ປະທານາທິບໍດີ ສະຫະລັດ ທ່ານ ບາຣັກ ໂອບາມາ ໄດ້ປະກາດ ມາດຕະການ ໃໝ່ຫຼາຍສະບັບ ເຊິ່ງມີຈຸດປະສົງເພື່ອຫຼຸດຜ່ອນ ຄວາມຮຸນແຮງຈາກການໃຊ້ປືນ ໂດຍບໍ່ຜ່ານລັດຖະສະພາ ກ່ຽວກັບ ບັນຫາທີ່ໄດ້ສ້າງຄວາມແບ່ງແຍກຢ່າງໃຫຍ່ຫຼວງ ໃນສັງຄົມ ອາເມ ຣິກາ. ທ່ານປະທານາທິບໍດີ ໄດ້ເປີດເຜີຍຫຼາຍມາດຕະການ ໃນກາ ນຖະແຫຼງຂ່າວທີ່ທຳນຽບຂາວໃນວັນອັງຄານທີ່ຜ່ານມາ, ເຊິ່ງໃນ ລະຫວ່າງ ການກ່າວຄຳປາໄສນັ້ນ ທ່ານ ໂອບາມາ ໄດ້ມີຄວາມຮູ້ ສຶກໂສກເສົ້າຂະນະທີ່ທ່ານ ລະນຶກຄືນເຖິງຈຳນວນຜູ້ເສຍຊີວິດໃນ ການສັງຫານໝູ່ ໃນໄລຍະສອງສາມປີທີ່ ຜ່ານມາ. ຜູ້ສື່ຂ່າວວີໂອເອ Jeff Cluster ລາຍງານຈາກນະຄອນຫຼວງ ວໍຊິງຕັນ ເຊິ່ງ ພຸດທະສອນ ຈະນຳເອົາລາຍລະອຽດມາສະເໜີທ່ານ.
ດຳລັດຂອງປະທານາທິບໍດີຈະບັງຄັບໃຫ້ຜູ້ປືນທັງຫຼາຍຕ້ອງມີໃບອະນຸຍາດ ແລະ ໃຫ້ມີການ ກວດກາປະຫວັດຂອງຜູ້ຊື້ປືນ.
ນອກນັ້ນມາດຕະການດັ່ງກ່າວຍັງຈະບັງຄັບໃຫ້ນຳໃຊ້ກົດໝາຍການມີອາວຸດປືນຢູ່ໃນຄວາມ ຄອບຄອງ ທີ່ມີຢູ່ແລ້ວນັ້ນ ເຄັ່ງຄັດຂຶ້ນກວ່າເກົ່າ, ຂະຫຍາຍການປິ່ນ ປົວສຸຂະພາບຈິດ ແລະ ຂະຫຍານການຄົນຄວ້າໃນເທັກໂນໂລຈີຄວາມປອດ ໄພຂອງປືນ.
ໃນລະຫວ່າງການກ່າວຄຳປາໄສຂອງທ່ານປະທານາທິບໍດີນັ້ນ, ທ່ານໄດ້ເກີດມີ ຄວາມຮູ້ສຶກ ຫວັ່ນໄຫວເມື່ອທ່ານໄດ້ລະນຶກເຖິງເຫດການຍິງກັນໃນປີ 2012 ທີ່ ໂຮງຮຽນປະຖົມ Sandy Hook ໃນເມືອງ Newtown ລັດ Connecticut ທີ່ໄດ້ ເຮັດໃຫ້ນັກຮຽນ ແລະ ຄູອາຈານເສຍ ຊີວິດ 26 ຄົນ.
ທ່ານ ບາຣັກ ໂອບາມາ ກ່າວວ່າ “ທຸກໆເທື່ອທີ່ຂ້າພະເຈົ້າຄິດເຖິງເດັກນ້ອຍ ພວກນັ້ນມັນເຮັດ ໃຫ້ຂ້າພະເຈົ້າເສຍໃຈ. ແລະຈັ່ງໃດກໍຕາມ, ມັນກໍໄດ້ເກີດຂຶ້ນຢູ່ຖະໜົນຂອງນະຄອນ Chicago ທຸກໆມື້. ດັ່ງນັ້ນ ພວກເຮົາທຸກຄົນຕ້ອງຮຽກ ຮ້ອງຕໍ່ລັດຖະສະພາ, ໃຫ້ມີຄວາມ ກ້າຫານພໍທີ່ຈະລຸກຂຶ້ນຕໍ່ສູ້ກັບຄຳຫຼອກລວງ ຂອງກຸ່ມສະໜັບສະໜູນການໃຊ້ປືນ, ພວກ ເຮົາທຸກຄົນຕ້ອງລຸກຂຶ້ນ ແລະ ປົກ ປ້ອງປະຊາຊົນຂອງພວກເຮົາ, ພວກເຮົາທຸກຄົນຕ້ອງ ຮຽກຮ້ອງໃຫ້ບັນດາຜູ້ ຄອງລັດ ແລະ ສະມາຊິກສະພາ ແລະ ຫົວໜ່ວຍທຸລະກິດຕ່າງໆໃຫ້ ເຮັດໜ້າທີ່ ໃນພາກສ່ວນຂອງພວກເຈົ້າ ເພື່ອເຮັດໃຫ້ສັງຄົມຂອງພວກເຮົາມີຄວາມປອດ ໄພຂຶ້ນຕື່ມ.”
ທ່ານ ໂອບາມາ ໄດ້ເນັ້ນຢ້ຳວ່າມາດຕະການດັ່ງກ່າວນັ້ນ ຈະບໍ່ສາມາດແກ້ໄຂ ທຸກໆບັນຫາອາ ຊະຍາກຳ ທີ່ຮຸນແຮງໃນປະເທດໄດ້. ແຕ່ທ່ານກໍໄດ້ກ່າວວ່າ ບາດ ກ້າວເຫຼົ່ານີ້ຈະມີໂອກາດໃນ ການຊ່ວຍຊີວິດ ແລະບັນເທົາຄວາມເຈັບປວດຂອງ ບັນດາຄອບຄົວໃນການສູນເສຍທີ່ບໍ່ທຳມະ ດານີ້.
ບັນດາຜູ້ສະໜັບສະໜູນສິດທິໃນການຄອບຄອງປືນໄດ້ກ່າວປະນາມການກະທຳຂອງທ່ານປະ ທານາທິບໍດີ, ໂດຍເວົ້າວ່າມັນຈະຈຳກັດຮັດແຄບສິດທິໃນການມີອາ ວຸດປືນຢູ່ໃນຄວາມຄອບຄອງຕາມລັດຖະທຳມະນູນ.
ພໍ່ຄ້າຂາຍປືນໃນລັດ ເທັກຊັສ ທ້າວ James Hillin ກ່າວວ່າ ກົດລະບຽບໃໝ່ນີ້ແມ່ນບໍ່ຈຳເປັນ.
ທ້າວ Hillin ເວົ້າວ່າ “ພວກເຮົາໄດ້ຮັບອະນຸຍາດໃຫ້ຊື້ປືນຈາກສ່ວນບຸກຄົນໄດ້. ແມ່ນແລ້ວ, ພວກເຂົາເຈົ້າຢາກຈະລົງທະບຽນທົ່ວປະເທດ. ການລົງທະບຽນທົ່ວ ປະເທດຈະນຳໄປສູ່ ການຍຶດເອົາປືນ. ທ່ານ Hitler, ທ່ານ Stalin ພວກເຂົາ ເຈົ້າເປັນຜູ້ນຳທີ່ຍິ່ງໃຫຍ່ໃນເວລາ ດຽວກັນ ກໍໄດ້ຍຶດເອົາປືນ ດັ່ງນັ້ນພວກເຂົາ ເຈົ້າຈຶ່ງສາມາດເລີ່ມຄວບຄຸມປະຊາຊົນໄດ້, ແລະ ນັ້ນກໍແມ່ນທຸກໆຢ່າງທີ່ມັນ ກ່ຽວຂ້ອງ.”
ໂຄສົກສະພາຕ່ຳສະຫະລັດ ທ່ານ Paul Ryan ໄດ້ເອີ້ນຂໍ້ສະເໜີນີ້ວ່າເປັນ “ດຳ ລັດທີ່ກ້າວກ່າຍໃນລະດັບທີ່ເປັນອັນຕະລາຍ,” ແລະ ໄດ້ກ່າວຫາທ່ານປະທານາທິບໍດີວ່າຫາທາງທຳ ລາຍຂະແໜງນິບັນຍັດຂອງລັດຖະບານ.
ການປະກາດໃນວັນອັງຄານທີ່ຜ່ານມາ ໄດ້ມີຂຶ້ນຫຼັງຈາກການຍິງສັງຫານໝູ່ຫຼາຍຄັ້ງໃນ ສະຫະ ລັດ ເມື່ອປີກາຍນີ້, ລວມທັງການໂຈມຕີກໍ່ການຮ້າຍໃນລັດ ຄາລີຟໍເນຍ ທີ່ເຮັດໃຫ້ມີຄົນເສຍ ຊີວິດ 14 ຄົນ.
ການຢັ່ງຫາງສຽງເມື່ອບໍ່ດົນມານີ້ໄດ້ສະແດງໃຫ້ເຫັນວ່າ ມີຊາວອາເມຣິກັນໃນຈຳ ນວນເພີ່ມຂຶ້ນໃຫ້ການສະໜັບສະໜູນຕໍ່ການກວດກາປະຫວັດຄວາມເປັນມາຂອງ ຜູ້ທີ່ຢາກຈະຊື້ປືນ.
