ສະຫະລັດໄດ້ຮຽກຮ້ອງໃຫ້ເກົາຫຼີເໜືອສະແດງອອກຊຶ່ງ
ຄວາມໝາຍໝັ້ນຕັ້ງໃຈໃນການກັບຄືນໄປສູ່ການເຈລະຈາ
6 ຝ່າຍ ທີ່ແນໃສ່ເພື່ອທັບມ້າງໂຄງການສ້າງອາວຸດນິວ
ເຄລຍຂອງພຽງຢ່າງນັ້ນ.
ທ່ານ Mark Toner ໂຄສົກກະຊວງການຕ່າງປະເທດ
ສະຫະລັດກ່າວຕໍ່ພວກນັກຂ່າວໃນວັນອັງຄານວານນີ້ວ່າ ລັດ
ຖະມົນຕີການຕ່າງປະເທດສະຫະລັດ ທ່ານນາງ Hillary
Clinton ໄດ້ສົນທະນາຫາລືເລື່ອງເກົາຫຼີເໜືອກັບລັດຖະມົນ ຕີການຕ່າງປະເທດຈີນ ໃນມື້ວັນຈັນຜ່ານມານີ້.
ນອກຈາກເກົາຫລີເໜືອແລ້ວ ການເຈລະຈາ 6 ຝ່າຍຍັງພົວ ພັນກັບສະຫະລັດ ຈີນ ຣັດເຊຍ ຍີ່ປຸ່ນ ແລະເກົາຫຼີໃຕ້. ການເຈລະຈາຫາລືທີ່ວ່ານີ້ ແມ່ນແນໃສ່ ເພື່ອໃຫ້ເກົາຫຼີເໜືອ ປະຖິ້ມໂຄງການສ້າງອາວຸດນິວເຄລຍ ເພື່ອແລກກັບການ ຊ່ອຍເຫຼືອແລະພະລັງງານ.
ທ່ານ Toner ເວົ້າວ່າ ທີ່ປຶກສາພິເສດຂອງສະຫະລັດ ຮັບຜິດຊອບກ່ຽວກັບການຄວບຄຸມ
ແລະຫ້າມແຜ່ຜາຍອາວຸດນິວເຄລຍ ທ່ານ Robert Einhorn ຈະເດີນທາງໄປຢ້ຽມຢາມຈີນ
ແຕ່ວັນ 28 ຫາວັນທີ 30 ກັນຍາ ທີ່ເພັງເລັງໃສ່ເລື່ອງເກົາຫລີເໜືອແລະອີຣ່ານ.
