ທຳນຽບຫ້າແຈ ກ່າວວ່າ ທະຫານ Navy SEALS ຫລືໜ່ວຍ
ກ້າຕາຍພິເສດ ຂອງກອງທັບເຮືອຂອງສະຫະລັດ ໄດ້ຍຶດເອົາ
ກຳປັ່ນບັນທຸກນ້ຳມັນ ທີ່ບັນທຸກນ້ຳມັນດິບຜິດກົດໝາຍ ທີ່ໄດ້ມາ
ຈາກທ່າກຳປັ່ນແຫ່ງນຶ່ງ ທີ່ຄວບຄຸມໂດຍພວກກະບົດໃນລີເບຍ.
ກະຊວງປ້ອງກັນປະເທດ ກ່າວໃນວັນຈັນມື້ນີ້ວ່າ ບໍ່ມີຜູ້ໃດໄດ້
ຮັບບາດເຈັບໃນການເຂົ້າຍຶດເອົາກຳປັ່ນໄຮ້ສັນຊາດ ທີ່ຖືກ
ຍຶດເອົາໃນຕົ້ນເດືອນນີ້ ໂດຍຊາວລີເບຍປະກອບອາວຸດ 3 ຄົນ.
ຄຳຖະແຫຼງຂອງກະຊວງປ້ອງກັນປະເທດເວົ້າວ່າ ການເຄື່ອນ
ໄຫວທີ່ວ່ານີ້ ແມ່ນດຳເນີນໄປຕາມຄຳຂໍຮ້ອງ ຈາກພວກລັດຖະ
ບານລີເບຍແລະໄຊປຣັສ ແລະໄດ້ຮັບການອະນຸມັດ ຈາກປະທານາທິບໍດີສະຫະລັດ ທ່ານບາຣັກ ໂອບາມາ.
ການຍຶດເອົາເຮືອລຳດັ່ງກ່າວມີຂຶ້ນ ຫຼັງ 10:00 ໂມງແລງເລັກນ້ອຍຕາມເວລາທ້ອງຖິ່ນ
ໃນວັນອາທິດວານນີ້ ຢູ່ເຂດນ່ານນ້ຳລະຫວ່າງຊາດ ທາງຕາເວັນອອກສຽງໃຕ້ ຂອງເກາະ
ໄຊປຣັສ.
ຖະແຫຼງການເວົ້າຕື່ມວ່າ ເວລານີ້ ພວກທະຫານເຮືອສະຫະລັດໄດ້ເຂົ້າຄວບຄຸມກຳປັ່ນ
ທີ່ຊື່ວ່າ Morning Glory ນັ້ນແລ້ວ ແລະກໍຈະເອົາກຳປັ່ນ ພ້ອມທັງນ້ຳມັນຢູ່ໃນກຳປັ່ນ
ກັບຄືນໄປຍັງທ່າເຮືອທີ່ລີເບຍ ໃນເວລາອີກບໍ່ດົນນີ້.
ກຳປັ່ນ The Morning Glory ໄດ້ບັນທຸກເອົານ້ຳມັນດິບໃນຕົ້ນເດືອນນີ້ ທີ່ທ່າກຳປັ່ນ
As-Sadra ຂອງລີເບຍ ຊຶ່ງຄວບຄຸມໂດຍພວກທະຫານບ້ານກະບົດກຸ່ມນຶ່ງ.
ວີດີໂອກ່ຽວກັບ ວິກິດການໃນລີເບຍ ຍ້ອນການຍຶດເອົານ້ຳມັນ ຂອງພວກກະບົດ:
ກຳປັ່ນລຳນີ້ໄດ້ຕິດທຸງຊາດເກົາຫຼີເໜືອ ແຕ່ກຸງພຽງຢາງໄດ້ປະຕິເສດຄວາມຮັບຜິດຊອບ
ໂດຍກ່າວວ່າ ກຳປັ່ນລຳນີ້ມີສ່ວນພົວພັນກັບບໍລິສັດນຶ່ງຂອງອີຈິບ. ຫຼັງຈາກນັ້ນ ເກົາຫຼີ
ເໜືອກໍໄດ້ຖອນໃບລົງທະບຽນຂອງກຳປັ່ນລຳນີ້ຄືນ.
ກຳປັ່ນ The Morning Glory ໄດ້ລອດພົ້ນຈາກການພະຍາຍາມຈະຍຶດເອົາຄືນຂອງ
ລີເບຍ ຊຶ່ງໄດ້ສົ່ງຜົນກະທົບຢ່າງຮຸນແຮງຕໍ່ນາຍົກລັດຖະມົນຕີ Ali Zeidan ທີ່ໄດ້ຖືກ
ປົດຈາກຕຳແໜ່ງ ແລະໄດ້ຫລົບໜີໄປອາໄສຢູ່ໃນປະເທດອື່ນ.
ລັດຖະບານລີເບຍ ກ່າວວ່າ ຕົນໄດ້ສັ່ງໃຫ້ ສົ່ງໜ່ວຍລົບພິເສດຂອງຕົນອອກປະຕິບັດ
ການ ພາຍໃນສອງອາທິດ ເພື່ອຍຶດເອົາພວກທ່າກຳປັ່ນທັງໝົດທີ່ຢູ່ພາຍໃຕ້ການຄວບ
ຄຸມຂອງພວກກະບົດກັບຄືນມາ.
ການປະເຊີນໜ້າກັນດັ່ງກ່າວ ໄດ້ຕັດການສົ່ງອອກນ້ຳມັນຂອງລີເບຍລົງ ຫຼາຍກວ່າ
80 ເປີເຊັນ.
ວີດີໂອ: ສະພາລີເບຍປົດ ນາຍົກ ລມຕ ຍ້ອນປ່ອຍໃຫ້ ພວກກະບົດ ລັກເອົານ້ຳມັນ:
ກ້າຕາຍພິເສດ ຂອງກອງທັບເຮືອຂອງສະຫະລັດ ໄດ້ຍຶດເອົາ
ກຳປັ່ນບັນທຸກນ້ຳມັນ ທີ່ບັນທຸກນ້ຳມັນດິບຜິດກົດໝາຍ ທີ່ໄດ້ມາ
ຈາກທ່າກຳປັ່ນແຫ່ງນຶ່ງ ທີ່ຄວບຄຸມໂດຍພວກກະບົດໃນລີເບຍ.
ກະຊວງປ້ອງກັນປະເທດ ກ່າວໃນວັນຈັນມື້ນີ້ວ່າ ບໍ່ມີຜູ້ໃດໄດ້
ຮັບບາດເຈັບໃນການເຂົ້າຍຶດເອົາກຳປັ່ນໄຮ້ສັນຊາດ ທີ່ຖືກ
ຍຶດເອົາໃນຕົ້ນເດືອນນີ້ ໂດຍຊາວລີເບຍປະກອບອາວຸດ 3 ຄົນ.
ຄຳຖະແຫຼງຂອງກະຊວງປ້ອງກັນປະເທດເວົ້າວ່າ ການເຄື່ອນ
ໄຫວທີ່ວ່ານີ້ ແມ່ນດຳເນີນໄປຕາມຄຳຂໍຮ້ອງ ຈາກພວກລັດຖະ
ບານລີເບຍແລະໄຊປຣັສ ແລະໄດ້ຮັບການອະນຸມັດ ຈາກປະທານາທິບໍດີສະຫະລັດ ທ່ານບາຣັກ ໂອບາມາ.
ການຍຶດເອົາເຮືອລຳດັ່ງກ່າວມີຂຶ້ນ ຫຼັງ 10:00 ໂມງແລງເລັກນ້ອຍຕາມເວລາທ້ອງຖິ່ນ
ໃນວັນອາທິດວານນີ້ ຢູ່ເຂດນ່ານນ້ຳລະຫວ່າງຊາດ ທາງຕາເວັນອອກສຽງໃຕ້ ຂອງເກາະ
ໄຊປຣັສ.
ຖະແຫຼງການເວົ້າຕື່ມວ່າ ເວລານີ້ ພວກທະຫານເຮືອສະຫະລັດໄດ້ເຂົ້າຄວບຄຸມກຳປັ່ນ
ທີ່ຊື່ວ່າ Morning Glory ນັ້ນແລ້ວ ແລະກໍຈະເອົາກຳປັ່ນ ພ້ອມທັງນ້ຳມັນຢູ່ໃນກຳປັ່ນ
ກັບຄືນໄປຍັງທ່າເຮືອທີ່ລີເບຍ ໃນເວລາອີກບໍ່ດົນນີ້.
ກຳປັ່ນ The Morning Glory ໄດ້ບັນທຸກເອົານ້ຳມັນດິບໃນຕົ້ນເດືອນນີ້ ທີ່ທ່າກຳປັ່ນ
As-Sadra ຂອງລີເບຍ ຊຶ່ງຄວບຄຸມໂດຍພວກທະຫານບ້ານກະບົດກຸ່ມນຶ່ງ.
ວີດີໂອກ່ຽວກັບ ວິກິດການໃນລີເບຍ ຍ້ອນການຍຶດເອົານ້ຳມັນ ຂອງພວກກະບົດ:
ກຳປັ່ນລຳນີ້ໄດ້ຕິດທຸງຊາດເກົາຫຼີເໜືອ ແຕ່ກຸງພຽງຢາງໄດ້ປະຕິເສດຄວາມຮັບຜິດຊອບ
ໂດຍກ່າວວ່າ ກຳປັ່ນລຳນີ້ມີສ່ວນພົວພັນກັບບໍລິສັດນຶ່ງຂອງອີຈິບ. ຫຼັງຈາກນັ້ນ ເກົາຫຼີ
ເໜືອກໍໄດ້ຖອນໃບລົງທະບຽນຂອງກຳປັ່ນລຳນີ້ຄືນ.
ກຳປັ່ນ The Morning Glory ໄດ້ລອດພົ້ນຈາກການພະຍາຍາມຈະຍຶດເອົາຄືນຂອງ
ລີເບຍ ຊຶ່ງໄດ້ສົ່ງຜົນກະທົບຢ່າງຮຸນແຮງຕໍ່ນາຍົກລັດຖະມົນຕີ Ali Zeidan ທີ່ໄດ້ຖືກ
ປົດຈາກຕຳແໜ່ງ ແລະໄດ້ຫລົບໜີໄປອາໄສຢູ່ໃນປະເທດອື່ນ.
ລັດຖະບານລີເບຍ ກ່າວວ່າ ຕົນໄດ້ສັ່ງໃຫ້ ສົ່ງໜ່ວຍລົບພິເສດຂອງຕົນອອກປະຕິບັດ
ການ ພາຍໃນສອງອາທິດ ເພື່ອຍຶດເອົາພວກທ່າກຳປັ່ນທັງໝົດທີ່ຢູ່ພາຍໃຕ້ການຄວບ
ຄຸມຂອງພວກກະບົດກັບຄືນມາ.
ການປະເຊີນໜ້າກັນດັ່ງກ່າວ ໄດ້ຕັດການສົ່ງອອກນ້ຳມັນຂອງລີເບຍລົງ ຫຼາຍກວ່າ
80 ເປີເຊັນ.
ວີດີໂອ: ສະພາລີເບຍປົດ ນາຍົກ ລມຕ ຍ້ອນປ່ອຍໃຫ້ ພວກກະບົດ ລັກເອົານ້ຳມັນ:
