ນັກການທູດລະດັບສູງທ່ານນຶ່ງຂອງສະຫະລັດກ່າວວ່າ
ພຶດຕິກຳຂອງເກົາຫຼີເໜືອໃນຫວ່າງໄວໆມານີ້ ເປັນຮ່ອງ
ຮອຍຊີ້ບອກວ່າ ອຳນາດປົກຄອງທີ່ລຶກລັບຂອງເກົາຫຼີເໜືອ
ນັ້ນແມ່ນຍັງບໍ່ຕຽມພ້ອມທີ່ຈະກັບຄືນເຂົ້າຮ່ວມການເຈລະຈາ
ກ່ຽວກັບໂຄງການນິວເຄລຍຂອງຕົນນັ້ນ.
ທ່ານ Robert Einhorn ທີ່ປືກສາພິເສດຂອງກະຊວງ
ການຕ່າງປະເທດສະຫະລັດ ຮັບຜິດຊອບເລື່ອງການບໍ່
ເຜີຍແຜ່ນິວເຄລຍແລະການຄວບຄຸມອາວຸດ ໄດ້ໃຫ້ຂໍ້ສັງເກດດັ່ງກ່າວ ໃນລະຫວ່າງ
ການໃຫ້ສໍາພາດຂ່າວທີ່Tokyo ຍີ່ປຸ່ນໃນວັນພຸດມື້ນີ້ ຊຶ່ງທ່ານໄດ້ກ່າວຕຶ່ມວ່າ ການກະທຳ
ຕ່າງໆ ຂອງພຽງຢາງເມື່ອໝໍ່ໆມານີ້ ໄດ້ຍົກອັນທີ່ທ່ານເອີ້ນວ່າ “ຄຳຖາມອັນຊອບທໍາ”
ຂຶ້ນມາ ກ່ຽວກັບວ່າ ພຽງຢາງມີຄວາມໝາຍໝັ້ນແທ້ຫລືບໍ່ ທີ່ຈະກໍາຈັດອາວຸດນິວເຄລຍ
ອອກໄປຈາກແຫຼມເກົາຫຼີນັ້ນ?
ແລະໃນວັນພຸດມື້ນີ້ເຊ່ນກັນ ອົງການຂ່າວຢອນຮັບຂອງເກົາຫຼີໃຕ້ກ່າວວ່າ ທາງສະຫະລັດ
ໄດ້ເອົາຊື່ຂອງເຈົ້າໜ້າທີ່ການເງິນເກົາຫລີເໜືອ ສາມຄົນເຂົ້າໃນບັນຊີດໍາ ຍ້ອນສົງໃສວ່າ
ພວກກ່ຽວເປັນຜູ້ຈັດການເລື່ອງການເງິນລັບຂອງທ່ານ ຄິມ ຈົງ ອິລ ຜູ້ນໍາເກົາຫລີເໜືອນັ້ນ.
ຢອນຮັບເວົ້າວ່າຕົນໄດ້ຮຽນຮູ້ເຖິງລາຍຊື່ດັງກ່າວນີ້ ຈາກແຫ່ລງຂ່າວລັດຖະ ບານແຕ່ບໍ່
ແຈ້ງຊື່ໃຫ້ຊາບ ຊຶ່ງແຫຼງຂ່າວຍັງລະບຸອີກວ່າ ທາງການສະຫະລັດຍັງມີຫລັກຖານທີ່
ສະແດງວ່າ9 ສະຖາບັນການເງິນໃນຕ່າງປະເທດຂອງເກົາຫລີເໜືອ ແລະອີກຢ່າງນ້ອຍ
2 ບໍລິສັດການຄ້າ ໄດ້ມີສ່ວນພົວພັນນໍາກິດຈະກຳທີ່ຜິດກົດໝາຍ ຂອງອຳນາດການປັກ
ຄອງເກົາຫຼີເໜືອ ຊຶ່ງ ຮວມທັງ ການຄ້າອາວຸດສິນຄ້າປະເພດເຄື່ອງຟຸ້ມເຟືອຍ ແລະທະນາ
ບັດປອມນຳ.
