ລິ້ງ ສຳຫລັບເຂົ້າຫາ

ວັນອັງຄານ, ໑໖ ກໍລະກົດ ໒໐໒໔

ສະຫະລັດ ກ່າວວ່າ ເກົາຫລີເໜືອ ຕ້ອງຍິນຍອມ ກ່ຽວກັບໂຄງການນີວເຄຼຍ ກ່ອນໄດ້ຮັບການຊ່ອຍເຫຼືອ


ພົນເອກ Robert Willard ຜູ້ບັນຊາການທະຫານສະຫະລັດ ປະຈໍາພາກພື້ນເອເຊຍ
ປາຊີຟິກ.
ວັນທີ 28 ກຸມພາ 2012.
ພົນເອກ Robert Willard ຜູ້ບັນຊາການທະຫານສະຫະລັດ ປະຈໍາພາກພື້ນເອເຊຍ ປາຊີຟິກ. ວັນທີ 28 ກຸມພາ 2012.

ຜູ້​ບັນຊາ​ການຂັ້ນ​ສູງ​ຂອງ​ກອງທັບ​ສະຫະລັດ​ທ່ານ​ນຶ່ງ​ກ່າວ​ວ່າ ​ເກົາຫລີເໜືອ​ຕ້ອງ​ທໍາ​ການ​ຍິນ​ຍອມ​ກ່ຽວ​ກັບ​ໂຄງການ​ນີວ​ເຄລຍຂອງ​ຕົນ ​ເພື່ອຄໍ້າປະກັນ​ວ່າ​ຕົນ​ຈະ​ໄດ້​ຮັບ​ການ​ຊ່ອຍ​ເຫລືອ​ເຂົ້າປາ​ອາ​ຫານທີ່​ຕົນ​ຕ້ອງການ​ເປັນ​ທີ່​ສຸດ​ຈາກ​ລັດຖະບານ​ກຸງ​ວໍ​ຊິງ​ຕັນ​ນັ້ນ.

ພົນເຣືອເອກ Robert Willard ​ຜູ້ບັນຊາ​ການ​ກຳລັງ​ສະຫະລັດ​ປະ​ຈໍາ​ພາກ​ພື້ນ​ເອ​ເຊຍ​ປາຊີ​ຟິກ ກ່າວ​ໃນ​ວັນ​ອັງຄານ​ວານ​ນີ້​ວ່າ ​ເງື່ອນ​ໄຂ​ຕ່າງໆ​ແມ່ນຮວມທັງ​ການ​ໃຫ້​ເກົາຫລີ​ເໜືອ​ຍຸດຕິ​ໂຄງການ​ນີວ​ເຄລຍ​ແລະ​ການ​ທົດລອງ​ຍິງ​ລູກ​ສອນ​ໄຟ​ຂີ​ປະ​ນາ​ວຸດ​ຂອງ​ຕົນຕະຫຼອດ​ທັງ​ອະນຸມັດ​ໃຫ້ ພວກ​ນັກ​ກວດກາ​ນີວ​ເຄລຍຂອງ​ສະຫະ​ປະຊາ​ຊາດ​ກັບ​ຄືນ​ເຂົ້າ​ໄປ​ກວດກາໂຮງ​ໄຟຟ້າພະລັງ​ປະລະມະ​ນູທີ່ Yongbyon ນັ້ນ.

ພົນເຮືອເອກ Willard ກ່າວ​ເຊ່ນ​ນີ້​ ໃນ​ການໃຫ້ການ​ຕໍ່​ຄະນະ​ກໍາມາ​ທິການດ້ານ​ທະຫານ​ຂອງສະພາ​ສູງ​ສະຫະລັດ​ທີ່​ກຸງ​ວໍ​ຊິງ​ຕັນ.

ບັນດາ​ເຈົ້າ​ໜ້າ​ທີ່​ກະຊວງ​ການ​ຕ່າງປະ​ເທດ ​ໄດ້​ປະຕິ​ເສດ​ມາ​ເປັນ​ເວລາ​ດົນ​ນານ​ທີ່​ວ່າ ການ​ຊ່ອຍ​ເຫລືອ​ດ້ານ​ເຂົ້າປາ​ອາຫານ​ແກ່​ເກົາຫລີ​ເໜືອ ທີ່​ທຸກ​ຈົນແມ່ນມີ​ເງື່ອນ​ໄຂ​ພົວພັນ​ກັບ​ການ​ຍິນ​ຍອມ​ທາງ​ດ້ານ​ການ​ເມືອງຕ່າງໆ.

ສະຫະລັດ​ໄດ້​ງົດ​ໂຄງການໃຫ້ການ​ຊ່ອຍ​ເຫຼືອ​ເຂົ້າປາ​ອາ​ຫານຂອງ​ຕົນ​ໃນ​ຕົ້ນ​ປີ 2009 ພາກສ່ວນ​ນຶ່ງ​ກໍ​ເປັນ​ຍ້ອນ​ມີ​ຄວາມ​ເປັນ​ຫ່ວງ​ກັງວົນ​ວ່າ ອາຫານ​ເຫລົ່າ​ນີ້​ໄດ້​ຖືກ​ສົ່ງໄປ​ໃຫ້​ກອງທັບ​ເກົາຫລີ​ເໜືອຫລື​ໄປ​ໃຫ້ພວກ​ຫົວ​ກະທິ​ດ້ານ​ການ​ເມືອງ​ ​ແທນ​ທີ່​ຈະ​ແມ່ນ​ປະຊາຊົນ.

XS
SM
MD
LG