຖະບານຜະເດັດການ ນຳໃຊ້ເທັກໂນໂລຈີທີ່
ທັນສະໄໝ ລະເມີດສິດທິມະນຸດຕ່າງໆນັ້ນ.
ທ່ານໂອບາມາປະກາດເລື້ອງນີ້ໃຫ້ຮູ້ໃນວັນຈັນວານນີ້ ທີ່ພິພິດທະພັນ ລະລຶກເຖິງພວກ
ເຄາະຮ້າຍ Holocaust ຂອງສະຫະລັດ ໂດຍບົ່ງຊື່ພວກລັດຖະບານອີຣ່ານແລະຊີເຣຍ
ອອກມາຢ່າງເຈາະຈົງວ່າເປັນພວກລະເມີດສິດທິມະນຸດລາຍສໍາຄັນນັ້ນ.
ດຳລັດດັ່ງກ່າວນີ້ຈະຢຶດຊັບສິນໃນສະຫະລັດຂອງພວກທີ່ມີສ່ວນພົວພັນກັບການຊ່ອຍ
ເຫຼືອທາງດ້ານເທັກໂນໂລຈີ ເຊ່ນ ດາວທຽມ ເຄື່ອງຄອມພີວເຕີແລະເຄື່ອຮັບຟັງໂທລະ
ສັບ ໃຫ້ພວກລັດຖະບານທີ່ກົດຂີ່ຂົ່ມເຫັງປະຊາຊົນນັ້ນ. ທ່ານໂອບາມາ ກ່າວຕື່ມວ່າ
ເທັກໂນໂລຈີທີ່ທັນສະໄໝ ຄວນຈະຖືກນໍາໃຊ້ເພື່ອສົ່ງເສີມສິດທິຂອງປະຊາຊົນແທນ
ທີ່ຈະໃຊ້ປາບປາມເຂົາເຈົ້ານັ້ນ.
ປະທານາທິບໍດີໂອບາມາກ່າວຕື່ມວ່າ ອະທິປະໄຕແຫ່ງຊາດ ບໍ່ເຄີຍເປັນໃບອະນຸຍາດ
ເພື່ອໃຫ້ເຂັ່ນຂ້າປະຊາຊົນຂອງຕົນເອງ.
ດຳລັດສະບັບໃໝ່ນີ້ ເປັນພາກສ່ວນນຶ່ງຂອງອັນທີ່ທ່ານເອີ້ນວ່າ ຍຸດທະສາດອັນກວ້າງ
ຂວາງເພື່ອປົກປ້ອງແລະຕອບໂຕ້ຕໍ່ຄວາມໂຫດຮ້າຍທາລຸນ. ດຳລັດນີ້ແມ່ນຮວມທັງການ
ຈັດຕັ້ງສະພາປ້ອງກັນຄວາມໂຫດຮ້າຍທາລຸນ ຊຶ່ງກໍານົດໄຂການພົບປະກັນຂຶ້ນຄັ້ງທໍາ
ອິດໃນວັນຈັນວານນີ້.
ທ່ານໂອບາມາ ໄດ້ກ່າວປ້ອງກັນຄວາມພະຍາຍາມຕ່າງໆຂອງລັດຖະບານຂອງທ່ານ
ເຊ່ນກັນ ເພື່ອປົກປ້ອງການຂ້າລ້າງຜານປະຊາຊົນໃນ ທົ່ວໂລກ ໂດຍສະເພາະແລ້ວໄດ້
ກ່າວເຖິງປະເທດລີເບຍ ຊູດານແລະການຕາມລ່າຫາຂຸນເສິກ Joseph Kony ໃນທະ
ວີບອາຟຣິກາທີ່ກໍາ ລັງດໍາເນີນໄປຢູ່ໃນເວລານີ້.
ທ່ານໂອບາມາກ່າວວ່າ ພວກປະທານາທິບໍດີຂອງຊູດານແລະຊູດານໃຕ້ ຈະຕ້ອງມີ
ຄວາມກ້າຫານເພື່ອທໍາການເຈລະຈາກັນ ເພາະວ່າປະຊາຊົນ ຂອງພວກເຂົາເຈົ້າຄວນ
ຈະໄດ້ຮັບສັນຕິພາບ.
ກ່ອນກ່າວຄໍາປາໄສນີ້ ທ່ານໂອບາມາໄດ້ໄປທ່ຽວຊົມຫໍພິພິດທະພັນ Holocaust ພ້ອມ
ກັບທ່ານ Elie Wiesel ຜູ້ທີ່ໄດ້ຮັບລາງວັນໂນແບນ ຂະແໜງສັນຕິພາບ ແລະຜູ້
ລອດຊີວິດມາໄດ້ຈາກການຂ້າລ້າງ ຜານຊາວຢິວຢ່າງຂະໜານໃຫຍ່ທີ່ເອີ້ນວ່າ
Holocaust ນັ້ນ.