ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ສະຫະລັດແລະເກົາຫລີເໜືອ ເລີ້ມການເຈລະຈາກັນ ເລື້ອງນີວເຄລຍ ທີ່ນະຄອນເຈນີວາ


ທ່ານ Stephen Bosworth ຫົວໜ້າຄະນະຜູ້ຕາງໜ້າສະຫະລັດ ທີ່ກອງປະຊຸມສອງມື້ ກັບເກົາຫລີເໜືອ ທີ່ນະຄອນເຈນີວາ ກ່ຽວກັບເລື້ອງນີວເຄຍເກົາຫລີເໜືອ.
ວັນທີ 24 ຕຸລາ 2011.
ທ່ານ Stephen Bosworth ຫົວໜ້າຄະນະຜູ້ຕາງໜ້າສະຫະລັດ ທີ່ກອງປະຊຸມສອງມື້ ກັບເກົາຫລີເໜືອ ທີ່ນະຄອນເຈນີວາ ກ່ຽວກັບເລື້ອງນີວເຄຍເກົາຫລີເໜືອ. ວັນທີ 24 ຕຸລາ 2011.

ບັນດາ​ນັກ​ການ​ທູດ​ສະຫະລັດ​ແລະ​ເກົາຫລີ​ເໜືອ ​ໄດ້​ເລີ້ມ​ທໍາ​ການພົບ​ປະ​ເຈ​ລະ​ຈາ​ກັນ​ເປັນ​ເວລາ 2 ມື້ໃນ​ວັນ​ຈັນ​ມື້ນີ້​ ທີ່​ນະຄອນ​ເຈ​ເນ​ວາ ປະ​ເທດ Switzerland ກ່ຽວ​ກັບ​ການເປີດ​ການເຈລະຈາ​ 6 ຝ່າຍ​ຄືນ ​ໃໝ່​ ກ່ຽວ​ກັບ​ໂຄງການ​ນີວ​ເຄລຍຂອງ​ກຸງ​ພຽງ​ຢ້າງ​ນັ້ນ.

ຄະນະ​ຜູ້​ຕາງໜ້າ​ຂອງ​ສະຫະລັດ​ ​ແມ່ນ​ນໍາພາ​ໂດຍທ່ານ Stephen Bosworth ທູດ​ພິ​ເສດ​ກ່ຽວ​ກັບ​ເກົາຫລີ​ເໜືອ ​ທີ່​ຈະ​ພົ້ນ​ຈາກຕໍາ​ແໜ່​ງ​ ແລະ​ທ່ານ Glyn Davies ຜູ້​ທີ່​ຈະ​ມາ​ວ່າ​ໜ້າ​ທີ່​ແທນ​ທ່ານ​ນັ້ນ.

ທັງ​ສອງ​ທ່ານ​ນີ້​ຈະ​ສະ​ເໜີ​ທ່າ​ທີ​ຂອງ​ລັດຖະບານ​ກຸງວໍ​ຊິງ​ຕັນ​ທີ່​ວ່າ ກຸງ​ພຽງ​ຢ້າງ​ຈະ​ຕ້ອງ​ຢຸດ​ເຊົາ​ໂຄງການເສີມ​ສະມັດ​ຖະ​ພາບ​ທາດ​ຢູ​ເຣນຽມ​ຂອງ​ຕົນ ​ແລະ​ອະນຸຍາດ​ໃຫ້​ພວກ​ນັກ​ກວດກາ​ສະຫະ​ປະຊາ​ຊາດກັບ​ຄືນ​ໄປ​ຍັງ​ເກົາຫລີ​ເໜືອ ກ່ອນ​ການເຈລະຈາ 6 ຝ່າຍ​ຈະ​ສາມາດໄຂ​ຄືນ​ໄດ້​ນັ້ນ.

ຄະນະ​ຜູ້ຕາງໜ້າ​ຂອງ​ເກົາຫລີ​ເໜືອ ​ພາຍ​ໃຕ້​ການ​ນໍາພາ​ຂອງ​ທ່ານ Kim Kye-kwam ຮອງ​ລັດຖະມົນຕີ​ຕ່າງປະ​ເທດ ​ເບິ່ງ​ຄື​ວ່າ ຈະຕ້ອງໄດ້ປະຕິບັດ​ຕາມ​ຖ້ອຍ​ຖະ​ແຫລ​ງຂອງ​ທ່ານ​ກິມຈົງ​ອີລ ຜູ້​ນໍາ​ເກົາ​ຫລີ​ເໜືອ​ ທີ່​ໄດ້​ກ່າວ​ຕໍ່ອົງການ​ຂ່າວ Itar-Tass ຂອງທາງ​ການ​ຣັດ​ເຊຍ​ໃນ​ສັບປະ ດາ​ຜ່ານ​ມາ​ວ່າ ການເຈລະຈາ​ກັນເລື້ອງນີ້​ຄວນ​ຈະ​ໄຂ​ຄືນ​ຢ່າງ​ໄວ ​ແລະ​ໂດຍ​ບໍ່​ມີ​ເງື່ອນ​ໄຂ​ໃດ​ໆ.

ແຕ່​ວ່​າ ເກົາຫລີ​ເໜືອ​ພວມ​ຖືກ​ກົດ​ດັນ​ຈາກ​ພັນທະ​ມິດ​ທີ່ສໍາຄັນຂອງ​ຕົນ ຄືຈີນ​ນັ້ນ ທີ່​ຢາກ​ໃຫ້​ພຽງ​ຢາງປັບປຸງ​ສາຍ​ພົວພັນກັບ​ສະຫະລັດ​ແລະ​ເກົາຫລີ​ໃຕ້. ຮອງ​ນາຍົກລັດຖະມົນຕີຈີນ ທ່ານ Li Kequiang ທີ່​ພວມ​ທໍາ​ການ​ຢ້ຽມຢາມ​ເກົາຫລີ​ເໜືອ​ຢູ່​ໃນ​ເວລາ​ນີ້ ກ່າວ​ຕໍ່​ທ່ານ Choe Yong Rim ນາຍົກລັດຖະມົນຕີ​ເກົາຫລີ​ເໜືອ​ ໃນ​ວັນ​ອາທິດ​ວານ​ນີ້​ວ່າ ການ​ປັບປຸງ​ສາຍ​ພົວ ພັນກັນ​ນັ້ນ ຈະ​ເປັນ​ການ​ສົ່ງ​ເສີມ​ສະຖຽນ​ລະ​ພາບ​ໃນ​ພາກ​ພື້ນ.

XS
SM
MD
LG