ຂະນະດຽວກັນ ປະທານາທິບໍດີສະຫະລັດ ທ່ານ ບາຣັກ ໂອບາມາ ຈະອອກເດີນທາງໄປ
ໂຄສະນາຫາສຽງເລືອກຕັ້ງສະໄໝທີ່ສອງຂອງທ່ານຢູ່ ລັດໂອໄຮໂອທາງພາກກາງຂອງ
ສະຫະລັດໃນວັນພຸດນີ້ ບ່ອນທີ່ທ່ານຄາດວ່າຈະກ່າວປ້ອງກັນນະໂຍບາຍເສດຖະກິດທີ່
ຖືກຕໍາໜິຕິຕຽນຢ່າງໜັກໜ່ວງຂອງທ່ານນັ້ນ ໃນຂະນະທີ່ການແຂ່ງຂັນເອົາຕໍາແໜ່ງປະທາ
ນາທິບໍດີ ປີ 2012 ກໍາລັງດໍາເນີນໄປຢ່າງດຸເດືອດ.
ທ່ານໂອບາມາ ຈະອອກເດີນທາງໄປໂຄສະນາຫາສຽງເທື່ອທໍາອິດຂອງ ທ່ານໃນປີນີ້ ຢູ່ທີ່
ລັດໃດທີ່ເຫັນວ່າ ຫຼໍ່ແຫຼມຕໍ່ການເລືອກຕັ້ງສະໄໝທີສອງຂອງທ່ານ. ໃນຂະນະທີ່ການ
ດໍາເນີນການຄັດເລືອກເອົາຜູ້ຖືກແຕ່ງຕັ້ງຂອງພັກຣີພັບບລິກັນພວມເປັນຂ່າວໃຫຍ່ຢູ່ນັ້ນ
ປະທານາທິບໍດີໂອບາມາຈະໄປກ່າວຄໍາປາໄສຢູ່ທີ່ໂຮງຮຽນມັດທະຍົມ ໃນເຂດຊານເມືອງ
ແຫ່ງນຶ່ງໃນວັນພຸດມື້ນີ້.
ທໍານຽບຂາວບໍ່ໄດ້ໃຫ້ລາຍລະອຽດຫຍັງຫຼາຍກ່ຽວກັບການເດີນທາງໄປ ໂຄສະນາຫາສຽງ
ຂອງທ່ານຄັ້ງນີ້ ແຕ່ປະທານາທິບໍດີຈະເນັ້ນໜັກໃສ່ຂໍ້ຄວາມຂອງທ່ານກ່ຽວກັບການສ້າງສາ
ເສດຖະກິດຄືນໃໝ່ແລະສ້າງໜ້າວຽກສຳລັບຊາວອາເມຣິກັນ ຊຶ່ງເປັນການລິເລີ່ມນະໂຍບາຍ
ທີ່ທໍານຽບຂາວກ່າວຫາວ່າໄດ້ຢຸດຊະງົກລົງໄປຍ້ອນສະມາຊິກສະພາພັກຣີພັບບລິກັນ.
ປະທານາທິບໍດີໂອບາມາ ໄດ້ເລິ່ມເປີດສາກດໍາເນີນການໂຄສະນາຫາສຽງປີ 2012 ຂອງ
ທ່ານ ເມື່ອວັນອັງຄານວານນີ້ ໃນລາຍການປະຊຸມ ຜ່ານທາງວິດີໂອຕໍ່ພວກເຂົ້າຮ່ວມທີ່ໄອ
ໂອວາ caucuses ນັ້ນ ທັງສອງພັກຄື ຣີພັບບລິກັນ ແລະເດໂມແຄຣທ ໄດ້ທໍາການແຂ່ງ
ຂັນຄັດເລືອກເທື່ອທໍາອິດ ເພື່ອແຕ່ງຕັ້ງຜູ້ສະມັກຢ່າງເປັນທາງການໃນການເລືອກຕັ້ງປະທາ
ນາທິບໍດີປີ 2012 ທີ່ລັດໄອໂອວາທາງພາກຕາເວັນຕົກຕອນກາງຂອງສະຫະລັດເມື່ອວັນ
ອັງຄານວານນີ້.
ຈາກວໍຊິງຕັນ ທ່ານໂອບາມາ ໄດ້ເນັ້ນຍໍ້າເຖິງຜົນສໍາເລັດທີ່ສໍາຄັນຕ່າງໆ ໃນຊ່ວງການບໍລິ
ຫານປະເທດຂອງທ່ານ ໂຮມທັງການຮັບຜ່ານການປະຕິຮູບຕະຫຼາດຮຸ້ນຫຼື Wall Street
ແລະໂຄງການຮັກສາສຸຂະພາບ ການຍຸຕິສົງຄາມໃນອີຣັກ ແລະຕ່າວປີ້ນການຫ້າມພວກ
ຄົນຮັກຮ່ວມເພດຢ່າງເປີດເຜີຍ ເຂົ້າຮັບໃຊ້ຢູ່ໃນກອງທັບນັ້ນນໍາ.
