ບັນດາເຈົ້າໜ້າທີ່ ສະຫະລັດ ກ່າວວ່າ ສະຫະລັດ ກຳລັງເຄື່ອນ
ໄຫວເພື່ອຢຸດເຊົາ ການເກັບສະສົມລະເບີດຝັງດິນ ທີ່ໃຊ້ເພື່ອຕໍ່
ຕ້ານມະນຸດ.
ລັດຖະບານທ່ານ Obama ກ່າວວ່າ ສະຫະລັດຈະບໍ່ຜະລິດ ຫລື
ຊື້ມາ ລະເບີດຝັງດີນຕໍ່ຕ້ານບຸກຄົນ ອີກຕໍ່ໄປແລ້ວ ແລະໃນທີ່ສຸດ
ກໍມີແຜນທີ່ຈະເຂົ້າເປັນພາຄີຂອງສົນທິສັນຍານາໆຊາດເພື່ອ
ເກືອດຫ້າມການນຳໃຊ້ອາວຸດດັ່ງກ່າວນີ້.
ການປະກາດໃນວັນສຸກວານນີ້ ມີຂື້ນຢູ່ກອງປະຊຸມ ທີ່ເມືອງ
Maputo ປະເທດMozambique ທີ່ແນໃສ່ເພື່ອທົບທວນສົນທິສັນຍາທີ່ມີອາຍຸ 15 ປີ ທີ່
ຮູ້ກັນໃນ ນາມ ສົນທິສັນຍາ Ottawa ນັ້ນ.
ໂຄສົກສະພາຄວາມໝັ້ນຄົງແຫ່ງຊາດຂອງສະຫະລັດ ທ່ານນາງ Caitlin Hay-den ກ່າວ
ວ່າ ຜູ້ຕາງໜ້າສະຫະລັດໄດ້ສະແດງໃຫ້ເຫັນຢ່າງຈະແຈ້ງວ່າ ສະຫະ ລັດ “ກຳລັງດຳເນີນ
ການຢ່າງແຂງຂັນເພື່ອຫາທາງແກ້ໄຂທີ່ເໝາະສົມ ທີ່ຈະຍິນ ຍອມຕາມ ແລະໃນທີ່ສຸດ
ອະນຸຍາດໃຫ້ສະຫະລັດໄດ້ເຂົ້າຮ່ວມ ໃນສົນທິສັນຍາ Ottawa.”
ແຕ່ທ່ານ Steve Goose ຜູ້ອຳນວຍການ ດ້ານອາວຸດຂອງກຸ່ມປົກປ້ອງສິດທິມະນຸດ Human Rights Watch ແລະປະທານໃນການປຸກລະດົມເພື່ອຫ້າມບໍ່ໃຫ້ ມີການໃຊ້ລະເບີດຝັງດິນຂອງ ສະຫະລັດ ກ່າວວ່າ ການປະກາດດັ່ງກ່າວນີ້ ແມ່ນ ຍັງບໍ່ເປັນທີ່ພຽງພໍ.
ທ່ານ Goose ກ່າວວ່າ “ມັນບໍ່ມີເຫດຜົນເລີຍສຳລັບສະຫະລັດ ທີ່ຈະຮັບຮູ້ວ່າອາວຸດຄວນ
ຈະຖືກຫ້າມ ເພາະວ່າມັນເປັນໄພຕໍ່ດ້ານມະນຸດສະທຳ ໃນຂະນະທີ່ມີທາງເລືອກທີ່ຈະໃຊ້
ມັນອີກຢູ່ໃນໄລຍະຫລາຍປີຕໍ່ໜ້າ.” ທ່ານກ່າວວ່າ ສະຫລັດ ຄວນທີ່ຈະກຳນົດວັນເວລາເພື່ອ
ເຂົ້າຮ່ວມສົນທິສັນຍາຫ້າມໃຊ້ລະເບີດຝັງດິນໂດຍ ໝາຍໝັ້ນຈະບໍ່ໃຊ້ອາວຸດດັ່ງກ່າວ ແລະເລີ້ມທຳລາຍອາວຸດທີ່ເກັ
