ສະຫະລັດ ແລະ ອົງການເນໂຕ ຍຸດຕິການທຳສົງຄາມເປັນ
ເວລາ 13 ປີ ຢູ່ທີ່ອັຟການິສຖານລົງ ຢ່າງເປັນທາງການ ໃນ
ວັນທິດມື້ນີ້ ດ້ວຍພິທີທີ່ຈັດຂຶ້ນ ຢູ່ທີ່ກອງບັນຊາການທະຫານ
ຂອງຕົນ ໃນນະຄອນຫລວງກາບູລ.
ໄດ້ມີການເປີດເຜີຍລາຍລະອຽດ ໃຫ້ຮູ້ລ່ວງໜ້າໜ້ອຍຫລາຍ
ກ່ອນພິທີການດັ່ງກ່າວ ຍ້ອນເຫດຜົນ ດ້ານຄວາມປອດໄພ.
ທະຫານປະມານ 13,000 ຄົນ ແມ່ນຈະຍັງຄົງຢູ່ໃນ
ອັຟການິສຖານຕໍ່ໄປ ເພື່ອຊ່ວຍເຝິກແອບ ແລະແນະນຳ
ກອງກຳລັງຂອງລັດຖະບານອັຟການິສຖານ ທີ່ຈະຮັບເອົາ
ພາລະກິດ ໃນດ້ານການສູ້ລົບ ແລະ ການຮັກສາຄວາມໝັ້ນຄົງ ໃນປະເທດຕໍ່ໄປ.
ທ້າວ Mohammad Salim ຊາວກາບູລຄົນໜຶ່ງ ກ່າວວ່າ “ພວກເຮົາເພິ່ງພໍໃຈນຳ
ຄວາມສາມາດ ຂອງກອງກຳລັງຮັກສາຄວາມໝັ້ນຄົງ ຂອງອັຟການິສຖານ
ຂອງພວກເຮົາ. ພວກເຂົາເຈົ້າ ດຽວນີ້ມີຄວາມແຂງແກ່ງພຽງພໍ ທີ່ຈະຮັບເອົາ
ພາລະຄວາມຮັບຜິດຊອບ ໃນການຮັກສາຄວາມໝັ້ນຄົງຈາກເນໂຕ. ພວກເຮົາ
ມີຄວາມພາກພູມໃຈນຳພວກເຂົາເຈົ້າ.”
ໃນຊ່ວງຈຸດສຸດຍອດຂອງສົງຄາມດັ່ງກ່າວນັ້ນ ມີທະຫານຈຳນວນ 140,000 ຄົນ ຈາກ 50
ປະເທດ ປະກອບສ່ວນປະຕິບັດງານ ຢູ່ທີ່ອັຟການິສຖານ. ທະຫານຕ່າງຊາດ ເກືອບ 3,500 ຄົນ ໄດ້ເສຍຊີວິດໃນພາລະກິດສູ້ລົບຢູ່ອັຟການິສຖານ ນັບຕັ້ງແຕ່ປີ 2001 ເປັນຕົ້ນມາ.
