ເກົາຫລີເໜືອກ່າວໃນວັນຈັນມື້ນີ້ວ່າ ຕົນຈະຍົກລະດັບ
ຄວາມສາມາດ ດ້ານນິວເຄລຍຂອງຕົນ ເພື່ອໂຕ້ຕອບ
ຕໍ່ອັນທີ່ເກົາຫລີເໜືອເອີ້ນວ່າ ນະໂຍບາຍທີ່ “ເປັນປໍ
ລະປັກ” ຂອງສະຫະລັດ.
ກະຊວງຕ່າງປະເທດເກົາຫລີເໜືອກ່າວໃນຖະແຫລງການ
ສະບັບນຶ່ງ ທີ່ນຳອອກເຜີຍແຜ່ໂດຍອົງການຂ່າວກາງຂອງ
ເກົາຫລີເໜືອວ່າ “ນະໂຍ ບາຍທີ່ເປັນປໍລະປັກສືບຕໍ່ມາ
ແລະການຂົ່ມຂູ່ທາງທະຫານຂອງສະຫະ ລັດນັ້ນ” ໄດ້ເຮັດ
ໃຫ້ເກົາຫລີເໜືອຈຳເປັນຕ້ອງຍົກລະດັບການຕ້ານຢັນ
ດ້ວຍອາວຸດນິວເຄລຍຂອງຕົນ ໃນແບບ “ໃໝ່ແລະປັບປຸງໃຫ້ດີຂື້ນ.” ຖະແຫລງການ
ບໍ່ໄດ້ໃຫ້ລາຍລະອຽດໃດໆຕື່ມອີກ.
ປະທານາທິບໍດີສະຫະລັດ ທ່ານບາຣັກ ໂອບາມາ ກ່າວເມື່ອວັນອາທິດ ວານນີ້ວ່າ
ສະພາຄວາມໝັ້ນຄົງອົງການສະຫະປະຊາຊາດຈຳເປັນຕ້ອງ ໄດ້ສະແດງການຮັບຮູ້
ຢ່າງແຈ້ງຂາວທີ່ສຸດ ວ່າເກົາຫລີເໜືອໄດ້ມີພຶດຕິ ກຳແບບກະຫາຍສົງຄາມ ທີ່ປະຊາ
ຄົມນານາຊາດ ຮັບເອົາບໍ່ໄດ້.
ປະທານາທິບໍດີໂອບາມາ ກ່າວໃນຕອນປິດກອງປະຊຸມສຸດຍອດຂອງ ກຸ່ມ ຈີ20
ທີ່ນະຄອນໂຕຣອນໂຕວ່າ ທ່ານເຊື່ອວ່າ ແມ່ນເປັນສິ່ງສຳຄັນ ຢ່າງເດັດຂາດ
ສຳຫລັບປະຊາຄົມນານາຊາດທີ່ຈະເຕົ້າໂຮມກັນຢູ່ເບື້ອງ ຫລັງປະທານາທິບໍດີເກົາ
ຫລີໃຕ້ ທ່ານ ລີ ມິ-ອຸງ ບັກ ນັ້ນ.
ປະທານາທິບໍດີສະຫະລັດ ຍັງເວົ້າຕື່ມວ່າ ປະທານາທິບໍດີ ລີ ໄດ້ສະ ແດງໃຫ້ເຫັນເຖິງ
ຄວາມ “ອົດກັ້ນເປັນພິເສດ” ເມື່ອພິຈາລະນາເບິ່ງວ່າ ການສືບສວນຂອງນາໆຊາດໄດ້
ສະຫລຸບວ່າ ເກົາຫລີເໜືອ ເປັນຜູ້ໂຈມຕີເຮືອລົບເກົາຫລີໃຕ້ທີ່ຈົມນ້ຳ ຍັງຜົນໃຫ້ມີ
ທະຫານເຮືອເສຍຊີວິດ 46 ຄົນນັ້ນ.
