ເຈົ້າໜ້າທີ່ທະຫານຂອງສະຫະລັດກ່າວວ່າ ກຳປັ່ນລົບຂອງກອງທັບເຮືອສະຫະ ລັດໄດ້ຍິງ
ປືນໃສ່ເຮືອນ້ອຍລຳນຶ່ງທີ່ແລ່ນມຸ່ງໜ້າຫາກຳປັ່ນລົບດ້ວຍຄວາມໄວສູງ ໃນບໍລິເວນແຄມຝັ່ງ
ທະເລຂອງສະຫະລັດອາຣັບເອເມີເຣັສ.
ສະຫະລັດອາຣັບເອເມີເຣັສ ກ່າວວ່າ ຄົນສັນຊາດອີນເດຍຜູ້ນຶ່ງທີ່ຢູ່ໃນເຮືອນ້ອຍ ໄດ້ເສຍຊີ
ວິດ ແລະອີກສາມຄົນໄດ້ຮັບບາດເຈັບ. ເຂົາເຈົ້າກ່າວວ່າ ເຮືອດັ່ງກ່າວແມ່ນເຮືອຫາປາ.
ກອງທັບເຮືອສະຫະລັດກ່າວວ່າ ກຳປັ່ນເຕີມນໍ້າມັນ USNS Rappahannock ໄດ້ຍິງປືນ
ໃສ່ເຮືອນ້ອຍ ໃນວັນຈັນວານນີ້ ຫລັງຈາກເຮືອນ້ອຍດັ່ງກ່າວ ບໍ່ໄດ້ເອົາຫົວຊາຕໍ່ການເຕືອນ
ໃຫ້ຢຸດຫຼາຍໆ ຊຶ່ງກອງທັບເຮືອສະຫະລັດຮ້ອງວ່າ ເປັນ “ການລ່ວງລໍ້າເຂົ້າມາດ້ວຍເຈດ
ຕະນາ” ຫາເຮືອລົບຂອງສະຫະລັດ. ເຂົາເຈົ້າກ່າວວ່າ ການຍິງປືນໃສ່ນັ້ນ ເປັນວິທີປ້ອງກັນ
ຂັ້ນສຸດທ້າຍ.
ທະຫານເຮືອ ສະຫະລັດ ບໍ່ໄດ້ໃຫ້ການຢືນຢັນກ່ຽວກັບການບາດເຈັບ ແລະກ່າວວ່າ ອຸປະ
ຕິເຫດຄັ້ງນີ້ ກໍາລັງຢູ່ໃນລະຫວ່າງການສືບສວນ.